စစ်အာဏာရှင်စံနစ် တိုက်ဖျက်ရေးသည်သာ ယနေ့ တော်လှန်ရေး တာဝန်ဖြစ်သည်။

မြန်မာပြည်မှာ စစ်အာဏာရှင်တွေ ရက်ရက်စက်စက်ဖိနှိပ် ကြီးစိုးမင်းမူ နေခဲ့ တာကြောင့် တိုင်းပြည် ဆင်းရဲတွင်းနက်၊ သူများတွေရဲ့အောက်တန်နောက်တန်းကျ ဖြစ်ရတာ။ စားရမဲ့ သောက်ရမဲ့ ဘ၀ ကျရောက်ရတဲ့ အပြင် အကျင့်စာရိတ္တတွေ ပျက်ပြားရတာကို မြန်မာ ပြည်သူတွေ ကိုယ်တွေ့ သိကြပြီးဖြစ် တယ်။

အခုတော့နေ့ချင်းညချင်း အပြောင်းအလဲတွေ ဖြစ်တော့ မလိုလို သတင်း မီဒီယာ တွေက တောခြောက်ကောင်းတာနဲ့ ပြည်သူတွေလဲ ဟုတ်နိုးနိုးဖြစ်လာရပြန်ပြီ။ ဒီလို ဟုတ်နိုးနိုး မျှော် လင့် ချက်နဲ့ ကျွန်တော်တို့ ပြည်သူတွေ နေခဲ့ရတာ လွန်ခဲ့တဲ့ အနှစ် သုံးဆယ် ၁၉၉၀ ရွေးး ကောက် ပွဲက စခဲ့တာပါ။ ၁၉၆၂ ကနေစပြောရင်တော့ မျှော်လင့်ချက် စာရင်း ရှည်ကြီးကို တွေ့ရပါဦး မယ်။ မျှော် လင့် ချက်ပေး လှည့်စားတဲ့ အလုပ်က အုပ်ချုပ်သူတွေ လုပ်နေ ကျ အလုပ် တွေပါ။အထူးသဖြင့် မြန်မာပြည်က စစ်အာဏာရှင်တွေဘဲ။ ကျွန်တော်တို့က သူတို့လုပ်တိုင်း လိုက်ယောင်လို့တော့ ကျွန်တော်တို့ သားမြေးမြစ် တီ တွဒ်တွေသာ ကုန်သွားမယ်။ ဒီအ တိုင်း ဆက်သွားမယ်ဆိုရင် ဘုရင်စံနစ်လို စစ်အာဏာရှင်တွေ ဆက် ကြီးစိုး နေဦးးမှာဘဲ။

နိုင်ငံတခုမှာ အုပ်ချုပ်ရေးအာဏာ၊ တရားစီရင်ရေးအာဏာ၊ ဥပဒေပြု အာဏာ ဆိုတာ ပုံမှန်နိုင်ငံတွေမှာရှိပေမဲ့ မြန်မာပြည်လို စစ်အာဏာအရိပ်မဲကြီးက ကြီးစိုးနေတဲ့ နေရာမှာ ဒီအာဏာတွေက စာရွက်နဲ့ သူတို့လျှာပေါ်မှာဘဲရှိပါတယ်။ လွှတ်တော်ဆိုတဲ့ ဥပဒေသာပြုတဲ့ နေရာကို ရလို့ ပြည်သူတွေကို လက်တွေ့ကယ်တင်နိုင်စရာမရှိဘူး။ စစ်အာဏာရဲ့ ပယောဂ တွေ၊ ချစား လာဒ်စားမှုတွေ၊ ဂိုဏ်းဂဏတွေ အုပ်စုတွေကြားမှတင် သံသရာလည်ရင်း ငွေကုန် ကြေး ကျများ လူပန်းပြီး အရှုံးသာ ဖြစ်နိုင်တော့ တယ်။စစ်အာဏာရှင်အောက်က ဥပဒေနဲ့လွှတ် တော်တွေဟာ ဟန်ပြသာဖြစ်တာကို မကြာခင် လက်တွေ့ မှာ သိလာမှာပါ။

သတင်းမီဒီယာလွတ်လပ်ခွင့်နဲ့ အဖွဲ့အစည်းအသင်းအပင်းလွတ်လပ်ခွင့်တွေဟာ မဖြစ် မနေ ရရှိရမည့်အခွင့်အရေးတွေ ဖြစ်တယ်။ဒါမှသာတိုင်းပြည်မှာတကယ့်အဖြစ်မှန်တွေကိုသိနိုင်ပြီးသုံးသပ်ပြုပြင်နိုင် မယ်။ ချုပ်ချယ်တာ မရှိသင့်ဘူး။ ဖတ်ရှုနားထောင် သူတွေ၊ မဲပေးသူ တွေကသာ ဆုံးဖြတ်ရ မှာ။ စစ်အာဏာ ရဲ့ အဆုံးအဖြတ်ချုပ်ချယ်မှုအောက်မှာ မရှိသင့် ဘူး။ ရထားတဲ့ လုပ်ပိုင်ခွင့်တွေကို အပြည့် အ၀အသုံးချရ မှာဖြစ်သလို၊ ရတာလေးနဲ့ ကျေနပ်နေ တတ်တဲ့ သူတွေကို ခေါင်း ဆောင် မတင်မိဖို့အရေးကြီးတယ်။

ဒီနေ့ စစ်အာဏာရှင်စံနစ်တော်လှန်ရေးကာလမှာ စစ်အာဏာရှင်စံနစ်ကို အတွေးအ ခေါ် အရ၊ လုပ်ငန်းအရ၊အထောက်အကူပြုသူတွေကို ပြတ်ပြတ်သားသားဆန့်ကျင်ဖို့လိုအပ်တယ်။စစ်အာဏာရှင်တွေနဲ့ သူ့လက်ပါးစေလက်ဝေခံတွေကိုံ ဆန့်ကျင်ရမယ်။အလျှော့ ပေးရေး ၀ါဒ၊ ပြုပြင်ရေးဝါဒ ၊ စေ့စပ်ရေးဝါဒ တွေ ကို ပြတ်သားတဲ့စစ်အာဏာရှင်ဆန့်ကျင်ရေးအမြင်နဲ့တိုက်ဖျက်ဖို့လိုအပ်တယ်။လူထုရဲ့ဆန္ဒသဘောထားတွေ ကို ဖေါ်ပြဖို့ သဘာဝ အတိုင်းဘဲ လူစုလူဝေးနဲ့ချီ တက် တာကိုဘဲ အားကိုးရမယ်။ ဒါမှသာ မြင်သာ ထင် သာရှိပြီး တာဝန်ရှိ သူတွေက အလေး ထားလာ မှာဖြစ်တယ်။ စစ်အာဏာဆန့်ကျင်ရေး အတွက် သပိတ် တိုက်ပွဲ၊ လူထု တိုက်ပွဲ လက်နက်ကိုင်တိုက်ပွဲတွေကို ဖြစ်နိုင်သမျှ အကျယ်အပြန့်ဖေါ် ထုတ် ရမယ်။ ဒါမှသာ စစ်အာဏာရှင်တွေဟာ ပြည်သူတွေရဲ့ သဘောထားအမှန်ကို သိပြီး ဖိနှိပ်မှုကို လက်တွန့်လာ ပါလိမ့်မယ်။ လစ်ဘီးယား နိုင်ငံအတွေ့အကြုံ ကိုလဲ သူတို့ သိ ထားပြီး ဖြစ် မှာပါ။

ပြည်သူတွေ ဒုက္ခရောက်နေတယ်။ ပြည်သူတွေဆင်းရဲနေတယ် ဆိုပြီး အကြောင်းပြတဲ့ သူတွေက ပြည်သူတွေကိုကာကွယ်သူတွေကိုအားမပေးဘဲသတ်ဖြတ်နေသူတွေကိုအားပေး။လယ်သမားတွေရဲ့ လယ်တွေကို သိမ်းတဲ့ လူတွေကို မဆန့်ကျင်ဘဲ မသိသလို အားပေးသ လိုလုပ်နေတာက လူထု ကို လှောင်ပြောင်နေသလို ဖြစ်နေတယ်။အချောင်လိုက်သက်သာတဲ့အလုပ်တွေဟာ ကောင်းသလိုလိုဖြစ်ပေ မဲ့ “မိအေးနှစ်ခါ ”ရတဲ့ သမိုင်းတွေ ကျွန်တော် တို့ မှာ ဂျပန်ကိုခေါ်ခဲ့လို့ ကြုံခဲ့ရပါပြီ။

ဟစ်တလာကို လိုက်လျှောချော့မြူ ခဲ့တဲ့ ဗြိတိန်ဝန်ကြီးချုပ် ချိန်းဗလိမ်းကြောင့် ဟစ်တ လာဟာ အားကောင်းလာပြီး နောက်ဆုံးတော့ ဒုတိယကမ္ဘာစစ်ဖြစ်တဲ့အထိ ကမ္ဘာတ၀ှမ်း စစ်ပွဲကြီးဆင်နွဲကြ ရ တော့ တယ်။ ကိုယ်ထိမ်းမနိုင်တဲ့ တိရိ စ္ဆာန်တွေကို မွေးကျွေးမိရင်လဲ ဒီလိုပါဘဲ။အ ကိုက်ခံရ ၊ ဖျက်ဆီးခံ ရတော့ တာဘဲ။

ကြံ့ဖွတ်စစ်အစိုးရဟာ လူထုအုပ်ချုပ်မှုအောက်မှာမရှိဘူး။ သူတို့က လူထုအထက် မှာရှိ နေ တယ်။ လူထု အစိုးရ ထူထောင် ပြီး စစ်အာဏာကို ထိန်းချုပ်နိုင်ဖို့ ကြံ့ဖွတ်စစ် အာဏာ ကို အရင် ဖြိုချ တိုက်ဖျက်ရမှာဖြစ်တယ်။တခြားကိစ္စတွေကို နားမယောင်သင့်ဘူး။

အောင်ပွဲကိုတိုက်ယူကြ။

စစ်အာဏာာရှင်စံနစ်မုချကျဆုံးရမယ်။

လူထုအစိုးရ ပေါ်ထွန်းရမယ်။

ဦးအေးဆောင် ။

ဒီဇင်ဘာ ၆၊ ၂၀၁၁။