ထချမှ နအဖ ပြုတ်မည်။ --- စစ်အာဏာကို ပြိုစေလို ဝိုင်းဝန်းဖြိုဖျက် တစ်ယောက်တစ်လက် --- တောရော မြို့ပါ၊ ဝိုင်းတော်လှန် ဧကန်ပြုတ်ကျ - နအဖ၊ ပြည်သူ့ဘက်က ရပ်တည်လိုလျှင် ပြည်သူ့လွတ်မြောက်ရေး တပ်သို့ ဝင်ပါ။ ဆက်သွယ်ရန် P.O Box (168) Mae Ping 50301, Chiang Mai Thailand - Email plfburma@gmail.com

Tuesday, May 23, 2017

ရက္ခိုင်အမျိုးသား အဖွဲ့ ချုပ်မှ “ အသိပေးနှိုးဆော်ခြင်း” ထုတ်ပြန်ချက် နှင့် ပတ်သက်၍



ရက္ခိုင်အမျိုးသား အဖွဲ့ ချုပ်မှ “ အသိပေးနှိုးဆော်ခြင်း” ထုတ်ပြန်ချက် နှင့် ပတ်သက်၍

ရက္ခိုင်အမျိုးသား အဖွဲ့ ချုပ်မှ “ အသိပေးနှိုးဆော်ခြင်း” ထုတ်ပြန်ချက်သည် မြန်မာပြည်အတွက် သတိပေး ဥသြဆွဲသံဖြစ်သည်။ မြန်မာ့ နိုင်ငံရေးတွင် တရုတ်၏ တိုက်ရိုက်စွက်ဖက်မှုကို ဗြောင်ပြသ ခြင်းလည်းဖြစ်သည်။ မြန်မာ့ပြည်တွင်းရေးကို  တရုတ်ကျောထောက်နောက်ခံပြု စစ်အာဏာရှင် နှင့် တရုတ်တို့ တို့ပူး ပေါင်း လုပ်ဆောင်နေသည့် လုပ်ရပ်များ အနက် နောက်ဆုံးပေါ် သက်သေလည်းဖြစ် ပါသည်။
တရုတ်အစိုးရသည်  ကွန်မြူနစ်တံဆိပ်ဖြင့် နိုင်ငံတော်အရင်းရှင်စံနစ်ကို ကျင့်သုံးနေသည့် အစိုး ရဖြစ် သည်။ အမျိုးသားအကျိုစီးပွါးကို ဦးစားပေး ပေါ်လစီအဖြစ်ကျင့်သုံးစဉ်မှ စ၍ကွန်မြူနစ်တို့၏ နိုင်ငံတ ကာ ၀ါဒကို စွန့်လွှတ်ဆန့်ကျင်ပြီးဖြစ်သည်။မြန်မာပြည်တွင် ပြည်သူလူထုကို ကမ္ဘာသိ အကြိမ်ကြိမ် ဖိနှိပ် အနိုင်ကျင့် သည့် စစ်အာဏာရှင်တို့ကို စီပွါးရေး အမြတ်ရလိုမှုတခုထည်းဖြင့် အဘက်ဘက်မှ အားပေးခါ ပြည်သူလူ ထုအပေါ် ဆက်လက်ဖိနှိပ်နိုင်ရေးအတွက် သိက္ခါကင်းမဲ့စွာ ကူညီအားပေးခဲ့ပေသည်။ မြန်မာပြည်ရှိ စစ်အာဏာ ရှင်တို့မှာ တရုတ်တို့၏ ကျွေးမွေးမှုအောက်ရှိ ကျွန်သာသာသာရှိနေပေသည်။
တရုတ်တို့၏ နိုင်ငံရေးအရစွက်ဖက်မှုသည် မြန်မာပြည် အနာဂါတ်နိုင်ငံရေးအတွက် များစွာ အန္တရာယ် များပါသည်။ ပါတီစုံ ဒီမိုကရေစီ စံနစ်ကို ပြန်လည် စတင် ကျင့်သုံးနေသည့် မြန်မာပြည်နိုင် ငံရေးစံနစ်၊ ဖက်ဒရာယ်စံနစ် ရည်မှန်းချက်တို့သည် တရုတ် အစိုးရပေါ်လစီနှင့် စပ်ဟပ်ခြင်း လုံးဝမရှိပါ။ သူတို့သည်  စစ်အာဏာရှင် တို့ကို သုံး၍ ပါတီစုံဒီမိုကရေစီ စံနစ်ကို ဖျက်ဆီးကြမည်သာဖြစ်သည်။  ထိုကြောင့်ပင် တရုတ်၏ သြဇာပြန့်နှံ့မှုသည် ဒီမိုကရေစီလိုလားသော မြန်မာပြည်သူအတွက် အန္တရာယ်များ လှပါသည်။ ထိုကြောင့် ဆန့်ကျင်ကြရမည်။ တရုတ်လူမျိုးဖြစ်သောကြောင့်မဟုတ် ကျင့်သုံးသောစံနစ်ကြောင့် ဖြစ်သည်။
မြန်မာပြည်ရှိ အခွင့်ထူးခံ စစ်အာဏာရှင်တို့သည် “အမျိုးသားရေး” “နိုင်ငံ့အရေး” ဟုပြောနေ သော်လည်း လက်တွေ့လုပ်ရပ်တို့မှာ တိုင်းပြည်ကို တရုတ်လက်အပ်ရေး၊ ကျွန်ခံရေး၊ ကိုယ်ကျိုးစီးပွါးကာ ကွယ်ရေး များသာဖြစ်နေသည်။ တိုင်းပြည်နှင့် ပြည်သူလူထူကို ချစ်မြတ်နိုးသူတိုင်း ကျရောက်နေသော တရုတ်သြဇာကို တားဆီးကြ၊ ဆန့်ကျင်ကြရ တော့ မည်။ ရက္ခိုင်အမျိုးသား အဖွဲ့ချုပ် ၏ နိုးဆော်ချက်ကို အ လေးထား တုန့်ပြန်ကြရတော့မည်။
တိုင်းပြည်တွင် လိုအပ်နေသည်မှာ ပြည်ပသြဇာကို တားဆီးနိုင်ရေးအတွက် “ပြည်တွင်းစည်း လုံး ရေး”ဖြစ်သည်။ စစ်တပ်နှင့် ပူးရသည့် “ရင်ကြားစေ့ရေး” မဟုတ် ပေ။ ပြည်တွင်းစည်းလုံးရေးအတွက် နိုင်ငံရေး အဖွဲ့အစည်းအားလုံး ညှိနှိုင်းအဖြေရှာရမည်။ လက်နက်ကိုင်အဖွဲ့များက တရုတ်ကြောက်ရပြီး၊ ပြည်တွင်းနိုင်ငံ ရေး သမားများ စစ်တပ်ကိုကြောက်နေရလျှင် ကျွန်တော်တို့ နိုင်ငံ၏ရှေ့ရေးသည် ကျွန်အ ဆင့် မဟုတ် သပေါက် အဆင့်မှ ပင် တက်စရာမရှိပေ။
တိုင်းပြည်၏ အခြေအနေမှန်ကို အမှန်အတိုင်းမြင်ကြပြီး ရဲရဲ ၀င့်ဝင့် ဆန့်ကျင်သင့်သည်တို့ကို ဆန့်ကျင် ရင်း တိုင်းပြည်စည်းလုံးရေးနှင့် အနာဂါတ်  နောင်လာနောက်သားများအတွက် အနစ်နာခံ ကြိုးပမ်းသင့်သည့် အချိန်ဖြစ်ကြောင်း ထပ်ဆင့်နိုးဆော်လိုက်ရပါသည်။
လွတ်လပ်မှုကို စောင့်ရှောက်ကြ။
တရုတ်သြဇာကို ဆန့်ကျင်ကြ။
ဒီမိုကရေစီ တော်လှန်ရေး မုချအောင်ရမည်။
ဦးအေးဆောင်
မေ ၂၄၊ ၂၀၁၇။

Saturday, May 20, 2017

ကမ္ဘာကြီးကို ခြုံကြည့်ခြင်း



ကမ္ဘာကြီးကို ခြုံကြည့်ခြင်း
တကယ်တော့ ကမ္ဘာကြီက မကြီးတော့ပါဘူး။ ရှုံ့သွားလို့ ပြားသွားလို့ မဟုတ်ပါဘူး။ လူတွေက မြန်မြန်နဲ့ ဝေးဝေးကို သွားလာနိုင်လာကြလို့ပါ။ ဒါကြောင့်လည်း ကမ္ဘာရွာလိုခေါ်လာကြတော့တယ်။ လူတွေဟာ ခရီးဝေးကို မြန်မြန်သွားနိုင်လာယုံသာမက သတင်းနဲ့ အသိဥာဏ်ကိုလည်း လျှပ်စစ်လို မြန်မြန် ရရှိသိရှိလာနိုင် ကြတယ်။ ဒါကြောင့်လဲ ကမ္ဘာကြီးမှာ သွားလာရေး၊ ဆက်သွယ်ရေး အတားအဆီးတွေကို ကျော်လွှားဖြို ဖျက် နေကြတယ်။
လူတွေက စုစည်းသထက်စုစည်းလာကြတယ်။ ညီညွတ်လာကြတယ်လို့ပြောတာမဟုတ်ဘဲ စုစည်းပြီး အကျိုးအမြတ်ကို ရှာဖွေလာတာကိုပြောတာပါ။ အနီးဆုံးက “ခါးပတ်တချောင်း လမ်းတကြောင်း”(One belt ,one road) ” ဆိုတာ ကိုသာကြည့်ပါ။ဘယ်တိုင်းပြည်မှ ထည်းထည်းနေမရ တာကိုသိနိုင်ပါတယ်။ တနည်း မဟုတ်တနည်း စုဖွဲ့လာရတာကို သက်သေပြတာပါ။ သွေးစုတ်အမြတ်ထုတ်ချင်ရင်လည်း ကိုယ့် တိုင်ဲးပည်တခု ထဲ မှာသာ သွေးစုတ်လို့ မရတော့ဘဲ အမြတ်မျက်မျက်ရမည့် တခြား နေရာကို ဆက်စပ်စုစည်း ရတာကို ဆိုလိုတာပါ။
မကြာသေးမီက ပြီးသွားတဲ့ ပြင်သစ်ရွေးကောက်ပွဲမှာ အလယ်အလတ်ဝါဒီ အီမန်နယူလ် မက် ကရုန်း နိုင်လိုက်တာက ပြင်သစ်ဟာ ဥရောပ သမဂ္ဂက မထွက်တော့ဘူးလို့ တွက်ဆကြပါတယ်။ ဒါကလည်းစုစည်းရေး သဘော တရားကို ပြင်သစ်တွေ လက်ခံတယ်လို့ ယူဆရမှာပါ။ ဗြိတိန်က ဥရောပ သမဂ္ဂက ထွက် တာဟာ တိုး တက်ခြင်းထက် ဆုတ်ယုတ်စေနိုင်တယ်လို့ တွက် ဆနိုင်ပါတယ်။ ဘာဖြစ်လို့လည်းဆိုတော့ စုစည်းရေးရဲ့ ဆန့်ကျင်ဘက် တကိုယ်တော် ၀ါဒဘက်ကို ယိမ်းသွားလို့ပါဘဲ။ ဒီနေရာမှာ ဗြိတိန်အနေနဲ့ သမဂ္ဂတခု ထပ် ထောင် ချင်တယ် ဆိုဦးတော့ သူ့ပင်ကိုယ်သဘောတရားကိုက သီးခြားဝါဒ ဖြစ်နေတော့  အားကောင်းတဲ့ စုစည်း မှုတော့ ရနိုင်မှာ မဟုတ်ပါဘူး။ဥရောပ သမဂ္ဂမှာ ပြဿနာတွေများတာမှန်ပေမဲ့ သမဂ္ဂအဖွဲဝင် နိုင်ငံ တွေဟာ အကျိုးကျေးဇူးလည်း မျှဝေခံစားရတာကို သိနိုင်ပါတယ်။ အနိမ့်ဆုံးအားဖြင့် သမဂ္ဂထဲက ပြည်သူ တွေဟာ လွတ်လွတ်လပ်လပ်နယ်မြေဖြတ်ကျော် သွားလာနိုင်ကြတယ်၊ဗီဗာကြေးလည်း ထပ်မကုန် တော့ပါဘူး။ ဒါကြောင့်လဲ “နယ်စည်းမခြား” ဆိုတဲ့ စားလုံး တွေလည်း ပိုပို ခေတ်စားလာနေတာပါ။
ခေတ်နောက်ကျတဲ့ နိုင်ငံတွေက အုပ်ချုပ်သူတွေဟာ သူတို့ရေရှည် ဖိနှိပ်အုပ်ချုပ်ထားနိုင်ရေး အတွက် သူတို့နယ်ပယ်ပျက်ပြားမှာ မလိုလား သလို ခေတ်နောက်ကျတဲ့ အတွေးအခေါ်ထဲမှာဘဲ သူတို့ပြည်သူလူထုကိုပိတ်လှောင်ထားချင်နေပါတယ်။ဒီလိုပိတ်လှောင်ထားနိုင်အောင်ဟောင်းမျဉ်းတဲ့ကျဉ်းမြှောင်းတဲ့ လူမျိုးရေး ၊ ဘာသာရေး၊ယဉ်ကျေးမှုတွေကို အမွှန်းတင်နေကြရတယ်။ ဒါပေမဲ့ စီးပွါးရေးမှာတော့ နိုင်ငံခြားက၀ယ်အောင်၊ လာကြည့်အောင်လုပ်နေကြရတယ်။ ဒီတော့ ရှေးရိုးစွဲ ၀ါဒနဲ့ စီးပွါးဝါဒက ၀ိရောဓိဖြစ်နေတော့တယ်။ မြန်မာပြည် လိုနိုင်ငံကလူတွေ ဒီပြဿနာကို လက်တွေ့ရင်ဆိုင်နေကြရ တာပါဘဲ။ နောက်ဆုံးတော့ ဂျင်းဘောင်းဘီနဲ့ စကတ်တိုတိုတွေဘဲ ခေတ်စားလာရတော့တယ် မဟုတ်ပါ လား။ ကမ္ဘာယဉ်ကျေးမှု ရေစီးက သန်လည်းသန်၊ မြန်လည်းမြန်ပါတယ်။
          အရင်းရှင်စံနစ်ဟာ ကမ္ဘာပတ်အရင်းရှင် စံနစ် ဖြစ်နေပြီ။ အရင်းစံနစ်ဟာ တိုးတက်တဲ့ သူတို့နိုင်ငံမှာခေတ်မစားတော့ဘူး။ကျင်းသုံးလို့မရတော့ဘူး။အမြတ်စားလွန်းတော့လူတွေ၊အလုပ်သမားတွေ က လုပ် ခ တိုး တောင်းကြလို့ ခေတ်နောက်ကျတဲ့ လုပ်ခပေါတဲ့၊ အရင်းစံနစ်ဆိုးကျိုးကို မသိသေးတဲ့ နိုင်ငံတွေဆီ စက်ရုံတွေရွှေ့သွားကြတယ်။ဆိုလိုတာက အရင်းရှင်စံနစ်ဟာ ခေတ်မှီနိုင်ငံတွေက ဆုတ်ခွါနေ ရတာကို ပြော ချင်တာပါ။
အခုတော့ ကမ္ဘာပတ် အရင်းရှင်စနစ်က ဘယ်တိုင်းပြည်မှာ ဘယ်လူကို သမတလုပ်စေရမယ်။ ဘယ် သမတကိုပြုတ်စေရမယ် ဆိုတဲ့ အထိ လုပ်ဆောင်နေပါတယ်။ အမေရိကန်လိုနိုင်ငံက အစပါ။ မကြာသေး တဲ့ကာလက လစ်ဗီးယားက ကာဒက်ဖီးနဲ့  အီရတ်ကဆာဒမ်ဟူစိန်တို့ ကံကြမ္မာကို ကြည့်ရင် သိနိုင်ပါတယ်။
ကမ္ဘာပတ်အရင်းရှင်စံနစ်က အကောင်ကြီးပြီး အစွယ်ပေါက်လာသလို ကမ္ဘာတခုလုံးကို အစိုးရတခု ထည်းနဲ့ အုပ်ချုပ်နိုင်ဖို့တောင် အစီအစဉ်ရှိတယ် ဆိုတဲ့ ကောဠဟာဠလိုလို သတင်းလိုလိုက ထွက်လာသေး တယ်။ ဖိနှိပ်ခံ အုပ်ချုပ်ခံ ဆင်းရဲသားကမ္ဘာပြည်သူတွေ ဘက်ကတော့ အထက်မှာဖေါ်ပြခဲ့ကမ္ဘာပြည်သူတွေ စုစည်းမိ၊ဆက်စပ်မိတာကလွှဲလို့ ထင်ရှားတဲ့ တိုးတက်မှုကို မတွေ့နိုင်သေးပါ ဘူး။ဘာဖြစ်လို့လဲ ဆိုတော့ ကမ္ဘာပတ်အရင်းရှင်စံနစ်ရဲ့သတင်းထိန်းချုပ်မှုနဲ့အားကောင်းတဲ့ကြော်ငြာတွေက လူကြိုက်များနေတာရယ်၊ ဦးစီးဦးဆောင်လုပ်ဝံ့တဲ့ နိုင်ငံလည်း မပေါ်သေးလို့ပါ။
ဥရောပ သမဂ္ဂဟာ စုစည်းယုံ ၊ ကုန်သွယ်ယုံ၊ကူးသန်သွားလာယုံ အဆင့်ကနေတိုးတက်တဲ့ လူနေမှု ဘ၀ အဆင့်တခုဆီကို ဦးတည်သင့်ပါတယ်။ဒီလိုဦးတည်နိုင်ဖို့ကဓနဥစ္စာကို ဝေမျှခံစားရဲတဲ့၊ ချမ်းသာတဲ့ တိုး တက်တဲ့ ထက်မြက်တဲ့ နိုင်ငံခေါင်းဆောင်တွေ လိုအပ်ပါတယ်။
အခုတော့ ဥရောပ သမဂ္ဂက ရှေ့ဆက်ဘယ် သွားမယ်ဆိုတာကို စဉ်းစားနေကြတုန်းနဲ့ တူပါရဲ့။ စုစုစည်းစည်းနေထိုင်ရောယှက်လာတာဟာတိုးတက်မှုဖြစ်နေပေမဲ့အစ္စလာမ်ဘာသာရေးအစွန်းရောက်တွေ ရဲ့ သီခြား ဆန်တဲ့ လုပ်ရပ်တွေ၊ ခွဲခြားဖိနှိပ်သတ်ဖြတ်တာတွေက ကမ္ဘာလူသားတွေရဲ့ စုစည်းရေးရေစီးကို များစွာ အနှောက်အယှက် ဖြစ်စေခဲ့ပါတယ်။ ဘာသာရေးဟာ ပုဂ္ဂလိက ယုံကြည်မှု ဖြစ်သလို လူကို တခြားလူ တွေနဲ့ ကင်းကွစေတဲ့ အချက်လို ဖြစ်နေတယ်။
ကမ္ဘာကြီးဟာ စုစည်းဖိနှိပ်သွေးစုတ်ခံနေရသည့်တိုင် နိုင်ငံတကာအလုပ်သမားတွေရဲ့ အဆက်အစပ် ပိုမိုစု စည်း မိလာတာ၊ အရင်းရှင် စီးပွါးရေးရဲ့ကမောက်ကမဖြစ်တာတွေကို ကမ္ဘာတ၀ှမ်း ကပြည်သူတွေ လက်တွေ့ခံစားရတာကို သိလာတာဟာ ခေတ်နောက်ကျတဲ့ နိုင်ငံက ဆင်းရဲနွမ်းပါးတဲ့ အလုပ်သ မားတ ယောက်က တောင် သိလာနေကြပါတယ်။ အရင်းရှင်စံနစ်ရဲ့ ဆိုကျိုးတွေကိုမြင်လာပြီး အရင်းရှင်စံနစ်ကို ဆန့်ကျင်တဲ့ အမြင်တွေ ပေါ်တိုးပွါးနေတာကလည်း လူးသားတွေအတွက် ရှေးရေး ရည်မှန်းချက်ဟာ ကွန်မြူနစ် လူအဖွဲ့ အစည်းလိုအဖြစ် တဖြည်းဖြည်း ပုံ ပေါ်နေပါတယ်။ အရင်းရှင်စံနစ် ပျက်စီးနေတာကို ရွံရှာလာကြတယ်။
ဒီလိုပြောလို ကွန်မြူနစ်စံနစ်က နေ့ချင်းညချင်းပေါ်လာတော့မယ်လို့ ဆိုဆိုတာမဟုတ်ပါဘူး။ ကမ္ဘာပတ် အရင်းရှင် လက်ဝါးကြီးအုပ်သူတွေကလည်း ဒီတိုင်းထိုင်ကြည့်နေကြမှာ မဟုတ်တော့ အရင်းရှင်စံနစ်နဲ့ ကွန်မြူ နစ်စံနစ်တို့ရဲ တွန်းပွဲတိုက်ပွဲတွေက နှစ်ရာချီမဟုတ်တဲ့ တိုင် ဆယ်စုနစ်တချို့တော့ ကြာနေဦးမှာပါ။ အားသာ ချက်ကတော့ ပိုမိုစုစည်းလာခြင်းနဲ့ သတင်းအချက်အလက်ပြန့်နှံ့မြန်တာ နည်းပညာတွေ တိုးတက် လာတာ တွေကြောင့် လှုပ်ရှားမှုတွေက တော်လှန်ရေးတွေက သမရိုးကျမဟုတ်ဘဲ အင်မတန်မြန်နိုင်ပါတယ်။ သေချာ တာ ကတော့ အရင်းရှင်စံနစ်ဟာ ဂိတ်ဆုံးနေပြီး နည်းပရိယာယ်နဲ့ လှည်းစားချက်တွေနဲ့ သာ ဆက်ရှင် သန်နေရေး အတွက် စခန်းသွားနေရတော့ သိပ်ကြာရှည်ရှည် ဟန်နိုင်တော့မည့်ပုံမရှိတော့ပါ။
ဒါပေမဲ့ ဘာသာရေး၊ လူမျိုးရေး၊ နယ်မြေ၊သဘာဝသယံဇာတကိစ္စတွေက သူတို့ ဆက်လက်အမြတ် ထုတ် လှည့်စားနိုင် မည့်ကွင်းတွေဖြစ်မြဲ ဖြစ်နေသေးတော့ အချိန်တချို့ ကြာမှာပါဘဲ။ ဒါဟာ ကျွန်တော်တို့ အဖိနှိပ်ခံ သွေးစုတ်ခံတွေရဲ့ မသိနားမလည်မှု မိုက်မဲမှုတွေကလည်းသူတို့ရဲ့ တီးလုံးအောက်မှာ မျောနေပြီး  သိသည်ဖြစ်စေ မသိသည်ဖြစ်စေ သူတို့ ပရိယာယ်ကို အထောက် အကူပြု နေတတ်ပါ တယ်။
မည်သို့သော အတားအဆီးတွေရှိနေပါစေ ကမ္ဘာ့လူအဖွံ့အစည်းဟာဖိနှိပ်သွေးစုတ်မှုကိုဆန့်ကျင်နေ မှာပါ ဘဲ။ ခေါင်းပုံဖြတ်အမြတ်ထုတ်တာကို ဆန့်ကျင်နေမှာဘဲ။ တကိုယ်ကောင်းဆန်မှုကို စုဖွဲ့မှုက ကြီးစိုး အနိုင်ယူသွားမှာပါ။ စုဖွဲ့မှုဆိုတာ ဝေမျှမှု ရှိမှ ဖြစ်နိုင်ပါတယ်။ ဝေမျှဖို့ ဆိုတာ တခြားလူတွေကို ကိုယ်ချင်းစာတတ်ရပါတယ်။ ငါတကောကောပြီး ငါ့လူမျိုး ၊ငါ့ဘာသာ လောက်နဲ့တော့ ဒီနေ့ ခေတ်မှာ လူတောတိုးဖို့ခက်ပါတယ်။လူတွေနဲ့ ပုခုံးတန်းယှဉ်နိုင်ဖို့အတွက် ကမ္ဘာအမြင်ရ အောင် ကမ္ဘာအခြေအနေကို လေ့လာရမယ်။ မြန်မြန်နဲ့ ဝေးဝေး မြင်နိုင်အောင်၊ သွားနိုင်အောင်၊လုပ်နိုင်အောင် အမြဲကြိုးပမ်းကြရမယ်။ တခြား လူကို ပြိုင်ဖို့ထက် ဒီနေ့လူသားတဦးအနေနဲ့ကမ္ဘာကြီးအတွက်  တွေးတော လုပ်ဆောင်နိုင်အောင် လေ့လာ လေ့ကျင့်နေရပါ့မယ်။ဖြစ်ရှိနေတဲ့ပဋိပက္ခတွေကိုလည်းမြင်ထားသင့်ပါတယ်။မတရားဖိနှိပ်သူတွေရဲ့ အကောက်အကျစ်တွေကိုလည်း သိထားရပါမယ်။
ဒီနေ့သူများတွေ မြန်မြန်လုပ်၊ ဝေးဝေးသွားနိုင်အောင်လုပ်နေချိန်မှာ  ဗမာပြည်မှာ ဖြစ်နေတာက အတား အဆီး၊ အပိတ်အဆို့တွေကများနေတယ်။ နိုင်ငံရေးမပြောနဲ့ စီးပွါးရေး၊ ပညာရေး၊ လူမှုရေး၊ ကျန်းမာ ရေးကအစ အတားအဆီး အကန့်အသတ်တွေကများတယ်။ ဒါတွေက ကမ္ဘာနဲ့ ယှဉ်ဖို့ဆိုရင် မကျော်လွှား၊ မတိုက်ဖျက်ဘဲ ထားလို့မရဘူး။ ဒီအလုပ်က အနီးဆုံး အနှောက်အယှက်ဖြစ်တော့ အရင်ဖြေရှင်းကြရမှာဘဲ။
ကမ္ဘာလူ့အဖွဲ့အစည်းဟာ ကြိုက်သည်ဖြစ်စေ မကြိုက်သည်ဖြစ် အလျှင်အမြန်တိုးတက်ပြောင်း လဲနေပါ တယ်။ စုစည်းပုံတွေလည်း ပုံစံအမျိုးမျိုးနဲ့ စုဖွဲ့ကြပါတယ်။ လောလောလတ်လတ် တရုတ်ရဲ့ ခါးပတ်တချောင်း လမ်းတကြောင်းကလည်း စုစည်းတဲ့ ပုံစံ တခုပါဘဲ ဘယ်လိုဘယ်လိုဘဲ စုစည်းမှုတွေဖြစ်စေ ပါဝင်ကြရမယ်။ ပိုကြီးမားတဲ့ စုစည်းမှုလည်းလုပ်ကြရမှာဘဲ။ အရေးအကြီးဆုံးက ဘယ်လို လွှမ်းမိုးစုစည်းမှုပင် ဖြစ်ပါစေ အကျိုးအမြတ်ကို ဘယ်လိုမျှမျှတတ ခွဲဝေယူကြသလဲ ဆိုတာသာ အရေးကြီးပါတယ်။လက်ပံတောင်လို၊ မြစ်ဆုံလို တဖက်သက် ဆိုရင်တော့ တိုင်းပြည်နလံထူစရာမရှိသလို လူထုတွေကိုလည်းခေတ်မှီဖို့နေနေသာသာ လူတန်းစေ့ဖို့တောင် အနိုင်နိုင် ဖြစ်နေမှာပါ။ ကျွန်ဝယ် ရာ အဆစ်ပါ သလိုမဖြစ်အောင်တော့ သတိထားရမှာပေါ့။
အများအကျိုးကို သယ်ပိုးကြ။
အဖိနှိပ်ခံတို့ ညီညွတ်ကြ။
ဒီမိုကရေစီ တော်လှန်ရေး မုချအောင်ရမယ်။
ဦးအေးဆောင်
မေ ၂၀၊၂၀၁၇။