ထချမှ နအဖ ပြုတ်မည်။ --- စစ်အာဏာကို ပြိုစေလို ဝိုင်းဝန်းဖြိုဖျက် တစ်ယောက်တစ်လက် --- တောရော မြို့ပါ၊ ဝိုင်းတော်လှန် ဧကန်ပြုတ်ကျ - နအဖ၊ ပြည်သူ့ဘက်က ရပ်တည်လိုလျှင် ပြည်သူ့လွတ်မြောက်ရေး တပ်သို့ ဝင်ပါ။ ဆက်သွယ်ရန် P.O Box (168) Mae Ping 50301, Chiang Mai Thailand - Email plfburma@gmail.com

Monday, August 15, 2016

ရှေ့ရေးကို မျှော်တွေးသော်



ရှေ့ရေးကို မျှော်တွေးသော်

ဆက်သွယ်ရေး၊သွားလာရေး၊ တွေလွယ်ကူကောင်းမွန်လာတော့(မြန်မာပြည်တော့မပါသေးပါ။)လူသား တွေ နေထိုင်တဲ့ ကမ္ဘာကြီးက ရွာတရွာလိုဖြစ်သွားပြီလို့ ပြောနေကြပြီ။ ဒါကြောင့်ဘဲ ကမ္ဘာဒေါင့်စွန်း တနေရာက အဖြစ်အပျက်ဟာ ကမ္ဘာတ၀ှမ်းကိုနေ့ချင်းည ချင်း ရိုက်ခတ်နေတော့တယ်။ဒီတော့ ကျွန်တော် တို့လည်း ကမ္ဘာ အရေးတွေကို မတွေးလို့ မရတော့တဲ့ အခြေအနေ ကိုရောက်နေတော့တယ်။ ကမ္ဘာ့ အခြေအနေအရ နိုင်ငံ ရေးလှုပ်ရှားမှုတွေကို ခင်းကျင်းပြင်ဆင်ကြ တာကိုတော့ပထမ၊ ဒုတိယကမ္ဘာစစ် မတိုင်မှီ မြန်မာပြည် နိုင်ငံရေး ဖြစ်စဉ်ကို ပြန်ကြည့်ရင် သိသာပါတယ်။
ဂျပန်အင်္ဂလိပ်နယ်ချဲ့ နိုင်ငံတွေကြားမှာ ဂျပန်ဘက်က ပါခဲ့လို့ မြန်မာပြည်ဟာ ဂျပန်ဝင်တော့ တခါနာ၊ အင်္ဂလိပ်ပြန်ဝင်တော့ တခါနာ ရွေးချယ်ရာဘက်မှားခဲ့လို့ မိအေးနှစ်ခါနာဖြစ်ခဲ့ရတဲ့ အဖြစ်ကို လည်း ကျွန် တော်တို့ တတွေကြုံခဲ့ရပြီ။ အလေးအနက် သင်ခန်းစာယူတတ်ကြဖို့ လိုပါလိမ့်မယ်။ ဒီတော့ အခုလို အမေရိကန်အုပ်စုနဲ့ တရုတ်အုပ်စု တို့ အားပြိုင်နေတဲ့ ကာလမှာ၊ စီပွါးရေးမက်လုံးတခုတည်းကို ဦတည်ပြီး  လှုပ်ရှားနေတဲ့ ကာလမှာ ကမ္ဘာကြီး၊ရဲ့ လားရာကို ကျွန်တော်တို့ တွက်ဆဖို့ လိုအပ်နေတော့တယ်။ ဒီအလုပ်ဟာ တိုးတက်တဲ့ တော်လှန်ရေး အမြင်ရှိတဲ့ ပညာတတ်တွေရဲ့ ပုခုံးပေါ် တိုက်ရိုက်ကျနေတော့ တယ်။စီးပွါးရေး၊ သွေး စုတ်အမြတ်ထုတ်ရေး၊  အမျိုးသားရေး၊ဘာသာရေးတွေကြီးစိုးနေတော့ ကြိုက် သည်ဖြစ်စေ၊ မကြိုက် သည် ဖြစ် စေ စစ်ဆိုတာဟာ လွှဲလို့ရစရာမရှိတော့ဘူး။
စီပွါးရေးအမြင်ကို ထိပ်တန်းဦးစားပေး အဖြစ် ထားရှိနေတဲ့ အင်အားကြီးနိုင်ငံတွေဟာ စစ်ပွဲကိုဦး တည် စရာတွေများပါတယ်။ အစွမ်းထက် ပြင်းထန်တဲ့ လက်နက်တွေကြောင့် တနိုင်ငံလုံး ပျက်စီးကိန်း၊ တမ္ဘာလုံးပျက်စီးကိန်းကြုံနိုင်တာမို့ကမ္ဘာ့အတိုင်းအတာနဲ့ ဖြစ်ဖို့ထက် ဒေသအကန့်အသတ်စစ်ပွဲတွေ ဖြစ်နိုင်ပါတယ်၊ အရှေ့အလယ်ပိုင်းမှာ၊ ယူကရိန်းမှာ၊ အာဖရိကနိုင်ငံတချို့မှာလည်း ဖြစ်နေတာပါဘဲ။စစ်ပွဲတွေက နိုင်ငံချင်း အလိုက် ဗြောင် တိုက်ခိုက်တာထက် ကိုယ့်ဘက်ယိမ်းတဲ့ ဘက်ကို ကူရင်း အင်အားပြကြတာ၊ သြဇာ တည် ဆောက်နေကြတာတွေ့နေရတယ်။ရည်ရွယ်ချက်ကတော့စီးပွါ့းရေးအကျိုးအမြတ်အတွက်ပါဘဲ။ တောင် တရုတ် ပင်လယ် အရေးက ဒီနေ့ ကျွန်တော်တို့နဲ့ အနီးဆုံး ပြဿနာပေါ့။ဒီထက်နီးတာက ဘင်္ဂလား ပင် လယ် အော်မှာ တရုတ်နဲ့ အိန္ဒိယ တို့အားပြိုင်နေတာဖြစ်တယ်။
စီးပွါးရေးကို ဦးစားပေးရာက၊ရေနံထွက်ရာကို ကြီးစိုးဖို့ ကြံစည်ရာကနေ လူမျိုးရေး၊ဘာသာရေး ၊ တွေပါ ပါလာကြတော့တယ်။ အရင်းရှင် တွေအနေနဲ့၊ အာဏာရှင်တွေ အနေနဲ့လည်း ဒီလူမျိုးရေး ဘာသာရေး ခုတုံး လုပ်မှလည်း သူတို့အတွက် လူထုအင်အားနဲ့ အကာအကွယ်ကိုရယူနိုင်ကြတာကိုး။ ဒီတော့ လူမျိုးရေးကနေ ဘာသာရေး၊ ဘာသာရေးကနေလူမျိုးရေး အပြန်အလှန် လုံးလည်ချာလည် လိုက်ရင်း ပြဿနာအရင်းကို ရှာမ ရသလိုဖြစ်နေတော့တယ်။ ဒီနေ့ ဘာသာရေး ပဋိပက္ခအထူးသဖြင့် အစ္စလာမ် ၀ါဒ နဲ့ ပတ်သက်တဲ့ ပြဿနာကထိပ်တန်းတက်နေပါတယ်။ဘာသာရေးရဲ့  သွေးခွဲမှုတွေကြောင့် လူတွေ သွေးကွဲနေကြရပါပြီ။
ဘာသာရေးမှိုင်းတိုက်၊ အမြတ်ထုတ် ၊ အာဏာတည်ဆောက်တဲ့ နည်းက ဒီနေ့ အထိ ခေတ် စား နေ သေးတော့ မြန်မာပြည်သေးသေးလေးက ကျွန်တော်တို့ တတွေလည်း ဒီဘာသာရေး ဒုက္ခသံသ ရာကို ရင်ဆိုင်ဖို့ သတိဝါရိယ ဥာဏ်ပညာတွေ ရှိဖို့ လိုအပ်နေပါလိမ့်မယ်။
ဒီနေ့ အဓိက ကမ္ဘာ့ပဋိပက္ခမှာ အမေရိကန်အုပ်စုနဲ့ တရုတ်အုပ်စုတို့ ရဲ့ ပဋိပက္ခ ဖြစ်ပါတယ်။ အခြေခံကတော့ စီးပွါးရေးအရ ချယ်လှယ်နိုင်ရေးဘဲ။အမေရိကန်က ဂုဏ်သရေရှိ အရင်းရှင် စံနစ်ကို ကျင့်သုံး နေပြီး ၊ တရုတ်က ကွန်မြူနစ်အမည်ခံ နိုင်ငံတော် အရင်း ရှင်စံနစ်ကို ကျင့်သုံးရင်း နိုင်ငံ့အရင်းနဲ့ ကမ္ဘာပတ်သွေး စုတ်နေတော့တယ်။နိုင်ငံကြီးတွေရဲ့ ကော်ပိုရေးရှင်းကြီး တွေက ကမ္ဘာပတ်သွေးစုတ် အမြတ် ထုတ်ရင်း စစ်ပွဲ တွေ ဒေသအလိုက် ဖန်တီးတာကို ကျွန်တော်တို့ နိုင်ငံ ပိစိကွေးတွေက ဘယ်လို ရင်ဆိုင်ကြ ရမ လဲ။နိုင်ငံ ငယ်တွေ ပေါင်းစည်းထားနိုင်ရင်တော့ ကောင်းမယ်၊ ဒါပေမဲ့ ဒါဟာအိမ်မက်မျှ သာဖြစ်မယ်။ နိုင်ငံ တွေစုစည်း ရေးမပြောနဲ့ မြန်မာပြည်ထဲမှာရှိတဲ့ ပြည်နယ်ဆိုတာတွေတောင် ပေါင်းစည်းရေးဟာ ဘယ် လောက်ခက်သလဲ ဆိုတာ စုပေါင်းအဖွဲ့ အစည်းတွေ ဖြစ်ခဲ့တဲ့ မြန်မာပြည် ဒီမိုကရက် တစ် မဟာမိတ်အဖွဲ့ချုပ် ( DAB) ပြိုကွဲရပုံနဲ့ ၊ ဒီနေ့ တိုင်းရင်းသားအဖွဲ့စုစည်းထားတဲ့ UNFC ပုံပျက်ပန်း ပျက်ဖြစ်နေရ တာကို ကြည့်ရင် သိနိုင်ပါတယ်။ ရန်သူရဲ့ ထိုးနှက်ထိုးခွဲမှုတွေရှိပေမဲ့ တပ်ပေါင်းစုတွေ ရဲ့ နီုင်ငံရေးအမြင်ချို့ငဲ့မှုကအဓိကကျပါတယ်။ဒီတော့ကျွန်တော်တို့ကလက်မြှောက်ပြီး  မျောလိုက်ရတော့မလား ဆိုတာတော့ မဟုတ်ပါဘူး။
ဒီဆောင်းပါးမှာကမ္ဘာ့နိုင်ငံရေးကိုကျွန်တော်မြင်သလောက်ဇောင်းပေးတင်ပြမှာဖြစ်လို့ ပြည်တွင်းနိုင်ငံ ရေး ကို နောက် ဆောင်ပါးများနဲ့ ဆက်သွယ်ရေးဖို့ရည်ရွယ်ထားပါတယ်။ အခုတော့ ကမ္ဘာနိုင်ငံရေးမိုးလေ ၀သနဲ့ ကျွန်တော်တို့ ဘာလုပ်ရမလဲ ဆိုတာကို အကြံပြုချင်ပါတယ်။ ပြည်တွင်းရေးဟာ အဓိကထားရ မှာဖြစ် ပေမဲ့ ကမ္ဘာ့ အင်အားကြီးနိုင်ငံတွေရဲ့ လှုပ်ရှားမှုဟာ မဟာဗျူဟာ ဖြစ်နေတတ်လို့ပါဘဲ။ ဘက်မှန်မှန် ကျင့်သုံး နိုင်ဖို့က ပြည်သူတွေရဲ့ နိုင်ငံရေးရေချိန်နဲ့ ရနိုင်မည့် အာဏာနဲ့စွမ်းရည်ပေါ်တည်မှာပါ။အခုက အမေရိကန် အရင်းရှင်နဲ့ တရုတ်အရင်းရှင် အုပ်စု ကြားမှာ ရွေးရမှာဖြစ်ပါတယ်။
ရွေးဖို့ဆိုရင် အရင်ဆုံး ကျွန်တော်တို့ ဘာလိုချင်တာလဲ ဆိုတာကိုသိထားဖို့လိုပါတယ်။ ကျွန်တော်တို့ လိုချင်တာက နိုင်ငံရေး၊ စီးပွါးရေး လွတ်လပ်မှု၊ လူ့အခွင့်အရေးနဲ့ ဒီမိုကရေစီ ( အရင်းရှင်အဆင့်) လို့ ပြောနိုင်ပါတယ်။ ဒီရည်ရွယ်ရွယ်ချက်ကို ဖြည့်ဆည်းနိုင်မည့် မိတ်ဆွေအုပ်စုကို ရှာဖို့ဘဲ။ တရုတ်နဲ့ အမေရိ ကန်ကို ဒီရည်ရွယ်ချက်နဲ့ တိုင်းရင် အမေရိကန်ဘဲ နီးစပ်တာတွေ့နိုင်တယ်။တရုတ်ဟာ ကျွန်တော်တို့ မြန်မာ ပြည်အတွက် အလွန်စီးပွါးရေးဆန်ပြီး ဖိနှိပ်တဲ့ စစ်အာဏာကို အားပေးခဲ့တာ လည်းပါပါတယ်။သူတို့ဟာ မြန်မာ ပြည်သူတွေ အရေးကို ဂရုမစိုက်သူတို့ အမျိုးသားရေးသက်သက်ကိုဘဲ ကြည့်နေတော့ ကျွန်တော်တိုလည်း ကိုယ်တိုင်ပြည်လိုအပ်ချက်ကိုကြည့်ရမှာဘဲ၊ စစ်အာဏာရဲ့ဖိနှိပ်မှုကို ဖယ်ချနိုင်ရေး ကစ စဉ်းးစားသင့် တော့တယ်။
သူတို့ရဲ့အုပ်ချုပ်ပုံစံနစ်ကလည်းပါတီစုံဒီမိုကရေစီမဟုတ်သလို၊ကွန်မြူနစ်စံနစ်တွေရဲ့ နိုင်ငံတကာဝါဒ ကိုလည်း စွန့်လွှတ်ထားတော့ ကျွန်တော်တို့ နိုင်ငံလွတ်လပ်မှုဟာ အင်မတန်နည်းတယ်။ရန်သူ စစ်အာဏာ ရှင် တွေနဲ့လည်း သူက ပေါင်းထားလေတော့ အန္တရာယ် များတယ်။ဒီတော့ အမေရိကန်ဘက်ယိမ်း ရလိမ့်မယ်။အ မေရိ ကန်ကိုကော စိတ်ချရပြီလားလို့ မေးစရာရှိတယ်။ စိတ်ချစရာတော့ မရှိပါဘူး။ သူကလည်း လက်ဝဲအယူအဆ၊ ကွန်မြူနစ်အယူအဆကိုတရားသေဆန့်ကျင်နေတော့ဆင်းရဲးသားနိုင်ငံ တွေ ရဲ့ဓန ဝေမျှရေးလှုပ်ရှားမှုကိုတရားဝင် မဆန့်ကျင်ပေမဲ့ တိတ်တိတ် ဆန့်ကျင်နေမှာပါ။ဒါပေမဲ့ အကွေးထဲက အကောက်ကို ရွေးရသလိုပါ။ ကိုယ်လို ချင်တာ မဟုတ်ပေမဲ့ နီးစပ်တယ်လို့ဘဲ ဆိုရမှာပေါ့။ အမေရိကန်ဘက်ယိမ်းလို့ အမေရိကန်အောက်ခေါင်း လျှိုဝင်ရမှာတော့မဟုတ်ဘူး၊အနိမ့်ဆုံး ရင်ဘောင်တန်း ဆက်ဆံရေးတော့ ရယူဖို့လိုမယ်။
 သူတို့ကလူထု တော်လှန်ရေးကိုအားမပေးသလို ကြောက်တဲ့ သဘောထားရှိတော့ စစ်အာဏာ ရှင်တွေဘက်ပင်းမှာများတယ်။ဒီတော့ ကျွန်တော်တိုရည်မှန်းတဲ့ လွတ်လပ်မျှတတဲ့ ဖက်ဒရာယ်အတွက်
နိုင်ငံဓန ခွဲဝေရေး၊ လူထုအယဏာထူထောင်ရေး အတွက် ကိုယ့်ကိုယ်ကိုဘဲ အဓိကထားလုပ်ကိုင် ရပါလိမ့် မယ်။ ဒါဟာ ဒီနေ့ကျွန်တော်တို့ ကြုံနေ ရတာပါဘဲ။ ဒီအခြေအနေကို ရှင်းရှင်း သိထားစေ ချင်ပါတယ်။
ဒီလိုအခြေအနေမှာ စေ့စပ်ရေးလမ်းစဉ်တွေ၊ ရွှေပြည်အေးလမ်းစဉ်တွေ၊ ကျေးအေးရေးလမ်းစဉ်တွေ၊ ငြိမ်းချမ်းရေး လမ်းစဉ်တွေက အဖိနှိပ်ခံပြည်သူတွေရဲ့ တိုက်ပွဲကိုေ၀၀ါးစေပြီး လက်ယာအချောင်သမား လမ်းစဉ်ဘက်ဆွဲပြီးဖိနှိပ်ခံဘ၀တာရှည်အောင်ဆွဲဆန့်တာကိုသတိထားဆန့်ကျင်ဖို့လိုပါတယ်။  မေရိကန်ဘက် ယိမ်းမယ် ဆိုလို့ အဖြူဆို အထင်ကြိးတတ်တဲ့ ဥာဉ်ကိုလည်း တိုက်ျေက်ရလိမ့်မယ်။
ဒီတော့ ကျွန်တော်တို့က ဘယ်ကစ ဘာလုပ်ရမလဲ။ ကျွန်တော်တို့ ဆီမှာ တိုးတက်တဲ့ အမြင်ရှိတဲ့ ပါတီတရပ်အမြန် လိုအပ်တယ်၊ဒီပါတီဟာ တခြား နိုင်ငံက တိုးတက်တဲ့ ပါတီတွေနဲ့ ချိတ်ဆက်နိုင် ရပါလိမ့်မယ်။ တတိုင်းတပြည်လုံးကိုစုစည်းနိုင်မည့် မူဝါဒ ရှိရမယ်။ဒီမိုကရေစီနဲ့ လူ့အခွင့်အရေး ၊ ဖက်ဒရာယ် ကို အာမခံရ မယ်။စစ်အာဏာရဲ့ အရိပ်အောက်လွတ်လပ်စေရမယ်။
 ဒီလိုဖြစ်ဖို့က တရုတ်နဲ့ အပေးအယူလုပ်ထားတဲ့ စစ်အာဏာရှင် တွေရဲ့သြဇာနဲ့ အမြစ်အ ငုတ်တွေက ခံနေပါတယ်။ ဒါတွေက လက်ငင်းရင်ဆိုင်ရမည့်ကိစ္စတွေပါ။ပြည့်ဝတဲ့၊ တကယ်လွတ်လပ် တဲ့ နိုင်ငံရေး လေ ထုကို ဖန်တီးပြီး နိုင်ငံနဲ့ ပြည်သူ့အရေးအတွက် နိုင်ငံကို လမ်းမှန်ပေါ် မှာ ထိန်းကျောင်းသွားနိုင်မည့်  အစိုးရပေါ်ထွန်းရေးဟာ တိုးတက်တဲ့ အင်အားစုတွေအနေနဲု့ အင်အားကြီးတဲ့ ပါတီထောင်ပြီး ဒီနေ့လုပ်ရမည့် အလုပ်ပါဘဲ။ ကျွန်တော်ကတော့ “ တော်လှန်သော ဒီမိုကရေစီ” စံနစ်လို့ ခေါ်ပါတယ်။ အလုပ်သမား လယ်သမားတွေ၊ တိုင်းရင်းသားဓနရှင်တွေ တိုးတက်တဲ့ ပညာ တတ်တွေ က တိုင်းရင်း သားဓနရှင်တွေ ကို အလုပ်သမား လယ်သမားများ အတွက် ဓနမျှဝေရေး စံနစ်နဲ့ ထိန်း ထားနိုင်ဖို့ပါ။စစ်အာဏာရှင်တွေရဲ့ လက်ဝါးကြိးအုပ် လက်ပါစေ၊လက်ဝေခံ တွေကို ဖြိုချ ဖို့ တော်လှန်တဲ့ ဒီမိုကရေစီ စံနစ်ကို ထူထောင်ရပါလိမ့်မယ်။
ဒီလိုပေါ်လစီရှိတဲ့ လူထုအစိုးရကသာ တိုင်းပြည်ကို ပြည်တွင်းရှိ လက်ဝါးကြီးအုပ်စစ်အာဏာရှင်တွေ ရဲ့ ဖိနှိပ်သွေးစုတ်နေတဲ့  ဘ၀က လွတ် မြောက် နိုင်ပြီး အမျိုးသား စက်မှုလက်မှုတွေ ထွန်းကားနိုင်အောင် ကြိုး  ပမ်းနိုင်ပါလိမ့်မယ်။လွတ်လပ်တဲ့ နိုင်ငံရေး ပတ်ဝန်းကျင်နဲ့ လူထုကရွေးချယ်တဲ့၊ အာဏာပြည့်ဝတဲ့ အစိုးရ ကြောင့် ပြည်တွင်းငြိမ်းချမ်းမှုလည်း ရလာနိုင်မယ်။ ဒါမှသာကမ္ဘာ့ အလယ်မှာ လွတ်လွတ်လပ် လပ်ရပ် တည်နိုင်မည့်အခြေအနေကိုရောက်နိုင်ပါလိမ့်မယ်။
ဒုတိယကမ္ဘာစစ်အတွင်းက ဂျပန်နဲ့ ပေါ်လစီမရှိ အစီအစဉ်မရှိဘဲ တပွဲထိုးဖြေရှင်းနည်းနဲ့   ပူး ပေါင်း လုပ်ဆောင်လိုက်လို့ ရလိုက်တဲ့ နာကျည်းနှောင်ကျဉ်စရာကောင်းတဲ့ အဖြစ်မျိုး ထပ်မဖြစ်စေဖို့ ကျွန် တော် တို့တတွေ အမျှော်အမြင်ရှိရှိ နဲ့ ပြည်သူအကျိုး၊ တိုင်းပြည်အကျိုးကို ဦးဆွေးဆံမြေ့ ထမ်း ဆောင် သင့်ကြ ပါတယ်။
အဖိနှိပ်ခံတို့ ညီညွတ်ကြ။
တော်လှန်ရေး မုချအောင်ရမယ်။

ဦးအေးဆောင်။
သြဂုတ် ၁၆၊ ၂၀၁၆။
( မှတ်ချက် - ဒေါ်စု အမေရိကန် သွားမှာနဲ့ ဘာမှ မဆိုင်ပါ။)







Wednesday, July 6, 2016

သိသလောက်ပြောပြရရင်။




သိသလောက်ပြောပြရရင်။
 ၁၉၆၇ လောက်က ကမာရွတ်လှည်းတန်း ဆံသဆိုင်မှာ ဆံပင် ညှပ်ဖို့ စောင့်နေရင်း မဂ္ဂဇင်းတခုထဲမှာ စာရေးဆရာကြီးရွှေဥဒေါင်းရဲ့ ဆောင်းပါး တခုကို ဖတ်မိလိုက်တယ်။ သူရေး ထားတာက သူဟာ ဗုဒ္ဓအဘိဓမ္မာကို ထုံးလိုချေ ရေလိုနှောက်နိုင်သူဖြစ်တယ်၊ မာက်စ်ဝါဒကိုလည်း တဖက် ကမ်းခတ် သိမြင်သူဖြစ်တယ်လို့ ရေးထားပါတယ်။ စကားလုံး အတိအကျတော့ ဘယ်မှတ်မိ တော့မလဲ။ဒီဆ ရာကြီးက တော်တော်တော်တာဘဲလို့ အဘိ ဓမ္မာတွေကို စိတ်ဝင်တစားလေ့လာ စပြုနေတဲ့ ကျွန်တော်က ထင်မိတယ်။ကျွန်တော်တို့က ကက်စထရိုတို့၊ ချီဂွေဗားရားတို့၊ ဂျူးလီးယက် ဖူးချစ်တို့၊ ငုယင်ဗန် ထရှိုင်း တို့ကိုဘဲစိတ်ဝင်စားနေတယ်၊ သူ့အထ္တုပ္ပတ္တိက တက္ကသိုလ်မှာလည်း သင်နေရတော့ သူ့အကြောင်းက ကျွန်တော်တို့ စိတ်ဝင်စားတဲ့ သူတွေစာရင်းထဲမှာ တော့မပါ ပါဘူး။
နောက်တော့ ဒီဆရာကြီးက မဆလရဲ့ “ လုပ်သားပြည်သူ့နေ့စဉ်”သတင်းစာမှာ ဗုဒ္ဓ၀ါဒရှု ဒေါင့် ဆိုပြီး ပင်တိုင်ဆောင်းပါးတွေရေးပါတော့တယ်။ ကြာတော့ စာဖတ်သူတွေက “ ဆရာကြီး - ဆရာကြီးစာတွေက ဗုဒ္ဓ၀ါဒနဲ့ လွှဲနေတယ်” လို့ ဆိုလာကြတော့ သူက ဗုဒ္ဓ၀ါဒ ရှုဒေါင့်ကနေ “ မေတ္တာဝါဒ ရှုဒေါင့်” လို့ပြောင်းလိုက်ရတယ်။ ဗုဒ္ဓ၀ါဒကို သူဘယ်လိုကျေ သလဲတော့ ကျွန်တော်လည်း မသိတော့ ပါဘူး။ဒါမျိုးတွေကလည်း မြန်မာပြည်မှာ ဖြစ်တတ်တာလေးတွေပေါ့။
အခုကျွန်တော်ကတော့ သူလိုမပြောရဲပါဘူး။ ကျွန်တော်သိထားတာကလေးတွေကို ဖြန့်ဖြူး ရရင် တစုံတရာတော့ အကျိုးရှိနိုင်တယ် လိုယူဆလို့ ဒီဆောင်းပါးကိုရေးဖြစ်တာပါ။ တော်လှန်ရေးကို လုပ်တော့ မယ်ဆိုတော့ ကိုယ်လုပ်မည့်ခွင်၊ တိုင်းပြည်မှာ ရှိတဲ့ လူတွေ ရဲ့ စဉ်းစားပုံစဉ်း စား နည်း တွေကိုလေ့လာ ရတော့တယ်။ သမိုင်းရေးရုပ်ဝါဒအရ အတန်းအစား၊ အလွှာတွေကို မချဉ်းကပ်ဘဲ လက်ရှိလွှမ်းမိုးနေတဲ့ တရား၊ အတွေးအခေါ် ဟောင်းတွေကို သိမြင်အောင်လေ့လာမိဖို့ခက်တယ်။ ကျွန်တော်ကိုယ်တိုင်က ဗုဒ္ဓဘာသာ မိသားစုမှာ မွေးဖွါးလာတော့ မူလဓါတ်ခံ ဗုဒ္ဓ၀ါဒအမြင်နဲ့ တိုးတက်လာတဲ့ မာက်စ်ဝါဒ အယူအဆတွေက ခေါင်းထဲမှာ တိုက်ပွဲစတော့တာပါဘဲ။
ကျွန်တော်ကျင်လည်ခဲ့တဲ့ ဗုဒ္ဓ၀ါဒအဆုံးးအမအောက်ကလူ့ အဖွဲ့အစည်းဟာ ကုသိုလ် အကု သိုလ်တွေ၊ အကျိုးအကြောင်းဆင်ခြင်မှုတွေ၊ အတုန့်အလှည့်ဝဋ်ကျွေးတွေနဲ့ ဖွဲစည်းရစ်ပတ်ထား တာ ကို သတိပြုမိတယ်။ ဒီအချက်က အကျိုးကျေဇူးတွေလည်းရှိခဲ့တာပါဘဲ။မာက်စ်ဝါဒဘက် ကိုလေ့ လာမိတော့ ပုဂ္ဂလိက အကြောင်းအရာတွေက ယေဘုယျဖြစ်သွားခဲ့တယ်။ လူတယောက်ရဲ့ ဘ၀ဟာ လူအဖွဲ့ အစည်းကြီးထဲမှာ ရေချောင်းထဲကျတဲ့ မိုးရေစက်လောက်ဘဲ ဖြစ်နေတာကို သိသာစေတယ်။ စံနစ်ခေတ်ရဲ့ ယန္ဒယားကြီးအောက်မှာ ဘုရားတွေ၊ နတ်တွေ၊ ဘုရင်တွေ ပေါ်လာပေမဲ့ သူတို့ဟာ လူအဖွဲ့အစည်းရဲ့ တိုးတက် ဖြစ်ပေါ်လာတဲ့ ဒီရေလှိုင်းတံပိုးထဲမှာ အတိုက်အခိုက်ခံရ တယ်။ ကြေပြုန်းကြရတယ်။ ပိုမို သင့်လျှော်တဲ့ အရာတွေကို လူသားတွေက ရှာဖွေလာကြတာကို မြင်နေ ရတယ်။ ဗုဒ္ဓ၀ါဒက လူတဦးချင်းပေါ်တည်ပြီး၊ မက်စ်ဝါဒက လူအဖွဲ့အစည်းကြီးတခုလုံးကို ခြုံ သုံးသပ်နေတာကိုသိလိုက် ရတယ်။ဒါဟာ ရုပ်ဝါဒနဲ့ နာမ်ဝါဒတို့ရဲ့ ထင်ရှားတဲ့ ကွဲလွှဲချက်လို့ ထင် ပါတယ်။
လူတန်းစားတိုက်ပွဲတွေက သူ့ခေတ်နဲ့ သူ ဖြစ်နေကြပေမဲ့ ဗုဒ္ဓဂေါတမက ဒါကို အထင်အရှား မဖေါ်ထုတ်ပါဘူး၊ ဒါဟာအေးချမ်းတဲ့ လောက တည်ဆောက်တယ်လို့ ဆိုနိုင်ပေမဲ့ တကယ် လက် တွေ့မှာတော့သက်ဦးဆံပိုင်ပဒေသရာဇ်လူတန်းစားနဲ့ မြေကျွန်တို့ရဲ့တိုက်ပွဲက ပျောက်သွားတာ တော့ မဟုတ်ပါဘူး၊မေတ္တာ၊ဂရုဏာတွေ၊ပါရမီတွေ၊၀တ္တရားတွေ၊ အရင်ဘ၀၊ ရှေ့ဘ၀တွေနဲ့ ဖြေသိမ့် ရင်း ဖိနှိပ်ခံ အတန်းအစားတွေဟာ သက်ဦးဆံပိုင်ပဒေသရာဇ်စံနစ်အောက်မှာ ဆင်းရဲပင်ပန်းစွာဖြတ် သန်း နေခဲ့ရ သလို၊ ဘုရင်တွေရဲ့ နယ်ပယ်ချဲ့ထွင်မှု စစ်ပွဲတွေမှာ ကိုယ်မင်းကိုယ့်ချင်းအမြင်တွေနဲ့ တိုက်ပွဲဝင် အသေခံခဲ့ကြရတာပါဘဲ။လူတန်းစားတိုက်ပွဲ လက္ခဏာကိုလည်း ဗုဒ္ဓ၀ါဒက မပေးခဲ့ပါဘူး။ ဒါကြောင့်လည်း ဗုဒ္ဓ၀ါဒဟာ သက်ဦးဆံပိုင် မြေရှင် ပဒေသရာဇ်ခေတ်မှာ ရှင်သန်ရပ် တည်နိုင်ခဲ့တာပါ။
နမ်ဝါဒက စုစည်းပူးပေါင်းလုပ်လို့ မရတဲ့ ၀ါဒဖြစ်နေတယ်၊ ဆိုလိုတာက နိဗ္ဗာန်ကို အစုအဖွဲ့နဲ့ သွားလို့ မရဘူး။တဦးချင်း ကုသိုလ် အကုသိုလ်တွေနဲ့ ဆိုင်တော့ ဘယ်လိုမှ အစုလိုက်သ ဘော မဆောင်နိုင်ဘူး။ ဒါကလည်း ကျွန်တော်တို့တတွေ စုစည်းလုပ်ဆောင်ချင်တဲ့ အမြင်ကို အတော် ထိခိုက် ပါတယ်။ ဗုဒ္ဓ လက်ထက်မှာ သံဃာအဖွဲ့အစည်း ဆိုတာရှိခဲ့ပေမဲ့ ရည်ရွယ်ချက်က သီခြား ကိုယ်စီဘ၀ လွတ် မြောက်ရေးကိုဘဲ ဦးတည်ခဲ့ကြတယ်။တဦးကိုတဦးလည်းကယ်ဆယ်လို့ မရပါဘူး။ ဒီနေရာမှာ ဖန်ဆင်း ရှင်ကိုးကွယ်သူတွေကသူတို့ကိုသူတို့ဘုရားကကယ်တင်တယ်ဆိုတာကို ကောင်းတယ်လို့  ပြောချင် တာမဟုတ်ပါဘူး၊ သူတို့ကယ်တင်တယ်ဆိုတာလည်း တမလွန်ဘ၀မှ ဆိုတော့ ယုတ္တိက မရှိ တော့ ပြန်ဘူး။ လက်တွေ့မကျပြန်ဘူး။
ဗုဒ္ဓ၀ါဒက ဘ၀တွေဟာ သံသရာလည်နေတယ်လို့ ဟောတယ်၊ ဘ၀တွေက နိဗ္ဗာာန် မရောက်မချင်း သံသရာလည်နေတယ်လို့ ယူဆကြတယ်၊ ကရွတ်ကင်းလျှောက်သလို ဘဲလို့ ဆိုတယ်၊ ဘယ်ကိုမှ မရောက်ဘူး၊ မွေးလိုက်သေလိုက်နဲ့ ဒုက္ခသံသရာမှာ ကျင်လည်နေကြတာဘဲ လို့ယူ ဆတယ်။ ကောင်းစရာ အလားအလာမရှိဘူး၊ အဆိုးမြင်ဖြစ်တယ်။ နိဗ္ဗာန်ရောက်တာ မကောင်း ဘူးလား ဆိုတော့ နောင်ဘ၀ ဆိုတာကို အရင်ယုံမှဖြစ်မယ်။ ဒါကနာမ်ဝါးပါဘဲ။ ဒီမှာတင် ရွာစ လည်ပါတော့မယ်။
မာက်စ်ဝါဒက လောက လူ့အဖွဲ့အစည်းကြီး ဟာ တဖြေးဖြေး ကြောင်လိမ်လှေခါးလို တက် သွားတယ်လိုယူဆတယ်။အထစ်အငေါ့တွေ ရှိနေတတ်ပေမဲ့ လောကကြီးက ပိုပိုကောင်းလာတယ်လို့ ယူဆတယ်။ လူတဦးချင်းက မွေး လိုက် သေလိုက် ဖြစ်နေကြပေမဲ့ လူ့လောကကြီးက ရှေ့ဆက်လည်ပတ်ပြီး တဖြေးဖြေး တိုးတက်နေတယ်။ ဒီနေ့လူတွေက ကမ္ဘာကို ပတ်ပြီး ကြက်သား ကြော်ရောင်းနိုင်တယ်၊ တခြားဂြိုလ် ကိုသွားနိုင်တယ်။လူ့အစိပ်အပိုင်းတွေ လဲလှယ်နိုင်တယ်။ အကောင်း နဲ့ အဆိုးဒွန်တွဲနေတာ ပါဘဲကွာ လို့ လျှောချပြောချင်ပြောလို့ရပေမဲ့လည်း အကောင်းတွေပို များနေတာကို ငြင်းကွယ်လို့မရပါ။ ခင်ဗျား ဟာ ခင်ဗျားရဲ့ ဖုန်းဆက်ခတွေ အရင်ကထက်သက် သာလာတာကို သတိမထားမိလို့ဘဲ ဖြစ်မှာပါ။ ဒီနေရာမှာ စကားစပ်မိလို့ ဘူးလက် လှဆွေက သူတို့လက်ထက်မှာ ဖုန်းကိုင်နိုင်တာကို တိုးတက် လာတယ် ဆိုတာနဲ့လည်း မမှားစေချင်ဘူး။ မြန်မာပြည်မှာ ဒီကြံ့ဖွတ်တွေ၊ စစ်အာဏာ ရှင်တွေသာ မရှိခဲ့ရင် ဒီထက် ဆယ်ခါပြန်တိုးတက်နေမှာပါ။ သူတို့ကြောင့် သူများထက်နှစ်ဆယ်စုနှစ်ခုလောက် နောက်ကျပြီးမှ ဖုန်းသုံး ခွင့်ရတာ၊ဒါတောင်သူ တို့ကတားမရတော့လို့၊ ဒါတောင် လိုင်းက မကောင်း သေးဘူး။ပိတ် ထားတာတွေလည်းရှိသေး၊ ဘေး ရာက်မှာ စိုးလို့ မူလ ဆွေးနွေးချက်ကို ပြန် ဆက်ကြရအောင်။
ဆိုလိုတာက လောကကြီးက ကြောင်လိမ်လှေခါးလို တိုးတက်ဖြစ်ပေါ်နေတယ်။ ဒီအမြင်က အင်မတန်အရေးကြီးပါတယ်။ လောကကြီးက မြဲတယ်လို့ ဆိုတာမဟုတ်ပေမဲ့ တိုးတက်နေ တယ် ဆိုတာကို အလေးအနက်သိစေချင်ပါတယ်။ဒါဟာ အနုပဋိလောမတရား လည်းဖြစ်ပါတယ်။ မပြောင်း မလဲဘဲ သံသရာလည်နေတယ်ဆိုရင်တော့လူသားတွေကရုန်းကန်လှုပ်ရှားရတဲ့စိတ်ဓါတ်ခွန်အားတွေ  လျှော့ကျကုန်နိုင်ပါတယ်၊ အနောက်နိုင်ငံကလူတွေ တည်ထွင် ဆန်းသစ်ကြတာကို အား သန်ကြပေမဲ့ ကျွန်တော်တို့ မြန်မာပြည်မှာက တည်ထွင်တာကို အား မသန်သလို၊ အားပေးရမှန်းလည်း မသိကြဘူး။ ကျွန်တော်တို့ တတွေ လောကအကျိုး၊ ဝေလွန်းတယ်ဆိုရင် ပြည်သူလူထုအကျိုး အားကျိုး မာန်တက် သက်စွန့် ကျိုးပမ်း လိုစိတ်က လောကအမြင်ပေါ်မှာ မူတည်နေ လို့ပါ။ လက် တွေ့ လူ့လောက ၊ လူသားတွေ အကျိုး သယ်ပိုးသင့်ပါတယ်။ မမြင်ရတဲ့ ၊ မရှိတဲ့ ဘ၀တွေကို ယုတ္တိမဲ့ အားကိုးတာတက် သေချာရေရာသလို၊ လက်တွေ့ ကောင်းကျိုးပြုတဲ့ လက်တွေ့ဘ၀ကို အားထား သင့်ပါတယ်။
မာက်စ် ၀ါဒ၊ ရုပ်ဝါဒက ရုပ်ပေါ်မှာ အခြေခံတာကြောင့် လိမ်လို့မရတာကိုလည်းသိစေချင်တယ်၊ ရုပ်ပစ္စည်းတခုကို ဖျောက်ဖျက်လို့မရနိုင်ဘူးဆိုတာယုံပါ။အငွေ့ပြန်တဲ့ ရေတွေကမိုးရေ ဖြစ်လာတယ်၊ ရေနံတွေက လမ်းတွေဖြစ်လာတယ်၊ မီးခိုးအပူငွေ့တွေက ၀န်ရိုးစွန်းက ရေခဲတွေ အရည်ဖျော် ကုန်တယ်။ အမြတ်ထုတ်ထားတဲ့ ငွေတွေ တနေရာမှာ လာပေါ်မှာပါ။ ဒီလိုမယုံရင် ရုပ်ဝါဒကို ယုံတာမဟုတ်ဘဲ။ စိတ်ဝါဒီသာဖြစ်နေမှာပါ။ ပစ္စည်းမဲ့ တို့ရဲ့ ရိုးသားမှု၊ ကွန်မြူနစ်တို့ရဲ့ ရိုးသားမှု၊ အမှန်တရား၊ ခွန်အားဆေိုတာ  တွေက မကွယ်ဝှက် မဖုံးကွယ်နိုင်တဲ့ ရုပ်ဝါဒမှာ အခြေခံတာကို သိရှိလေ့လာသင့်ပါတယ်။
လေ့လာတယ် ဆိုတဲ့ ဟာမှာလည်း ကျားကုတ်ကျားခဲ လေ့လာရမှာပါ။ မာက်စ်ရဲ့ စကားအရ “ နေရောင်အောက်က မည်သည့် အရာကို မဆို သက်ညှာစွာနဲ့ မစီစစ်ပါနဲ့” တဲ့ ခေတ်ဟောင်း အစွဲအလမ်းတွေနဲ့၊ ခေတ်ပေါ်နည်းစံနစ်တွေ၊ ပြောင်းလဲဖြစ်ပေါ်နေတဲ့ ကုန်ပစ္စည်းတွေ၊ ကုန် ထုတ်ကရိယာတွေ၊ နည်းနာသစ်တွေ ပရိယာယ်သစ်တွေကို ဖေါ်ထုတ် ဖွင့်ချဖို့၊ တိုက်ခိုက်ဖို့၊ ကာကွယ်ဖို့ ၊ကြိုတင်သိရှိဖို့ ဆိုတာတွေ အတွက် လေ့လာရေးကမလုပ်မဖြစ် အစာစားသလို ၊ မျက်စိကြည်လင်အောင် လုပ်သလို  အရေးကြီးလှ ပါတယ်။ဒီတော့ လေ့လာရေးကို မပြတ်လုပ်ဆောင်ဖို့ တိုက်တွန်းလိုက်ပါတယ်။ ဒါမှလည်း က်ိုယ် ချစ်မြတ်နိုးတဲ့ လူ့ အဖွဲ့အစည်း၊လူသားတွေရဲ့  ကောင်း ကျိုးကို ဘယ်လို သယ်ပိုးရမလဲ ဆိုတာသိနိုင်မှာပါ။
ကျွန်တော့်အိမ်မှာ မောင်သာထူးဆိုတဲ့ တပြည့်တယောက်ရှိတုန်းက သူဘယ်ကယူလာပြီး ဘာ  ပန်းပင်မှန်းမသိတဲ့ အပင်လေး တပင် စိုက်ခဲ့တယ်။အခုတော့ ပန်းပင်လေးတွေ ပွါးပြီးပွင့်နေ ပါတယ်။ မောင်သာထူးတော့ မြ၀တီဘက်ခြမ်းမှာ အလုပ်လုပ်ရင်း ဖျားနာပြီးဆုံးသွာတယ်လို့ သိရတယ်။ ဒီအပင် လေးတွေက မောင်သာထူးရဲ့ ကောင်းမှုဘဲလို့ အမြဲသတိရနေမိတယ်။ သူသေသွားပေမဲ့ သူ့ အလုပ် လေးက ရှင်သန်နေတုန်းပေါ့။ အက်ဒီဆင်လို၊ အိုင်စတိုင်းလို၊ လီနင်လို သူမလုပ်နိုင်ပေမဲ့ သူများ အတွက် လုပ်ပေးခဲ့တဲ့ အလုပ်တခုပေါ့။လူကသေသွားပေမဲ့ လုပ်ရပ်က ရှင်နေတတ်ပါ တယ်။ အဲဒီလိုဘဲ မကောင်းတဲ့ လုပ်ရပ်ကလည်း အဆိုးဘက်က ရှင်သန်နေမှာမို့ သတိကြီးကြီးထားရ ပါ မယ်။လောကကို အလှဆင်ဖို့ မာက်စ်ဝါဒက အားပေးပါတယ်။ကျွန်တော်တို့လည်း ကိုယ်တတ်နိုင်တဲ့ ဘက်က လုပ်သွားကြရမှာပါဘဲ။
အတွေးအခေါ် အဟောင်း၊ ဖေါက်ပြန်တဲ့ အတွေးအခေါ်တွေနဲ့၊ တော်လှန်တဲ့၊ တိုးတက်တဲ့ အတွေးအခေါ်တို့ရဲ့တိုက်ပွဲက အမြဲဖြစ်နေပါတယ်၊ စစ်အာဏာရဲ့ အရိပ်မဲအောက်မှာဆိုပို ဆိုးနိုင်ပါ တယ်။ ဒီအတွေးအခေါ်တိုက်ပွဲရှိနေတာကို အလေးအနက်ထား ကျင့်သုံးတတ်ဖို့လိုပါတယ်။ အနုပညာ၊ စာနယ်ဇင်း၊ ၀တ်စားဆင်ယဉ်မှု၊ လှုပ်ရှားမှု ဟန်ပန်တွေက အစ သက်ဆိုင်ရာ အတွေးအခေါ်တွေ ထင်ဟပ် နေတတ်ပါတယ်။ ပကတိ ဖြစ်ပျက်နေတာတွေကို စီစစ်ဖို့ မက်စ်ဝါဒက အားပေးတယ်။ ကွန်မြူနစ်တွေက အခြအနေနဲ့ ကိုက်ညီစွာကျင့်သုံးတတ်တယ်တဲ့။ အလိုက်သင့်လိုက်လုပ်တာ ကို  ပြော တာမဟုတ်ဘူး၊ အခြေအနေအရ ဘယ်လို တော်လှန်ရေးကို လုပ်ရမယ် ဆိုတာကို ဆိုလိုတာပါ။ လူ့အဖွဲ့အစည်းတိုးတက်ကောင်းမွန်ရေးမှာ တားဆီးပိတ်ဆို့နေတဲ့ ဖေါက်ပြန်ရေး အမြင်တွေကို အခြေအနေနဲ့ ကိုက်ညီစွာ တော်လှန် တိုက်ခိုက်ဖို့ ဆိုလိုတာပါ။
အခြေအနေနဲ့ မကိုက်ညီဘဲ စိတ်ကူးယဉ်ဆန်ဆန်  လုပ်ရင် စိတ်ဝါဒ သမားဖြစ်သွား နိုင်ပါ တယ်။ ဒါကြောင့်ဘဲ လေ့လာတတ်ဖို့၊ လက်တွေ့ကျဖို့ကို မက်စ်ဝါဒက အမြဲ မပြတ် တောင်း ဆိုပါ တယ်။နောက် စကားတခုက - သဘောတရား ကြေလည်တဲ့ သူတွေဟာ ပြဿနာကို ကိုင်တွယ်ရာမှာ ချောမွေ့ တယ်တဲ့။ ပြဿနာရဲ့ အဓိကဂွင်းဆက်ကို သိပြီး သေသေချာချာဖြေရှင်းနိုင်တာကို ပြောတာပါ။ ဒါကြောင့်ဘဲ သဘောတရား တွေကို အကျေအလည်နားလည်ဖို့ လေ့လာဖို့ အထူး လို အပ်ပါတယ်။ ဒီနေရာမှာလည်း “ အကျေအလည်” ဆိုတဲ့ စကားကြောင့် ကျေလည်မှ လို့ မဟုတ်ဘဲ နားလည်သလောက်က စလုပ်ရင်းနဲ့ ကျေ လည်လာရတာကိုလည်း သိစေချင်ပါတယ်။
လက်တွေ့နဲ့သဘောတရားမှာ လက်တွေ့က အဓိကကျပေမဲ့ သဘောတရားနဲ့ လက်တွေ့ အဆက်အစပ်ကိုနားမလည်ရင်လည်း ရုပ်ကြမ်းဝါဒီဖြစ်သွားနိုင်ပါတယ်။ ဒါတွေကို ရေးပြလို့ ကျွန် တော်က ကျွမ်းကျင်ပြီးပြီလို့ မဟုတ်ပါဘူး။ ကားမောင်နေရသလို ရှေ့လမ်းကို အမြဲကြည့် သုံးသပ် လုပ်ကိုင်နေရတုန်းပါဘဲ။ ဒါက တိုးတက်ချင်တဲ့ သူတိုင်းလူတိုင်းဒီလိုဘဲ ဖြစ်ပါတယ်။
ဆရာကြီးရွှေဥဒေါင်းအကြောင်းပြန်ဆက်ရရင် သူဟာ လေ့လာရေး အားကောင်းချင်ကောင်း မှာပါ။ တကယ်တော့ ဘာသာရေးအမြင် နှစ်ခုသုံးခုကို ကျွမ်းကျင်လျှင် ကျွမ်းကျင်နိုင်ပေမဲ့ တခုကိုဘဲ ယုံကြည်လို့ရပါတယ်။ မွတ်စလင်မ်လုပ်လိုက်၊ ဗုဒ္ဓဘာသာလုပ်လိုက် လုပ်လိုက်၊ ကွန်မြူနစ် လုပ် လိုက်၊နတ် ၀င်သည်လုပ်လိုက် လုပ်လို့ မရပါဘူး၊ လုပ်စားလို့တော့ရပါတယ်။သူများက ယုံကြည်မှာ တော့မဟုတ်ပါ။ တကယ် ယုံကြည်မှုအရ မရှိနိုင်ပါ။ ရုပ်ဝါဒနဲ့ နာမ်ဝါဒကို တပြိုင်ထည်းယုံလို့ မရပါ။ ကျွန်တော့်ရဲ့ ရင်းနှီးတဲ့ မိတ်ဆွေ တဦးကပြော ဘူးတယ်၊ သူ “ နာမ်ယုံ ရုပ်ဝါဒီ” တဲ့။ ကျွန်တော်လည်း ရယ်ပြယုံကလွှဲလို့ ဘာမှ မ တတ်နိုင်ပါဘူး။ အခု ဆရာကြီး ရွှေဥဒေါင်းလည်း လေ့လာရေးသမား သာဖြစ်ပြီး တကယ်ဘာမှ မယုံကြည်တာကို တွေ့နိုင်ပါတယ်။
မာက်စ်ရဲ့ ထင်ရှားတဲ့ စကား တခွန်းက “ အဘိဓမ္မာတွေဟာ လောကကြီးကို အဓိပ္ပါယ် ဖွင့်ဆိုယုံ သက်သက်သာမဟုတ် ပြောင်းလဲ ပြစ်ဖို့ ဖြစ်တယ်။” တဲ့။လက်တွေ့ ကျင့်သုံးဖို့ကို တိုက်တွန်း တာပါ။ပြောင်းလဲတယ် ဆိုတာလဲ သူများကို လိုက်ဆရာလုပ်နေတာမဟုတ်ဘဲ ကိုယ် ကိုယ်တိုင်က ကိုယ်မှာ ရှိပြီးသား အတွေးအခေါ်ဟောင်းတွေ၊ အစွဲအလမ်းဟောင်းတွေကို တိုက်ချွတ်ပြောင်းလဲရင်း လူ့လောကကြီး ကို ပြောင်းလဲ တိုးတက်အောင်လုပ်ဖို့ ဆိုလိုတာဖြစ်ပါတယ်။ လက်တွေ့နဲ့ သဘော တရားက ဆက်နွှယ်နေသလို အပြန်အလှန်အကျိုးပြုပါတယ်။ လက်တွေ့ မကျင့်သုံးရင် လေ့လာထား တဲ့ သဘော တရား မျိုးစေ့ဟာ ခြောက်သွေ့ပြီး ပိုထိုးသွားမှာပါဘဲ။
ကျောက်ကောင်းဖြစ်ပေမဲ့ မသွေးပေးရင် တန်ဖိုးမတက်၊ အရောင်မလက်သလို လက်တွေ့ မကျင့်သုံးရင် ခင်ဗျားရဲ့ အစွမ်းအစတွေဟာ ငုတ်လျှိုးတိမ်မြုပ် ပျောက်ကွယ် သွားနိုင်ပါတယ်။
မကြာသေးမီက ကြည့်မိတဲ့ ဗွီယိုကလစ်လေးထဲ နိုင်ငံခြားသား ရဟန်းတပါးကို သတင်းသ မားကမေးမြန်း ခန်းလုပ်ရာမှာ ရဟန်းက “ မြန်မာပြည်မှာ တရားတွေကို သိသူတွေ များလှကြောင်း ဒါပေမဲ့ တကယ်ကျင့်သူတွေ နည်းကြောင်း”။ မိန့်တာကို ကြားလိုက်ရပါတယ်။
တော်လှန်ရေး သူရဲကောင်းများ ပေါ်ထွန်းနိုင်ပါစေ။
ဦးအေးဆောင်
ဇူလိုင် ၇၊ ၂၀၁၆။










ကွန်မြူနစ်နဲ့ ကျွန်တော်



ကွန်မြူနစ်နဲ့ ကျွန်တော်
“ကွန်မြူနစ်” ဆိုတဲ့စကားကို စကြားမိတုန်းက ကျွန်တော်အသက် ၈နှစ်ပတ်ဝန်းကျင်လောက်ရှိမှာပါ။ တောင်ငူ မက္ကမံလမ်း အိမ်ကိုလာလည်တဲ့ ကိုမြမောင်ကို ကွန်မြူနစ်လို့ပြောတာသဲ့သဲ့ကြားမိခဲ့တာ၊ ဘာကြောင့် သူလာလည်ရတာလဲလည်းကျွန်တော် မသိ၊ ကွန်မြူနစ်လို့ဘယ်သူက ပြောလဲဆို တာလည်း မမှတ်မိတော့ဘူး။ ကိုမြမောင်လို့ အမေတို့ကခေါ်ပေမဲ့ ကျွန်တော့် အတွက်တော့ ဦးမြမောင်ပေါ့။ သူက အသားညိုညို မျက်နှာ သွယ်သွယ်။ အရပ်က  ကျွန်တော်ကို ထိုင်ဖက်နေတဲ့ အနေအထား လောက်သာမှတ်မိတော့ အရပ်အနိမ့် အမြင့်ကို ကျွန်တော်မခန့်မှန်းနိုင်ပါဘူး၊ သူမျက်နှာပုံကိုလည်း ခတ်ဝါးဝါး သာ မှတ်မိတော့တာပါ။ ဒါပေမဲ့ သူပြောတဲ့ “ မောင်အေးဆောင်က သူစားချင်ရင် တိုက်ရိုက်မပြောဘဲ - ဦးလေးမုန့်လက်ဆောင်း စားလေ ဆိုပြီး လမ်းက လာအသည်ကို ခေါ်ခိုင်းတတ်တယ်။ ” ဆိုတာကိုတော့ ကျွန်တော် အမှတ်ရနေတုန်းဘဲ။ နောက်တော့ ဦးမြ မောင်ကိုလည်း ထပ်မတွေ့တော့ပါဘူး။ “ကွန်မြူနစ်” ဆိုတာကိုလည်း လယ်သမား၊ကိုင်းသမား လို အလုပ်မျိုးဘဲ ဖြစ်မှာလို့ ကိုယ့်ဘာသာမှတ်ယူထားလိုက်ပါတယ်။
အဖေတို့က နိုင်ငံရေးလုပ်ပေမဲ့ ကွန်မြူနစ်ဆိုတဲ့စကားလုံးတခါမှပြောသံမကြားရဘူး။သူတို့  ပြောကြ တာ လယ်မြေအကြောင်း၊ လူတွေ အကြောင်းဘဲ။ ပြူစောထီး ဆိုတာတော့ပါတယ်။ တနေ့တော့ ကျွန်တော့ အဖွါး ဒေါ်ငွေစင်ရဲ့သား ကျွန်တော့ ဦးလေးတော်သူ တိုက်ပွဲမှာကျလို့ သူ့အလောင်းကို သူ့မိန်းမရှိရာရွာ ဆီပို့ လာတယ်လို့ ကြားတော့တာဘဲ။ ကျွန်တော်က ဦးမြမောင်များလားလို့ ထင်နေမိတယ်။ နောက်တော့ ကျွန်တော်အမေရဲ့ အကိုဝမ်းကွဲတော်တဲ့ ကိုဖိုးဆိတ် ဖြစ်တယ်ဆိုတာ ပြောကြလို့ သိရတယ်။ ကိုဖိုးဆိတ်က ဗမာပြည်ကွန်မြူနစ်ပါတီက ဗိုလ်တဲ့၊ နံမယ်က ဗိုလ်ထွန်းဝင်းတဲ့၊ သူ့ကို ထန်းတပင်ရွာမှာ ရန်သူက၀ိုင်းမိတော့ ရန်သူက “ ဟေ့ - ဖိုးဆိတ် ၊ မင်းကိုဝိုင်းထားပြီ၊ လက်နက်ချ။” လို့ဆိုသတဲ့ ဦးလေးက လက်နက်မချဘဲ ပြန်ခံပစ်ရင်း ကျသွားတာလို့ သိရတယ်။ သူ့ဓါတ်ပုံကို တော့ သူ့မိန်မ ဒေါ်ဟန်ကြည် တခါကပြထားလို့ မြင် ဘူးတယ်။ အပေါ်ကစစ်အင်ကျီ အောက်မှာပုဆိုးနဲ့ ခါးကစစ်ခါးပတ်မှာ ခြောက်လုံးပြူး ချိတ်ထားတယ်၊ လက်ပိုက် ထားတယ်၊ ခေါင်းမှာနံပြားဦးထုပ်နဲ့ ဘေးတိုက်ပုံ။ လူပုံက မြင်နေကျ အသားညိုညို ဗမာပုံပေါ့။ အခုတော့သူကျဆုံးသွားပါပြီ။ သူ့အလောင်းကို ရန်သူကလာ ပို့ပေးတာကိုက ကျွန်တော်တို့ကို ခြိမ်းခြောက် ၀ါဒဖြန့်လိုက်တာဘဲ လို့ ကျွန်တော်ထင်တယ်၊ ဒီတော့ ကျွန်တော့်ဒေါသကို ဆွသလိုလို၊ မခံချိ မခံသာဖြစ်မိ တယ်။
ဒေါ်ဟန်ကြည်နဲ့ သူသား ကျွန်တော်ထက် အနည်းငယ်သာငယ်တဲ့ မောင်အေးကို တို့ နေ ထိုင်တဲ့ တောင်ငူ ရန်ကုန်ကားလမ်းဘေးကရွာကို ဘယ်သူနဲ့မှန်းမသိ ကျွန်တော်လိုက်သွားဖြစ်တယ်။  ဘတ်စ်ကားက အလောင်းစဉ်ပြင်ထားတဲ့ အိမ်ရှေ့လမ်းပေါ်မှာရပ်ပေးတော့ ဆင်းပြီးသွားရတယ်။ အလောင်းထည့်ထားတဲ့ ခေါင်းကို အိမ်ခြံ အပြင်ဘက် ရေမြာင်းလိုဟာကို ကန့်လန့်ဖြတ် စဉ်ထိုးတင် ထားတာပါဘဲ။ ဒီလိုမျိုး သေဆုံး သူကို အိမ်ထဲ မထားရဘူးနဲ့ တူပါတယ်။ ဒေါ်ဟန်ကြည်တို့ အိမ်းကလည်း မြင်နေကြ ၀ါးအိမ်ကလေးတခုပါ။ ဧည့်သည်ဆိုလို့ ကျွန်တော်တို့လာတဲ့ သူဘဲရှိပါတယ်။ ကျွန်တော်လည်း ကလေးဘာဝ ဘာမှလဲ မသိ ထုံးစံ လည်းလဲမသိ။ ခဏသာနေပြီး ကျွန်တော် တို့ တောင်ငူပြန်ခဲ့တာပါဘဲ။ ကျွန်တော်ကြားမိတာတခုက ဒီဦးဖိုး ဆိတ်ဟာ တော် တော်ကြမ်းတယ် တဲ့။ အိမ်မှာရှိတဲ့ ဘုရားစင် ကိုလည်း ကန်ချတယ်လို့ ဆိုတယ်။သူ့အမေ အဖွါးဒေါ်ငွေစင်ဟာ အလွန်ဘုရားတရား ကြည် ညိုပါတယ်။ အဖွါးတော့ တော်တော်စိတ်ညစ်မှာဘဲ လို့လည်း တွေးမိတယ်။ အဖွါးက တောင်ငူမှာကျွန်တော်တို့နဲ့နေတော့ သူတို့ သားအမိလည်း ဆုံဖြစ်တာလည်း တခါမှ မကြားမိပါဘူး။ ဒါကြောင့်  ဦးလေးဖိုးဆိတ်အတွက် ကျွန်တော့်ခံစား ချက်တွေက ရှုတ်ထွေးနေခဲ့တာပါဘဲ။ ဒါပေ မဲ့ကွန်မြူနစ် ဆိုတာ အစိုးရကို တိုက်တဲ့သူဘဲ ဆိုတာတော့သိလာတယ်။
ဗိုလ်နေ၀င်းအာဏာသိမ်းပြီး အဖေတို့ ပထစ အစိုးရပြုတ်တော့ တော်လှန်ရေးလုပ်ဖို့လေ့လာ လာတဲ့ အခါ ပါတီတရပ်ရှိဖို့လိုအပ်တာကိုတွေ့ရှိပြီး ပါတီတခုခုနဲ့ ဆက်သွယ်မိအောင်ကျိုးစားခဲ့ပါတယ်။ ဒါတွေ ကို တော့ “နောက်တန်းကဗမာတယောက်”  စာအုပ်မှာ ရေးခဲ့ပြီးသား၊ တွံတေးတောကြီးတန်းက အလံနီ ကွန်မြူ နစ်ပါတီ နဲ့ ဆက်မိပြီး လှုပ်ရှားခဲ့တယ်၊ လှုပ်ရှားမှုတွေသာလုပ်ဖြစ်ပြီး သဘောတရားနဲ့ ပတ်သက်လို့ သိပ်မ ဆွေးနွေးဖြစ်ကြပါ၊ လမ်းစဉ်နဲ့ လုပ်ငန်းတွေလောက် သိမှီသလောက်လုပ်တာပါဘဲ။ အဲဒီတုန်းကလည်း ရုရှား ဆိုဗိယက်ကွန်ုမြူနစ်ပါတီ အကြိမ် ၂၀မြောက်ကွန်ဂရက် လမ်းစဉ်အပေါ် အငြင်းအခုံပြင်းထန်နေတုန်းပေါ့။ ဒီ ဆောင်ပါးက လမ်းစဉ်တွေ ထက် ကွန်မြူနစ် အဘိဓမ္မာကို မြင်သလောက်တင်ပြချင်တာဖြစ်တော့ လုပ်ငန်း လမ်းစဉ်တွေကို ရှင်းလင်းမှာ မဟုတ်ပါဘူး။
မြေအောက်လှုပ်ရှားမှုလုပ်ရင်း ကျွန်မြူနစ် သဘောတရားတွေကိုလည်း တဘက်ကလေ့ လာနေမိ တယ်။ သခင်ကိုယ်တော်မှိုင်းက ကွန်မြူနစ်အကျင့်ကို လိုက်နာနိုင်ရင် ရဟန္တာတွေ ဖြစ်တယ်လို့ ပြော တာဖတ်ဘူးတယ်။   စကားလုံးအတိအကျနဲ့ စာအုပ်တော့ မမှတ်မိတော့ဘူး။ ဒီတော့ ကျွန်တော်သိနေတဲ့ ဦးလေးဖိုးဆိတ်နဲ့ သခင်ကိုယ်မှိုင်းပြောတဲ့ အချက်ကလည်း နဂိုကမ မရှင်းတဲ့ ကျွန်တော့ အတွက် ပို ရှုပ်စေခဲ့ပါ တယ်။ ကွန်မြူနစ် ၀ါဒကို လူတော်တော်များများက နိုင်ငံရေးလမ်းစဉ်လို့ဘဲ ယူဆနေကြ တာတွေ့ရတယ်။ အမှန်က ကွန်မြူနစ် အဘိဓမ္မာဟာ ကိုယ်ကျင့်သိက္ခါလည်းဖြစ်တာကို အလေး မထားကြဘူး။
ကွန်မြူနစ်တွေက ရုပ်ဝါဒီတွေ၊ ရုပ်ဝါဒီဆိုတာက လက်တွေ့ကျမှ ယုံတာကိုဆိုလိုတာ၊ ဒီနေရာမှာ အဆိပ်အကြောင်း သိချင်ရင် သောက်ကြည့် ရမယ် ဆိုတဲ့ ရုပ်ကြမ်းဝါဒ လိုမျိုးမဟုတ်သလို၊ ရောဘတ် အိုဝင်လို အရင်းရှင်တွေကြားထဲမှာ ဘုံစံနစ်တည်ဆောက်တာမျိုးလည်းမဟုတ်ဘူး။ အကောင်အထည်မဲ့ နိဗ္ဗာန်တို့၊ ကောင်း ကင်ဘုံတို့ကိုလည်း မယုံဘူး။ ဒီတော့ နိဗ္ဗာန်တို့ ကောင်းကင်ဘုံတို့နဲ့ အသားကျ အကျိုး စီးပွါးဖြစ်နေတဲ့ သူတွေက ဘယ်လို လုပ်လက်ခံနိုင်တော့မှာလဲ။ ဒါတွေက ပြဿနာစတော့တာပါဘဲ။
မသိနိုင်တဲ့ အရာတွေကို ခုတုံးလုပ်ပြီး အမြတ်ထုတ်တတ်ကြတဲ့ စံနစ်ကို မာက်စ်က ဖြိုဖျက်လိုက်တာပါ။ လူတွေ ချမ်းသာတယ်ဆိုတာ ပါရမီတို့၊ ကုသိုလ်ကံတို့ ကြောင့်လို့ မရေမရာရှေးက ယုံနေနေတာ ကိုမာက်စ်က အစွန်းထွက်တန်ဖိုးကြောင့် ၊ ဖိနှိပ်သွေးစုတ်မှုတွေကြောင့်လို့ ဖေါ်ပြတဲ့ သက်သေတွေ ထုတ်ပေးခဲ့တယ်။ ဒါကြောင့်ဘဲ ကွန်မြူနစ်တွေက “ မသိနိုင်တာမရှိ ၊ မသိသေးတာ သာရှိတယ်၊” ဆိုတဲ့ အယူအဆနဲ့ လောကကို ခွဲစိပ်ဖြာ ကြည့်တတ်အောင် ကြည့် ရဲအောင် တိုက်တွန်းခဲ့ကြတယ်။ မသိနိုင် မသိအပ်တဲ့ ဖန်ဆင်းရှင် ၊တန်ခိုးရှင် ဆိုတာမျိုးကို ရုပ် ၀ါဒီကွန်မြူနစ်တွေက မယုံကြပါဘူး။မက်စ်ဝါဒက လက်တွေ့ကျပါတယ်။
မက်စ်ဝါဒ၏ လောကကို ချဉ်းကပ်ပုံ  အနုပဋိလောမအဖွင့်ကို အကျဉ်းချုပ် လိုက်ပါက
၁ ။ အရာတိုင်းသည် အဆက်အစပ်ရှိသည် ။
၂ ။ အရာရာတိုင်းသည် ပြောင်းလဲနေသည်။
၃။ အရေအတွက်မှ အရည်အချင်းသို့ပြောင်းလဲနေသည်။
၎။ အတွင်းပဋိပက္ခသည် အဓိကကျသည်။
ဆိုတာ တို့ဖြစ်တယ်။ မာက်စ်ရဲ့ ချဉ်းကပ်ပုံ ၄ ရပ်ကို ဆရာပါရဂူက ဗုဒ္ဓရဲ့ သစ္စာ တရား လေးပါးနဲ့ နှိုင်းပြီး “ မာက်စ်ဝါဒနဲ့ ဗုဒ္ဓ အဘိဓမ္မာ” ဆိုတဲ့ စာအုပ်မှာ ဖတ်ဘူးပါတယ်။ ဒါပေမဲ့ သူက မာက်စ်ဝါဒရဲ့ ရည်မှန်းချက်က ကွန်မြူနစ်လူ့အဖွဲ့ အစည်းတည်ဆောက်ရေး ဖြစ်ပြီး၊ ဗုဒ္ဓရဲ့ ရည်မှန်းချက်က နိဗ္ဗာန် (စိတ်)ဖြစ်တာကို တော့မရှင်းဘူးလို့ မှတ်သားမိတယ်။
အနုပဋိလောမ ရုပ်ဝါဒ နည်းနာကို အကျေအလည် ကျင့်သုံးလိုက်နာဖို့ ဆိုတာကလွယ်တာတော့ မဟုတ်ပါဘူး။ ဒါပေမဲ့ လောကကိုချဉ်းကပ်သုံးသပ်ရာမှာ များစွာအသုံးကျတာတော့ အမှန်ပါဘဲ။ ဗုဒ္ဓအဘိ ဓမ္မာက လောကကို အဆိုးမြင် ပြီး၊ မာက်စ်က အကောင်းမြင်ပါတယ်၊ လက်ရှိလောကမှာကို ကွန်မြူနစ်စံနစ် ဆီတနေ့ မဟုတ်တနေ့ ရောက်ရမယ်လို့ ယုံကြည်တယ်၊ လောကကို ချစ်ခင်စွဲမက်ပါတယ်၊ ဗုဒ္ဓအဘိဓမ္မာ က လောကကို မုန်းတီးရွံ့ရှာပါတယ်။ဒါကြောင့်ဘဲ ကွန်မြူနစ်တွေဟာ လောက ကောင်းကျိုးအတွက် သွက်လက် တက်ကြွကြ တယ်လို့ ယူဆနိုင်ပါတယ်။
လူ့သမိုင်းကိုသုံးသပ်ရာမှာ တော့ မာက်စ်က ချားလ်စ်ဒါဝင်ရဲ့ သီဝီရီကို အခြေခံပြီး “ သမိုင်းရေး ရုပ်ဝါဒ” Historical Materialism ကိုတင်ပြခဲ့တယ်။ ဒီသမိုင်းရေးရုပ်ဝါဒ အချုပ်ကို ကျွန်တော်မြင် သလောက် ပြောပြရရင် လူ့လောကကြီးဟာ ကုန်ထုတ်လုပ်မှုဖြစ်စဉ်ကြီး ဖြစ်တယ်၊ ဒီအထဲမှာ ကုန်လုပ်စွမ်းအားစုနဲ့ ကုန်လုပ်ဆက်ဆံရေး ဆိုတာရှိတယ်။ အဲဒီနှစ်ခု အဆင်ပြေနေရင် လူလောကကြီးက သို့မဟုတ်တိုင်းပြည်တခု ဟာ အဆင်ပြေနေမယ်၊ အဲဒီနှစ်ခု သဟဇာတမဖြစ် အထစ်အငေါ့ ဖြစ်နေရင် ပဋိပက္ခတွေ ဖြစ်လာမယ် လို့ ဆိုပါတယ်။ ကုန်လုပ်ကရိယာ (ရုပ်)တွေ တိုးတက်လာသ လို၊နည်း ပညာတွေတိုးတက်လာမယ် လူ့သမိုင်းက လည်း တိုးတက်လာမယ်။ ခေတ်တွေပြောင်း လာမယ်။ ခေတ် အလိုက်ဖိနှိပ်ခံနဲ့ ဖိနှိပ်သူလူတန်းစားတွေ တိုက်ပွဲဖြစ်နေတယ်၊ နောင် လည်းဖြစ်နေဦးမယ်။ ကွန်မြူနစ် လူ့ဘောင်မဖြစ်သ၍  လူတန်းစားတိုက်ပွဲတွေ နဲ့ လူ့လောက၊ လူ့အဖွဲ့ အစည်းကြီးဟာ ကြောင်လိမ်လှေခါး လို အဆင့်ဆင့် တိုးတက်လာမယ်လို့ ရှင်းပြခဲ့တာ ပါဘဲ။ဒီနေရာမှာ ကျဆုံး မည့်လူတန်းစားနဲ့ တိုးတက်အောင်မြင်လာမည့် လူတန်းစားကို သိရှိအောင်လည်း သူက ရှင်းပြထားခဲ့ပါတယ်။ ဒါကိုတော့ ဆက်လက်လေ့လာကြဖို့ အကြံပြုပါရစေ။
လူတွေရဲ့ အသိဟာလည်း သူကျင်လည်ရာ ဘ၀ပတ်ဝန်းကျင်က ရခဲ့တာလို့ဆိုပါတယ်။လော ကကြီးနဲ့ ကင်းပြတ်ပြီး ရရှိတာမဟုတ်လို့ သူ့အတန်းအစားအလိုက် ခံစားချက်နဲ့အသိတွေရှိတယ်လို့ ဆိုပါတယ်။ ဒါက လည်း “ အားလုံးအရာတွေဟာ ဆက်စပ်နေတယ်။” ဆိုတဲ့ နိယာမအတိုင်းပါဘဲ။ အလိုလိုသိလာတာမဟုတ်ပါ။
ကွန်မြူနစ်တွေက ရုပ်ဝါဒယုံသလို၊ ရုပ်ဆိုတာ လိမ်လို့ မရတာကိုလည်းယုံတယ်။ဒါကြောင့် မလိမ်ကြ ဘူး။လိမ်ချင်ရင်လည်းလိမ်ပါ။ ဒါပေမဲ့ ပေါ်မှာဘဲ လို့ ယုံတယ်။  လူတွေကို လိင်၊ အသားအရောင်၊ ဘာသာရေး၊ လူမျိုးရေးအရ၊ လုပ်အားအပေါ်၊ အသိဥာဏ်အပေါ်၊ သိက္ခါအပေါ် အမြတ်ထုတ်တာကို မလုပ်ဖို့၊ လုပ်ရင်လည်း တန်ပြန် ခံရမယ်ဆိုတာကို ရုပ်အဘိဓမ္မာအရ နား လည်းထားကြတယ်၊ပရိယာယ်နဲ့ လိမ်ညာလှဲ့စားမှုတွေကို မယုံသလို၊ ရွံမုန်းတယ်။ ဒီတော့ ဒီလိုရုပ်ဝါဒကို ယုံကြည်တဲ့ ကွန်မြူနစ် ဆိုတာ မကောင်း ဘူးလား ကောင်း လားဆိုတာတော့ စာဖတ်သူတွေ ကိုယ်တိုင် စဉ်းစား ကြည့်ပေါ့။
ကွန်မြူနစ် ဆိုတာ ကွန်ုမြုန်း ဆိုတဲ့ စကား အစုအဖွဲ့ “ ဘုံ” ကလာတာ၊ ကွန်မြူနစ်ဆိုတာ ဘုံဝါဒီပေါ့။ရှိအတူ၊ မရှိအတူ စုပေါင်းနေ၊ ဝေမျှ စားသောက်တဲ့ သဘောထားရှိသူကို သာ ကွန်မြူနစ် လို့ခေါ် နိုင်တယ်။ ဒီတော့ ကိုယ်ကျိုးအတ္တတွေ ကြီးစိုးလွန်းလှတဲ့ ပဒေသရာဇ်ခေတ်လို အရင်းရှင်ခေတ် လို လောကမှာ ဒီလိုလူတွေ တွေ့ဖို့လွယ်ပါ့မလား - ဒါကြောင့်ဘဲ သခင်ကိုယ်တော်မှိုင်းက ပြောခဲ့ တာ ဖြစ်မယ်ထင်ပါတယ်။ ဘယ်လိုဘဲ ဖြစ်ဖြစ် ဒီဆောင်းပါးက ကွန်မြူနစ်တယောက်ရဲ့ ကျင့်စဉ်ကို ပုံကြမ်းလောက်ဖေါ်ပြပေးနိုင်ရင် ရေးရကျိုးနပ်ပါပြီ။
အများအကျိုးသယ်ပိုးနိုင်ကြပါစေ။
ဦးအေးဆောင်။
ဇွန် ၁၂၊ ၂၀၁၆။


Saturday, March 19, 2016

ဘာဆက်လုပ်ကြမလဲ။




ဘာဆက်လုပ်ကြမလဲ။
အလျှော့ပေး၊ အရှုံးပေးတာတွေအကြိမ်ကြိမ်လုပ်ခဲ့ဘူးတဲ့ ဒေါ်စုက အခုနောက်ဆုံး လူပြောသူပြောများပြီး စကားစစ်ထိုးပွဲတွေ၊ အငြင်းအခုံပွဲတွေဆူပွက်သွား တဲ့ သမတနေရာကိုလည်း လက်လွှတ်လိုက်ရပြန်ပါပြီ၊ ဒါဟာ နိုင်ငံရေးအရ သင်းသတ်ခံလိုက်ရတာကို မပြောဘဲ သိကြပါတယ်၊ ဒါပေမဲ့ အဖါးသန်၊ အမြှောက်သန်တဲ့ ကျွန်တော်တို့ လူထုတွေက သမတ အထက်မှာရှိတယ်လို့ မှန်းဆဖြေသိမ့်ရင်း သူရဲ့ အရှုံး ကို ကာကွယ် အမွှန်းတင်ကြတာကို ကြားတွေ့နေရပါတော့တယ်။အရှိကို အရှိအတိုင်းမြင်တာနဲ့ ကဲ့ရဲ့ အပြစ်တင်တာက တခြားစီဆိုတာကို ကျွန်တော်တို့ တတွေ ပြင်းပြင်းထန် ထန် လေ့လာထားကြရ ပါတော့မယ်။ ဒေါ်စုက မြန်မာ့ နိုင်ငံရေး သရုပ်လိုဖြစ်နေလို့သာ ညွှန်းနေရတာ ဖြစ်ပြီး လူထုတွေ သိသာစေချင်လို့သာ ပြောပြနေရတာကို သတိပြုစေချင်ပါတယ်။
 တခါ နံမယ်ဆိုးနဲ့ ကျော်ကြားတဲ့ ဗိုလ်မြင့်ဆွေကို  ဒုသမတ အဖြစ်ပေါ်လာရတာကလည်း ဗိုလ်သန်းရွှေက လာမည့်အစိုးရ အဖွဲ့ထဲ ချိန်ကိုက်ဗုံးထည့်လိုက်တာပါ၊ စစ်အာဏာရဲ့ သြဇာအရှိန်အ၀ါရှိစဲဆိုတာကို ထင်ရှားအောင်ပြသ သလို ဒေါ်စုအပါအ၀င် နောက်အစိုးရဆိုတာကိုလည်း လည်ပင်းထုံးထားလိုက်တာပါ ဘဲ။ ကောက်ကျစ်ယုတ်မာတဲ့ အကြံတခုသာဖြစ်ပါတယ်။ ဗိုလ်မြင်ဆွေက အစိုးရသစ်ထဲမှာ အဓိကချယ်လည် သူဖြစ်လာဦးမှာ ဆိုတာလည်း ကြည့်သော သူသည်မြင်၏ ဖြစ်နေပါတယ်။
ဒေါ်စုဘက်ကိုကြည့်တော့လည်း လူထုက ရွေးတင်ပေးလိုက်တဲ့ သူတွေကို တော်တော် ဖိနှိပ် ကွပ်ညှပ်နေ တယ်။ အမှိုက်ကောက်ခိုင်းလိုက်၊ စစ်အစိုးရဟောင်းတွေဆီမှာ သင်တန်းတက် တပြည့်ခံခိုင်းလိုက် ၊ ဟိုဟာ မလုပ်ရ၊ ဒီဟာမလုပ်ရ ဟိုဟာမပြောရ၊ ဒီဟာမပြောနဲ့ လူထုကိုယ်စားလှယ်ဆိုသူတွေဟာ သူငယ်တန်း ကျောင်းသားလေးတွေ လိုဖြစ်နေရတာ မြင်လို့ကြားလို့ မကောင်းပါဘူး၊ ဒီကြားထဲ ဗိုလ်သိန်းစိန်ခေတ်က  ဒုတိယ အမြဲတမ်းအတွင်းဝန်တွေကို စစ်တပ်က လူတွေ ထည့်ခန့်ထားတာကိုတော့ ဘာသံမှ မကြားမိ သေးပါဘူး။ ဒေါ်စုက သူ့ပါတီကလူတွေကို သူသိပ်ယုံပုံမရတာကလည်း အကြည့်ရ ဆိုးတဲ့ ပုံတခုပါဘဲ။
လာမည့်အစိုးရဆိုတာကို ယေဘုယျ ကြည့်လိုက်ရင် “ လက်ဝေခံ အစိုးရ” လို့ ခေါ်နိုင်ပါတယ်။ ဒီလိုဖြစ်ရတာက ၂၀၀၈ ဖွဲ့စည်းပုံအောက်ကို ၀င်ကထည်း က ဖြစ်လာတဲ့ ရလာဒ်ပါ၊ တော်လှန်ရေးနဲ့ တက်လာတဲ့ အစိုးရ တွေသာ ဒီလို ထုံးတား ၊ အကြပ်ကိုင် ၊ ကန်သတ်ချုပ်ချယ်တာတွေကို ဖယ်ရှားနိုင်ပါတယ်။ အခုတော့ တော်လှန်ရေးကို နားမလည်၊ ယုံကြည်မှုမရှိတော့ ဖိနှိပ်သူက အိမ်ဦး ခန်းမှာနေပြီး ပြဿနာအမျိုးမျိး ဖန်တီးနေမှာ ဖြစ်တော့ နောက်အစိုးရ ဆိုတာက အပင်းသွင်းခံရ တဲ့ ရောဂါသည်လိုဖြစ်နေပြီး  မြန်မာပြည် သူလူထုတွေ ဆင်းရဲသံသရာနဲ့ ဒုက္ခသံသရာ ကို တလှည့်စီခံရင်း ပူပန်သောကနေ့တွေ ရှည်ကြာနိုင်ပါတယ်။
ဒါက ဖြစ်လာမည့် အခြေအနေပါ။ ကျွန်တော်တို့က ဒီအခြေအနေကို ထိုင်စောင့်ပြီးငုံ့ခံဖို့ ပြင်နေရမှာလား ဆိုတော့ ဒီစာက အဲလိုစိတ်ကူးတွေကို တိုက်ဖျက်ဖို့ ရည်ရွယ်တာဘဲ။ ကျွန်တော်တို့ ပြောပြောနေတဲ့ “ ၂၀၀၈ ဖွဲ့စည်းပုံ အခြခံဥပဒေ” ဆိုတာ စစ်အာဏာရဲ့ အရိပ်မျှသာဖြစ်တယ် ဆိုတာကို သေသေခြာခြာ သိစေချင်ပါတယ်။ တကယ်က ကျွန်တော်တို့ တိုက်ဖျက်ရမှာက အဲဒီဥပဒေကို ရေးတဲ့၊ ကာကွယ် တဲ့  စောင့်ရှောက်တဲ့ လေးစားတဲ့၊ လိုက်နာတဲ့ စစ်အာဏာရှင်တွေ၊ သူ့အလိုတော်ရှိတွေ ကို ဖေါ်ထုတ် တိုက်ဖျက် ရမှာပါ၊ စစ်အာဏာရှင်နဲ့ စစ်တပ် မတူတာကိုလည်း သတိကြီးကြီး ထားစေချင်ပါတယ်။ ခွဲခွဲခြားခြားမြင် စေချင်တယ်။
ကျွန်တော်တို့ လူထုတွေကြောက်နေကြတာက ဥပဒေ မဟုတ်ပါဘူး၊ သူနောက်မှာ ရှိတယ်လို့ ထင်ရတဲ့ စစ်တပ်ဖြစ်တာကို ဘာကြောင့် မပြောပြကြတာလဲ။ စစ်တပ်ဟာ ပြည်သူ လူထုကိုသာ ကာကွယ်တဲ့ တပ် ဖြစ်အောင်လုပ်ဖို့ရာက ဥပဒေပြင်ရေးထက် အရေးကြီးပါတယ်။
 အစိုးရအဟောင်းဖြစ်ဖြစ် အသစ်ဖြစ်ဖြစ် စစ်အာဏာရဲ့ အောက်မှာ ရှိမြဲရှိနေတာကို ဘယ်သူမှ ငြင်းနိုင် မယ်မထင်ပါ၊ ဒီတော့ စစ်အာဏာရှင် စံနစ်တိုက်ဖျက်ရေး၊ ဒီမိုကရေစီထူထောင်ရေး(စတဒထ)ဟာ ဒီနေ့ ဆက်လုပ် ရမည့်လုပ်ငန်းစဉ်ပါဘဲ၊ စစ်အာဏာကို မတိုက်ဖျက်ဘဲ ဒီမိုကရေစီထူထောင်လို့ မရတာကို တော့ ၆၂ ခုနှစ်ကစ ရာစုနှစ်ဝက်ကျော်ကာလတွေကို ပြန်ကြည့်ရင်သိပါတယ်။ဒီတော့ အိမ်ဦးခန်းမှာနေပြီး၊ အခွင့်ထူး ခံနေတဲ့ စစအာဏာရှင်ဗိုလ်ချုပ်တွေကို စတဒထ လမ်းစဉ်နဲ့ ဆက်လက်ဆန့်ကျင် တိုက်ချဖို့ လိုနေတာကို ရှင်းရှင်းသိ စေချင်ပါ တယ်။
အခုလို စစ်အာဏာရှင်တွေရဲ့ လက်ဝေခံ အစိုးရ ကာလမှာ ကျွန်တော်တို့ ဒီလုပ်ငန်းလမ်းစဉ်ကို ပီပြင် အောင် အကောင်အထည်ဖေါ်ကြရမှာပါဘဲ။ လူထုဘက်က ရပ်တည်မည့်ကိုယ်စားလှယ်တွေကို တိုက်တွန်း ရမှာဘဲ၊ ၊ ဒေါ်စုက စစ်အာဏာရှင်စံနစ်တိုက်ဖျက်ရေးလုပ်မှာ မဟုတ်ပါ၊ ပူပေါင်းမွေးမြူရေး သာလုပ်မယ်ဆိုတာ ၈၈ အရေးတော်ပုံစတော့ ကြားဝင်စေ့စပ်ပေးဖို့ လုပ်ကထည်းကသိနိုင်ပါတယ်။ု၊ စစ်ဗိုလ်ချုပ်တွေပေးတဲ့ လက်ကြား ယိုအခွင့်အရေးလေးတွေကို အမွန်းတင်ရင်း စစ်အာဏာရှင်စံနစ်ကို တိုက်ရိုက်ကော၊ သွယ်ဝိုက်ပါ ကာကွယ် နေပါလိမ့်ဦးမယ်။ ဒီတော့ ဖိနှိပ်ခံပြည်သူတွေက လက်ပံတောင်း တုန်းက လမ်းခွဲသလို ဖြစ်လာ နိုင်စရာရှိ ပါတယ်။ဒီတော့ မတရားတဲ့ ဖိနှိပ်မှုတွေကို ဆန့်ကျင်တဲ့ လှုပ်ရှားမှုတွေဟာ ပြည်သူတွေက ဘဲ ဖေါ်ဆောင်ကြမှာ ဖြစ်လို့ လူထုတိုက်ပွဲလမ်းစဉ်ဘဲ လူထုက အားကိုးကြရပါလိမ့်မယ်။
ကျင့်သုံးရမည့်နည်းနာက လူထုတိုက်ပွဲလက်နက်ကိုင်တိုက်ပွဲ ဖြစ်မြဲဖြစ်နေတယ်။ဒါဟာလက်ရှိလည်း ဖြစ်နေ တာပါ၊ ကျောင်းသားတွေရဲ့ပညာရေးအခွင့်အရေး တောင်းဆိုတိုက်ပွဲတွေ၊၊ အလုပ်သမားတွေ ရဲ့ လုပ်ခလစာအပြည့်ရရေးတိုက်ပွဲတွေ၊လယ်သမားတွေရဲ့လယ်မြေပြန်ရရေးထွန်တုံးတိုက်ပွဲတွေ နိုင်ငံအနှံ့ဖြစ် နေတာ၊ တိုင်းရင်းသားတွေ လက်နက်ကိုင် တိုက်ပွဲဝင်နေကြတာတွေ  တိုးပွါးကျယ်ပြန့်လာနေတာတွေဟာ လူထုတိုက်ပွဲလက်နက်ပွဲလမ်းစဉ်ကို စစ်အာဏာရှင်စံနစ်ဆန့်ကျင်ရေး သဘာဝအတိုင်း အကောင် အထည် ဖေါ်နေတာသာဖြစ်ပါတယ်။ ဒီတိုက်ပွဲ တွေကို တရားသော တိုက်ပွဲတွေ အဖြစ် အသိအမှတ်ပြုပြီး အားပေးထောက်ခံရမှာပါဘဲ။ စစ်အာဏာရှင်တွေရဲ့ လက်ပါးစေလက်ဝေခံတွေကို အပြတ်အသား ဆန့်ကျင်ကြ ရမယ်။
ကျွန်တော်တို့ လတ်တလောလိုအပ်ချက်တွေ ဖြစ်တဲ့-သတင်းလွတ်လပ်မှု၊ နိုင်ငံရေးလွတ်လပ်မှု၊ မတရားမှုတွေ တိုက်ဖျက်ရေး၊ နိုင်ငံရေးအကျဉ်းသား မရှိရေး၊ မြေယာနဲ့ ပုဂ္ဂလိက ပိုင်ဆိုင်မှု အသိအမှတ်ပြုရေး၊ ဘ၀လုံခြုံရေးတွေအတွက် လူထုတိုက်ပွဲ လက်နက်ကိုင်တိုက်ပွဲနည်းနာ ကို ပေါင်းစပ်ကျင့်သုံးဖို့ လိုအပ်မြဲ လို အပ် နေတယ်။ပြည်သူတွေဟာကိုယ့်ဘာသာကာကွယ် နိုင်အောင် ဖွဲ့စည်း လှုပ်ရှား တတ်ဖို့ စုစည်း ကြရလိမ့်မယ်။
နိုင်ငံရေးလွတ်လပ်ခွင့်ဆိုတာ - အဖွဲ့ အစည်းထူထောင်ခွင့်၊ စီတန်းလှည့်လည်ခွင့်၊ ပါတီစုံစံနစ် ပီပြင်စွာ ကျင့်သုံးရေး တို့ ဖြစ်တော့ ကျွန်တော်တို့ ဟာ “ ပန်းတိုင်းပွင့်ပါစေ” ပေါ်လစီလို ကျင့်သုံးကြရ လိမ့်မယ်။ စစ်အာဏာရဲ့ ဖိနှိပ်မှုကို ဆန့်ကျင်တဲ့ လွတ်လပ်တဲ့ နိုင်ငံရေးပတ်ဝန်းကျင်ကိုဖန်တီးထူထောင်ကြရလိမ့်မယ်။ ဒါဟာ စစ်အာဏာရှင်စံနစ်တိုက်ဖျက်ရေး ဒီမိုကရေစီထူထောင်ရေးအတွက် စစ်အာဏာကို ဖြိုချတဲ့လှုပ် ရှား မှုဖြစ်ပါတယ်။
ရွေးကောက်ပွဲတွေ၊ သမတရွေးပွဲတွေ၊ လွှတ်တော်တက်ပွဲတွေက အဓိကဖိနှိပ်သူ စစ်အာဏာရှင်ကို မျက်ခြေပြတ်သွားအောင်လုပ်နေတဲ့ ပရိယာယ်များသာဖြစ်တယ် ဆိုတာကို လည်း အစဉ် အမြဲ သတိထားကြရမယ်။
 ကမ္ဘာ့အင်အားကြီးနိုင်ငံတွေရဲ့ ကမ္ဘာလွှမ်းမိုးရေး စီမံကိန်းတွေထဲမှာ မြန်မာပြည်ဟာ ကင်း ပြတ်လို့ မရသလို ရှောင်လို့လည်း မလွှတ်နိုင်ပါဘူး၊ ဒီတော့ ကျွန်တော်တို့ ပြည်သူတွေ အေးချမ်းသာယာပြီး ဖွံ့ဖြိုးတိုးတက်ဖို့လူတန်းစေ့နေနိုင်ဖို့အရေးအင်အားကြီးနိုင်ငံတွေကြားထဲမဖြစ်ဖြစ်အောင်လုပ်ဖို့ရာမှာ ပြည်သူတွေကို အတွင်း လှိုက် ဒုက္ခပေး ဖိနှိပ်သွေးစုတ်နေတဲ့  စစ်အာဏာကို အဓိကတိုက်ရင်း၊ ဒီတိုက်ပွဲအတွက် အထောက် အကူပြုမည့် ပြင်ပအင် အား တွေကိုလည်း စဉ်းစားစရာဖြစ်လာတယ်။
စစ်အာဏာရှင်တွေနဲ့အခွင့်ထူးခံသူ့လက်ပါးစေလက်ဝေခံအာဏာအစွယ်အပွါးတွေကိုတိုက်ဖျက်ရမှာဖြစ်တော့  ဓနရှင် ဒီမိုကရေစီတော်လှန်ရေး အသွင်ဖြစ်တယ်။ဒီတော့ ဖိနှိပ်ခံ ဆင်းရဲသားအလုပ်သမားလယ်သမား လူတန်းစား  ကို အခြေခံပြီး အမျိုးသားဓနရှင်တွေ၊  အလည်အလတ် ဓနရှင် ပေါက်စတွေ ၊လယ်ပိုင်ရှင် လေးတွေ ၊ ပညာတတ်တွေကို လက်တွဲခေါ်ဆောင်တိုက်ပွဲဝင်ကြရမှာ ဖြစ်တယ်။ လွတ်လပ်တဲ့ ပါတီစုံ ဓနရှင် ဒီအမိုကရေစံနစ်ဖြစ်လို့ အမေရိကန်စံနစ်နဲ့ တူပါတယ်၊ ဒါပေမဲ့ အမေရိကန်ကလည်း အရင်းရှင် ပီပီ သူ့အ ကျိုးစီးပွါးသာကြည့်မှာ ဖြစ်တော့ ကျွန်တော်တို ခံစားနေရတဲ့ စစ်အာဏာရဲ့ဖိနှိပ်တဲ့ ဒဏ်ကို ပျောက်ကင်းအောင် ကုပေးခြင်းထက် လက်ငင်းအမြတ်ကို ကြည့်ရင်း စစ်အာဏာရှင်တွေနဲ့ အပေးအယူလုပ်နေမှာပါ၊ ဒါကြောင့်  အမေရိကန်လိုစံနစ်ဖြစ်ပေမဲ့ စစ်အာဏာ တိုက်ဖျက်ရေး ၊ ဒီမိုကရေစီထူထောင်ရေး ( စတဒထ) လုပ်ငန်းက မြန်မာပြည်က တိုးတက်တဲ့ တော်လှန်တဲ့ အဖိနှိပ်ခံ  ပြည်သူလူထု ပခုံးပေါ် ကျမြဲ ကျနေမှာပါ။ ဒီအချက်ကို အလေးအနက် မသိရင်တော့ နောင်လှုပ်ရှားမှုတွေမှာ ထင်ယောင်ထင်မှားဖြစ်တာ၊တွေဝေယိမ်းယိုင်တာ၊ ဖေါက်ပြန်တာတွေကို ကြုံတွေ့နိုင်ပါတယ်။
ဒီတော့ ဒီနေ့ စစ်အာဏာက မြန်မာပြည်မှာ ပန်းပန်နေတုန်း၊ အိမ်ဦးခန်းမှာ တက်ကြီးစိုးနေတုန်း ဆိုတော့ ကျွန်တော်တို့ ပြည်သူလူထုတွေ အနေနဲ့ လွှတ်တော်ထက် လွှတ်တော်ပြင်ပ လူထုလှုပ်ရှားမှုတွေ တိုးတက် လုပ်ဆောင်ရင်း စစ်အာဏာရဲ့ လက်မဲကြီးနဲ့ အငွေ့အသက် တွေကိုရိုက်ချိုးရမယ်၊ လက်ဝေခံ အစိုးရရဲ့ ဖေါက်ပြန်မှုတွေကို မြင်တဲ့နေရာတိုင်းမှာ ဖေါ်ထုတ်ဖွင့်ချခါ လူထုလှုပ်ရှားမှုနဲ့ ဆန့်ကျင်ကြရပါ လိမ့်မယ်၊ လူထု ကိုယ် စားလှယ်တွေ လူထု အတွက် ကာကွယ်ဖို့ တိုက်တွန်းရပါမယ်။ တိုင်းရင်းသားတွေ ကိုယ်ပိုင်ပြ ဌါန်းခွင့် ရရှိရေးအတွက် လက်တွဲလုပ်ဆောင်ရင်း စစ်အာဏာရှင် တိုက်ဖျက်ရေး၊ ဒီမိုကရေစီဖေါ်ဆောင်ရေး( စတဒထ) ပေါ်လစီကို လူထုတိုက်ပွဲ လက်နက်ကိုင်တိုက်ပွဲ နည်းနာ နဲ့ ဖေါ်ဆောင် ကြဖို့  တင်ပြလိုက်ပါတယ်။

ဘုံရန်သူ စစ်အာဏာရှင်တွေကိုဝိုင်းတိုက်ကြ။
အဖိနှိပ်ခံတို့ ညီညွတ်ကြ။
တော်လှန်ရေး မုချအောင်ရမယ်။

ဦးအေးဆောင်
မတ်လ ၁၉၊ ၂၀၁၆