နိုင်ငံရေး ပြဿနာလား ၊ စစ်အာဏာ ပြဿနာလား ။

နိုင်ငံရေး ပြဿနာလား ၊ စစ်အာဏာ ပြဿနာလား ။

            မြန်မာပြည်မှာ  ဒီနေ့ ဖြစ်နေတဲ့ ပြဿနာကို နိုင်ငံရေး ပြဿနာလို့ ပြောဆိုသံတွေ ကျယ်ကျယ်လောင်လောင်ဖြစ်နေတယ်။ ဒီအသံက ကျွန်တော်မှတ်မိသလောက် ၁၉၉၂ ခုNCUB  ပေါ်လာေ တာ့ ပဒိုမန်းရှာက ဆွေးနွေးရင်းပေါ်လာတဲ့ စကားလုံးပါ။ ရုတ်တရက်ကြည့် ရင်တော့ ဟုတ်သ လိုလိုပေါ့။ ၉၀ ခုနှစ်ရွေးကောက်ပွဲမှာ နိုင်ထားတဲ့ NLD တို့နဲ့ လိုင်းဝင်နေ တော့ ဒီအသံဟာ လူကြိုက်များခဲ့တာပါဘဲ။ NLD ဆိုတာ အရင်က “ဆွေးနွေးရေးမှ တပါး အခြားမရှိ”  ဆိုတဲ့ အမြင်နဲ့ ရပ်တည်ခဲ့တာပါ။ မခုတော့ “ လွှတ်တော်မှ တပါး အခြား မရှိဖြစ် နေပြန်ပြီ။ ”

            အမှန်က နိုင်ငံရေးအရ ဖြေရှင်းတဲ့ ကိစ္စကို ၆၂ ခုနှစ်မှာနိုင်ငံတော် အာဏာကို စစ်တပ်နဲ့ ဗိုလ်နေ၀င်း သိမ်းယူပြီး  နောက်ပိုင်း ၆၃ ခုမှာ တောတွင်း ပါတီ တွေကို ဖိတ်ပြီး နိုင်ငံရေးအရ ဆွေးနွေးဖြေရှင်းဖို့ လုပ်ခဲ့ပါတယ်။ ဒါပေမဲ့ မအောင်မြင်ခဲ့ပါဘူး။ ပျက်စီးရတဲ့ ကိစ္စက ကျွန်တော့် အမြင်တော့ လူထုတွေလှုပ်ရှား ပါဝင်လာမှာကို ဗိုလ်နေ၀င်းက ကြောက်ပြီး ဖျက်လိုက်တယ်လို့ မြင်တယ်။လူထု အခန်းကဏ္ဍကို ဗိုလ်နေ ၀င်းက မပါလာစေချင်ပါဘူး။ လူထုကို လှုပ်ဆော်ပြီး သူတို့ကို ဖိအားပေးတယ်လို့ သူကယူဆပုံရတယ်။ ဆိုလိုတာက လူထုနိုင်ငံရေး မဖြစ်လာ စေချင်ဘူး။ နိုင်ငံရေးအရ မဖြေရှင်းလိုပါဘူး။

            နောက်တော့သူတို့ စစ်အာဏာရှင်စံနစ်ကြီးစိုးမှုကို ထောက် ကူမည့်  မဆလ ( မြန်မာ့ ဆိုရှယ်လစ်လမ်းစဉ်ပါတီ) ဆိုတာကို ဖွဲ့နိုင်ဖို့ဘဲ ပြင်ဆင်လုပ် ဆောင်ခဲ့တော့ တယ်။ နိုင်ငံရေး နည်းအ ရ ဖြေရှင်းနည်းမဟုတ်ဘဲ စစ်တပ်နောက်ခံနဲု့ ကိုယ်ပိုင်နိုင်ငံရေး ပါတီဖွဲ့ပြီး နိုင်ငံရေးပါတီတွေ ကို ပြန် တိုက်တာပါ။ နိုင်ငံရေးပါတီအစစ်တွေကို နိုင်ငံရေးပါတီအတု ရုပ်သေးပါတီနဲ့ တိုက်တာပါ။ အခု လဲ နိုင်ငံရေးပါတီ ဟန်ဆောင်ထားတဲ့ စစ်တပ်ြ့ကံဖွတ် ရုပ် သေးပါတီ ပါဘဲ။ဒီကြားထဲမဆလလက်ကျန်တိုင်း ရင်းသားစည်းလုံးရေးပါတီကကျန်သေးတယ်။စစ်တပ်ရုပ်သေးပါတီတွေပေါ့။ နိုင်ငံရေးပါတီတွေကို နိုင်ငံရေးပါ တီအတုတွေ၊ လက်သတ်မွေးထားတဲ့ လူမိုက် စွမ်းအားရှင်တွေ ၊ ပုလိပ်တပ်၊ စစ်တပ်တွေနဲ့ အခုတော့ တရားဥပဒေဆိုတာနဲ့ပါ ခြိမ်းခြောက်အနိုင်ယူတဲ့နည်းတွေနဲ့စစ်အာဏာရှင်စံနစ်ကိုကြားကန်ထူထောင်ထား

တာဖြစ်တယ်။ နိုင်ငံ ရေးနည်း၊လူထုဆန္ဒနည်းကိုသုံးနေတာမဟုတ်ဘူး။ဒါကို နိုင်ငံရေးနည်းနဲ့စစ်ဗိုလ်ချုပ်တွေ က ဖြေ ရှင်းလာ တယ်။ပြော့ပြောင်းလာ တယ် လို့ ယူဆသူတွေဟာ ကိုယ့်ကိုယ်ကို အထင်ကြီး လွန်းသူ၊ ဒါမှမဟုတ် ရန်သူ ဘက်ယိမ်းနေသူသာ ဖြစ်နိုင်တယ်။

            အရေးအကြီးဆုံးမှားယွင်းချက်က ဒီနေ့မြန်မာပြည် နိုင်ငံရေးကို နိုင်ငံရေးအသွင်နဲ့ဘဲ သွားနေတယ်လို့ ယူဆချက်ဘဲ။ မြန်မာပြည်မှာ ဖြစ်နေတဲ့ နိုင်ငံရေး ပဋိပက္ခက စစ်ပွဲအသွင် အဖြစ် ၈၈ ကတည်းကကူးပြောင်းသွားတာကို မျက်ကွယ်ပြုလိုက်တာဖြစ်တယ်။ စစ်ဟာ အဆင့်မြင့် နိုင်ငံရေးဖြစ်တာကို ကြားဘူးကြမှာပါ။ဒါကိုမသိကြဘူး။ နိုင်ငံရေးနည်းနဲ့ ဖြေရှင်း ရမယ် ဆိုတာက ဆွေးနွေးရမယ်။ စစ်မဖြစ်ရဘူးလို့ ပြောသလိုဖြစ်နေခဲ့တယ်။ ဆွေနွေးပွဲ တောင်းဆိုခဲ့တဲ့ လူတွေ ဘာတွေဖြစ် ခဲ့ကြရသလဲ လွန်ခဲ့တဲ့ အနှစ်နှစ်ဆယ် လောက်ကို ပြန်ကြည့်လိုက်ရ င်သိနိုင်တယ်။ စစ်အာဏာဂရှင်တွေ က အဖက်လုပ်အရေးစိုက် ပြောဆိုခဲ့ကြ လို့လား။

             ဒီပဲယင်းနဲ့ ၂၀၀၇ ခုစက်တင်ဘာ သံဃာ အုံကြွမှုတွေကို စစ်အာဏာရှင်တွေ လုပ်ပုံက စစ်ပွဲအသွင် ဖြစ်နေတာကို အထင်အရှား နောက်ထပ်ပြတဲ့ သမိုင်းမှတ်တိုင်တွေဘဲ။ လူသူ မသိဖြစ်ပျက်နေ တဲ့ အချက်အလက်တွေကို ထည့်ပေါင်းရင် ဒီနေ့မြန်မာပြည်မှာဖြစ်နေတာ ရိုးရိုး နိုင်ငံရေြး ပဿနာမ ဟုတ်တော့ဘဲအဆင့်မြင့် နိုင်ငံရေး ဖြစ်တဲ့စစ်ဖြစ်နေတာကိုသိနိုင်တယ်။ နိုင်ငံရေး ပြဿနာသက်သက်မ

ဟုတ်တော့ဘူး။ စစ်အာဏာရှင်စံနစ်က လက်နက်ကိုင်စစ် တပ်ကို လက်ကိုင်ထားပြီး ပုံသဏ္ဍာန် အမျိုးမျိုးနဲ့ဖိနှိပ်နေတဲ့စစ်ပွဲအသွင်သာရှိပြီး နိုင်ငံရေးအသွင်သက်သက်မျှသာမဟုတ်တာကိုသိနိုင်တယ်။

ဒါကြောင့် နိုင်ငံရေးကို နိုင်ငံရေးနည်းနဲ့ ဖြေရှင်းရမယ်ဆိုတဲ့အမြင်ဟာ မြန်မာပြည်မှာ ဖြစ်နေတဲ့ ပြည်သူလူ

ထုကြီးတရပ်လုံးနဲ့ လက်တဆုတ်စာ စစ်အာဏာရှင်တို့ရဲ့ ပြင်း ထန်တဲ့တိုက်ပွဲကို သေးသိမ်အောင်လျှော့ချ လိုက်တာဖြစ်သလို။ရန်သူကိုတိုက်ဖျက်ရေးထက် စေ့စပ်ပြုပြင်ရေးကို အားပေးရာကျနေ တာ ကြောင့် စစ်အာဏာရှင် အုပ်စိုးမှုအောက်က လွတ်မြောက်စေမည့် အမြင် မဟုတ်ဘူး ။ကျွန်တော်တို့ အနေနဲ့“နိုင် ငံရေးကို နိုင်ငံရေးနည်းနဲ့ ဖြေရှင်းရမှာမဟုတ်ဘဲ”ဒီနေ့ ရောက်ရှိနေတဲ့ မြန်မာပြည်တော်လှန်ရေး အဆင့်အရ စစ်အာဏာရှင်တို့ရဲ့ အာဏာကို အပြုတ်ချေမှုန်း တိုက်ပွဲဝင်ခြင်း၊ ပြည့်ဝလွတ်လပ်တဲ့ လူ့အခွင့်အရေးနဲ့ ဒီမိုကရေစီရရှိရေး အတွက် တိုက်ပွဲဝင်ခြင်းသာ တကယ့်ယနေ့တော်လှန်ရေး အမြင် ဖြစ်တယ်၊ ပြည် သူ တွေရဲ့ တကယ့်တောင့်တချက် ဖြစ်တာကို တင်ပြလိုက်ပါတယ်။

စစ်အာဏာကို ဖြိုချကြ။

တော်လှန်တိုက်ပွဲဝင်ကြ။

စစ်အာဏာရှင်စနစ် မုချကျဆုံးရမယ်။

ဦးအေးဆောင်

နိုဝင်ဘာ ၂၈၊ ၂၀၁၁။