ပန်ခမ်းထုတ်ပြန်ချက်နှင့် ပတ်သက်၍

ဖေဖ၀ါရီ ၂၄ ရက်နေ့မှာ တိုင်းရင်းသားလက်နက်ကိုင် တော်လှန်ရေး အဖွဲ့တွေ ပြုလုပ်တဲ့ ပန်ခမ်းအစည်းအဝေး ကထုတ်ပြန်ချက်ဟာ ရန်ကုန် က တရုတ်ပိုင် အထည်ချုပ်စက်ရုံမှာ အလုပ်သမားနဲ့ အလုပ်ရှင် ပြဿနာ ပေါ်နေချိန်နဲ့ လာတိုက်ဆိုင်နေတဲ့ အတွက် ကံမကောင်း အကြောင်းမလှ ဖြစ် သွား နိုင်ပါတယ်။ နိုင်ငံခြား အရင်းအနှီးမြုပ်နှံမှုတွေကို အကာအကွယ်ပေးမယ်လို့ ဆိုထားတဲ့ ပန်းခမ်း ထုတ်ပြန် ချက်က အလုပ်သမားနဲ့ နစ်နာ သူတို့ကို လှစ်လျူရှုသလိုဖြစ်နေလို့ပါ။

နိုင်ငံရေးအရ NCA ကို ဆန့်ကျင်ပေမဲ့ စစ်အာဏာရှင် ဆန့်ကျင်ရေး၊ ဒီမိုကရေစီစံနစ်ထွန်း ကားရေးကို မညွှန်းသလို “ ဖက်ဒရာယ်”ဆိုတဲ့ စကား တလုံးသာ ပါတဲ့ ဒီထုတ်ပြန်ချက်ဟာ အနာဂါတ် မြန်မာပြည်နိုင်ငံရေး ကို ဦးစားပေးမှုထက် “ ၀သပ” ရဲ့ ဦးဆောင်မှုကိုအထူးပြုထားပုံ ပေါ်လွင်ပါ တယ်။ ၀သပ ရဲ့နိုင်ငံရေးဟာ အရင်ကဘေးထိုး နိုင်ငံရေး ဖြစ်နေပြီး အခုတော့ တရုပ်ရဲ့ စီးပွါးရေး လုပ်ငန်းတွေဖြစ်တဲ့၊ လက်ပံတောင်း၊ ရခိုင်ရေနံပိုက်လိုင်း၊ မြစ်ဆုံ ဆည် နဲ့ တခြား စီးပွါးရေးလုပ်ငန်းတွေကို လူထုရဲ့ ဆန့်ကျင်မှုတွေ ပြန်လည် နိုးထ လာစရာရှိလို့ ၀သပ အနေနဲ့ တရုပ်အကျိုးစီးပွါးကို ကာကွယ်ပေးဖို့ ဗြောင် ထွက်လာတယ်လို ယူဆ ရပါတယ်။

ဝသပရဲ့ နိုင်ငံရေးအမြင်က တရုတ်အကျိုးပြု အမြင်သာဖြစ်နေတော့ တရုတ်ရဲ့ မြန်မာပြည်ပေါ် သဘောထားကို မတွက်ဆဘဲထားလို့မရပါဘူး။ တရုတ်ဟာ နိုင်ငံရေးထက် စီးပွါးရေးအမြင်သန်နေတော့ သက်ဆိုင်ရာ ပြည်သူ တွေ ဘယ်လို ဖိနှိပ်မှုတွေ ခံရခံရ၊ သူရပေါက်ကောင်းမည့် အုပ်စိုးသူတွေ၊ ဖိနှိပ်သူတွေနဲ့ လက်ချိတ်ပြီးအမြတ်ရ ရေး တခုထည်းနဲ့ ရွက်တိုက်နေခဲ့တာပါ။ အခုလည်း ရေနံပိုက် လိုင်းတွေ၊ ပင်လယ် ထွက်ပေါက်၊ နိုင်ငံကာရေကြောင်းလိုင်း( တောင်တရုတ်ပင်လယ်) တွေစိုးမိုးဖို့လုပ်နေ တာပါဘဲ။ သူ့တရုတ်ပြည်ကောင်းစားရေး အတွက် သူဘာသာလုပ်တာ ဘာမှပြောစရာမရှိပေမဲ့ ကျွန်တော်တို့ ပြည်သူတွေ ၀မ်းခါးလှဖို့အတွက် ရေးကြီး တယ်။ပြည်တွင်းကိစ္စက အရေးကြီးတယ်။ တရုတ်ရဲ့ အထောက်အပံ့ တွေအား ကိုးပြီး နိုင်ငံရေးအရ ဖိနှိပ်နေမှု တွေ၊ စီပွါးရေးအရ မတရားသွေးစုတ်မှုတွေကို လုပ်နေသူတွေကြောင့် ပြည်သူတွေ ခံစားနေရလို့ ပြည်သူ့အကျိုးအတွက် ၊ ရင်နှီးမြုပ်နှံသူတရုတ်နဲ့ သူ့လက်ပါးစေတွေကို တိုက်ဖျက်ကြရတာပါ။

တရုတ်အပါအ၀င် နိုင်ငံတကာ အရင်းအနှီးဆိုတာက စစ်အာဏာရှင် ယန္တယားကို အများဆုံး အထောက် အကူပြုနေကြတာပါ။ ၀င်ပေါက်တွေမှာ ၀င်လာသမျှ ရိတ်ဖို့ စစ်အာဏာရှင်ဂိုဏ်းသားတွေက အသင့် စောင့်ဆိုင်း နေပါ တယ်။ အရင်းအအနှီးမြုပ်နှံသူတွေနဲ့ အပေးအယူလုပ်ထားကြတယ်။အလုပ်သမား၊ လယ် သမားတွေရဲ့ အခွင့် အရေးနဲ့အကျိုး စီးပွါး တွေကို ဖိနှိပ်အမြတ်ထုတ်ကြတယ်။ တရုတ်ပြည်ကိုယ်တိုင် ကသူ့ပြည်သူတွေကိုလည်းဒီလိုလုပ်နေတာပါ။ မြန်မာပြည်က မြန်မာစစ်အာဏာရှင်တွေဟာတရုတ်မှတပါးအားကိုး ရာ မရှိ ဖြစ်ခဲ့ရလို့ တရုတ်ခိုင်းဖတ် အလိုလိုဖြစ် နေပါ တယ်။

ဝသပ နဲ့ မင်းအောင်လှိုင်တပ်ဟာ တရုတ် အကျိုးကို အတူတူကာကွယ်ကြမယ်ဆိုတာ အထူးတွေ စရာ မလိုပါ ဘူး။ အခုတော့ ၀သပက တရုတ်အတွက် ဗြောင် ထွက်ရပ်ကာကွယ်ပြီး မင်းအောင်လှိုင် က နောက်ကွယ်က ကာကွယ်ပါလိမ့်မယ်။ သူတို့တတွေ သူတို့ ကာကွယ်ချင်တာကာကွယ်ပါစေ ကျွန်တော် တို့ ပြည်သူတွေ အနေနဲ့ မတရားတဲ့ ဖိနှိပ်မှုတွေ၊ သွေးစုတ်အမြတ်ထုတ်မှုတွေကို လုပ်သူ မည်သို့သော သူကို မဆို အဖိနှိပ်ခံပြည်သူတို့ အတွက် ဆန့်ကျင် တိုက်ပွဲ ၀င်သွားရမှာဘဲ။

“နိုင်ငံရေးက နောက် ၊ စီးပွါးရေးက ပထမ” ဆိုတဲ့ အမြင်ဟာ ဖိနှိပ်သူ၊ အထူးသဖြင့် ငွေကြေးနဲ့ ဖိနှိပ်သူကို တိုက်ရိုက်အားပေးတဲ့ အမြင်ဖြစ်တယ်။ ပိုက်ဆံကြီးစိုးတဲ့ ခေတ်မှာ ဆင်းရဲသားပြည်သူတွေ အနေနဲ့ တော်လှန် ရေး အမြင်၊ တော်လှန်ရေးအသိ၊ တော်လှန်ရေးလှုပ်ရှားမှု နဲ့သာ ဆန့်ကျင်လို့ရမယ်။

တော်လှန်ရေးလက်နက်ကိုင် အင်အားစုတွေ အနေနဲ့ မိမိပြည်သူတွေအတွက် လုပ်ဆောင်နေကြ တာကို မမေ့အပ်ပါဘူး။ တရုတ်ရဲ့ စီးပွါးရေးသြဇာအောက်မှာ မြန်မာ စစ်အာဏာရှင်တွေ မှ တဆင့် တိုင်းရင်းသား အားလုံး ဘယ် လောက်အထိ ဖိနှိပ်သွေးစုတ်ခံနေရတယ် ဆိုတာသိဖို့ လက်ပံတောင်း၊မြစ်ဆုံ နဲ့ တရုတ်ပိုင် လုပ်ငန်း စက်ရုံတွေကို သွားကြည့်ကြပါ။

လက်ရှိကပ်တည်းနေတဲ့ ဘ၀တွေကနေ လွတ်မြောက်ဖို့ အနှီးကပ်ဖိနှိပ်နေတဲ့ စစ်အာဏာယန္တ ယားကို ပြည်သူတွေ လက်ထဲ ပြန်ယူတဲ့ လှုပ်ရှားမှုကို အဓိကထားလုပ်ရပါမယ်။အရင်းအနှီးမြုပ်နှံသူတွေဟာ သက်ဆိုင်ရာနယ်မြေက တော်လှန်ရေးအင်အားစုတွေကိုအသိအမှတ်ပြုပြီး၊ခွင့်ပြုချက်ဖြင့်သာလုပ်ငန်းလုပ်ဆောင် သင့် ပါတယ်။ စစ်အာဏာယန္တယားကိုသာ အကျိုးပြုတဲ့ ကုမ္ပဏီတွေဟာ ပြည်သူကို ဖိနှိပ်တဲ့ ရန်သူအဖြစ် သဘော ထားသင့်ပါတယ်။

ပန်းခမ်းထုတ်ပြန်ချက်က တရုတ်ဂိုဏ်းစုသလိုဖြစ်တာကြောင့် မြန်မာပြည် အနာဂါတ်မှာ ဂိုဏ်းဂ ဏတွေ ပေါ်ပေါက်လာနိုင်ပါတယ်။ အမေရိကန်ဂိုဏ်းလည်းပေါ်လာနိုင်ပါတယ်။ တိုင်းပြည်ဟာ တောင် နဲ့ မြောက် ကွဲသွားနိုင်စရာလည်း ရှိလာနိုင်ပါတယ်။ အဲဒီအခြေအနေကိုတားဖို့ အတွက် “အမျိုးသားစည်း လုံးရေး” လုပ်ဖို့ လိုအပ် နေပါတယ်။ အမျိုးသား စည်းလုံးရေးဟာ ပြောပြောနေတဲ့အမျိုးသားရင်ကြားစေ့ရေးနဲ့ တခြားစီဖြစ် တယ်ဆိုတာလည်း သေသေခြာခြာ နားလည်စေချင်ပါတယ်။။ စစ်မှန်တဲ့ ဒီမိုက ရေစီ လူထုအစိုးရအမြန်ဖေါ် ဆောင်ဖို့လိုပါတယ်။ငါတကောကောနေကြရင်တော့တိုင်းပြည်ပျက်ကိန်းရှိနေပါတယ်။သဘောထားကြီးပြီး၊အမြင် ရှိရှိ ရိုးရိုးသာသားနဲ့ ကျယ်ကျယ်ပြန့်ပြန့်စုစည်းနိုင်ဖို့ အင်မ တန် အရေးကြီးနေပါတယ်။ အကျိုးစီးပွါးတွေ၊ ကျူး လွန် ထားတဲ့ ပြစ်မှုတွေ ကြောင့် ကျွန်တော်ပြောသလို ဖြစ်ဖို့ ခက်ပါတယ်။ ဒါပေမဲ့ ပြည်သူတွေက တကယ် ဆန္ဒရှိရင် ဖြစ်လာနိုင်ပါတယ်။ တိုးတက်တဲ့ ပြည်သူတွေက ဦးဆောင်လုပ်ကြရမှာဘဲ။

ယနေ့ လက်နက်ကိုင်တော်လှန်ရေး အင်အားစုတွေဟာ ၂၀၀၈ ဖျက်သိမ်းရေး၊ စစ်အာဏာရှင်စံနစ် ဖျက် သိမ်းရေး၊ ဒီမိုကရေစီ ဖက်ဒရာယ်ပြည်ထူထောင်ရေး အတွက် တွေဝေမှုကင်းကင်းနဲ့ တိုက်ပွဲကို ခိုင်ခိုင် မာမာ ဆင်နွဲ သင့်ပါတယ်။ စာချုပ်စာတမ်းတွေဟာ စောင့်ရှောက်နိုင်စွမ်းမရှိရင် စက္ကူစုတ်တရွက် ထက် မပိုပါဘူး။

တော်လှန်ရေး အလံကို မြင့်မြင့်မားမားလွှင့်ထူကြ။

ဖိနှိပ်မှုတိုင်းကို ဆန့်ကျင်ကြ။

ပြည်သူတွေ အောင်ပွဲဆင်ရမယ်။

ဦးအေးဆောင်

၂၅ ဖေဖ၀ါရီ ၂၀၁၇။