လက်နက်ကိုင်အင်အားစုတွေ သတိရဖို့လိုပြီ

ဦးနုနဲ့ လက်ဆွဲနုတ်ဆက်ပြီး ပြန်လာတဲ့ လူတွေကို သခင်ဖေဌေးက “သွေးစွန်းတဲ့ လက်နဲ့ နုတ်ဆက်လာတဲ့ ကောင်တွေ ရုံးမလာနဲ့” လို့ ပြောဘူးကြောင်း တခါတုန်းက ဖတ်ဖူးတယ်။ အခုတော့ တော်လှန်ရေး ဆိုတဲ့ လူတွေက လူပရိဿတ် ဗိုလ်ပုံအလည်မှာ လူထုရော သူတို့ကိုပါ အမျိုးမျိုး ဖိနှိပ်ချိုးနှိမ် နေတဲ့ စစ်အာဏာရှင် ကြံ့ ဖွတ် ဗိုလ်ချုပ် အဟောင်း အသစ်တွေနဲ့ မီးရောင် ပြောင်ပြောင်အောက်မှာ ကိုယ်ကျင့်သိက္ခာနဲ့ နိုင်ငံ ရေးသိက္ခါ မဲ့စွာ ရိုကြိုးဂုဏ်ပြု နုတ်ဆက်နေတာဟာ တော်လှန်ရေး သိက္ခာသာမက မြန်မာပြည် သူများအတွက် ဆိုးဝါးတဲ့ နိမိတ်ဖြစ်ခဲ့ပြီ။

ဒီအချိန်မှာ လယ်သမားဘ၀တွေကို ပျက်စေတဲ့မြေသိမ်းမှုတွေရှိနေတယ်၊ တပ်ပေါင်းစုကို အမြှောက်နဲ့ ပစ်ခဲ့ တယ်။ လက်ပန်းတောင်းမှာ သတ်ပြနေတဲ့ အချိန်မှာ သတ်သူတို့နဲ့ ဖတ်လဲတခင်း လုပ်ပြတဲ့ ဒီလိုပြကွင်းမျိုးကို ပြရက်တဲ့ခေါင်းဆောင်ဆိုသူတွေဟာကမ္ဘာမှာစံရှားတဲ့ဖေါက်ပြန်ရေးသမားတွေသာဖြစ်တာသေချာနေတော့တယ်။ တော် လှန်ရေးဟာ သူတို့နဲ့ မဆိုင်တော့တာလည်း ရှင်းနေတော့တယ်။ တော်လှန်ရေးသမားတွေက သူတို့ နဲ့ ခြားနာဖို့လိုနေပြီ။

၈၈ အတွေ့အကြုံအရ ပြည်တွင်းက မြို့ကြီးတွေမှာ ဖြူစိမ်းတွေ၊ အလုပ်သမား၊ လယ်သမား ဆင်းရဲသား စစ်သားတွေ ဆန္ဒပြနေတဲ့ အချိန်မှာ မာနပလော တောထဲကရှိတဲ့ လက်နက်ကိုင် တိုင်းရင်းသားတပ်ပေါင်းစု မဒတ ( အမျိုးသားဒီမိုက ရေစီတပ်ပေါင်းစု)က ဘယ်လို အမြင်ရှိကြလဲ ဆိုတော့ “သူတို့သာ ပြည်တွင်းထဲ ၀င် ကူ လိုက်လို့ရှိရင် ဆန္ဒပြ သူတွေကို ရန်သူက ပစ်သဆ်ဖို့ အကြောင်းပြကောင်းသွားလိမ့်မယ်။” ဆိုပြီး မကူခဲ့ကြဘူးတဲ့။ ဒီတော့ သိတဲ့ အတိုင်း လမ်းတွေပေါ်၊ ထောင်တွေထဲ၊ တောထဲ သေခဲ့ကြတာသောက် သောက်လဲဘဲ၊ ဗမာ တွေသေတာသေပါစေလို့ ယူဆချင်ကြသေးလား။ ဒီလို အမြင် တွေဟာဖိနှိပ်ခံ ပြည်သူလူထုကို ကယ်တင် ရာမရောက်ဘဲ ရန်သူရဲ့ ဖိနှိပ် သတ်ဖြတ်မှုကို တဖက်တလမ်းက အားပေး နေခဲ့တာပါ။ ရန်သူက သူပြချင်တဲ့ အကြောင်းတွေ ပြနေမှာပါဘဲ။ တာဝန်မဲ့သူတွေကသာ တာဝန်ကို ရှောင်ဖို့ သူတို့ဘာသာ ကြောင်းပြခဲ့ကြတာဖြစ်တယ်။ လက်သဲဆိပ်ရင်လက်ထိပ်နာရမှာပါ။အဖိနှိပ်ခံလူတန်းစား အမြင် ခေါင်းပါးပါတယ်။အခုလည်းဒီလို တာဝန်မဲ့ မှုတွေကို ထပ်လုပ်ဖို့ ဖေါက်ပြန်ရေးသမားတွေက တော်လှန်ရေး အရည်ခြုံ လုပ်စားဖို့ ခွင်ဖန်နေကြတာ မမြင် ချင်တဆုံး ဖြစ်နေပြီ။

၈၈အရေးတော်ပုံကနေ တော်လှန်ရေး လုပ်ဖို့ ထွက်လာတဲ့လူတွေကို ခွန်ဇာအဖွဲ့ “ ဗမာအချင်းချင်းဖြစ်တာ - ဘာမှ လုပ်စရာမလိုဘူး။ ပြန်ခိုင်းလိုက်” လို့ သဘောထားပေးတာလည်းကြားဖူးတယ်။ တခြားလူမျိုးရေး အခြေခံ အဖွဲ့တွေကလည်း သူတို့ လူမျိုးတွေကိုသာ လက်ခံပြီး တခြားလူတွေကို ဥပက္ခါပြုတာလည်းကြားရတယ်။မြန် မာပြည်က လက်နက်ကိုင်အင်အားစုတွေ ဘယ်လောက် နိုင်ငံရေး မရှိဘဲ။ ဘယ်လောက်အထိ လူမျိုးရေးနဲ့ အမြင်ကျဉ်းခဲ့ကြသလဲ၊ အချောင်သမားဘယ်လောက်ဆန်ခဲ့ကြသလဲဆိုတာကို သိစေချင်တာပါ။ ဒီအတွေး အ ခေါ်မျိုး တွေက အခုအထိကျန်နေသေးတာကိုလည်း မြင်စေချင်ပါတယ်။ ပြည်တွင်းက လူထုတွေ လှုပ်ရှားထကြွ အနစ်နာခံ၊ စစ်အာဏာရှင်ကို ဆန့်ကျင် နေချိန်မှာ လက်နက်ကိုင်တော်လှန်ရေးအင်အားစု ဆိုသူတွေက ရန်သူနဲ့ အရက်ခွက်ချင်းခွပ် ဖက်လှဲတ ကင်းဖြစ်နေတာဟာ လူထုလှုပ်ရှားမှုကို သရော်လှောင်ပြောင်နေသလို၊ ဆန့်ကျင်ဖီလာလုပ်နေတာသာဖြစ်ပါတယ်။ ဒါဟာ ဒီခေတ်စကားနဲ့ ဆိုရင် တော် တော်ကြီးတော့လွှဲနေပြီ လို့ ပြောရတော့မယ်။ ဖိနှိပ်ခံ ပြည်သူလူထုကြီးက ဒဏ်ခတ်ဖို့ လို အပ် နေပြီ။တတ်နိုင်တဲ့ ဘက်က ၀ိုင်းပယ်ရမယ်။ သူတို့အပြုအမူကို ဆန့်ကျင်ကြောင်း ပြသရတော့မယ်။

ကျွန်တော်တို့ သိထားရမှာတော့ တော်လှန်ရေး ဆိုတာ တော်လှန်သူတွေ အတွက်သာဖြစ်တယ်။ ဖေါက်ပြန် သူတွေအတွက် မဟုတ်သလို တော်လှန်ရေးက ဖေါက်ပြန်သူတွေကို ကြိတ်ဝါးသွားမှာပါဘဲ။ ဖေါက်ပြန်ခဲ့ တရားတွေအရ၊ မမှန်ကန်တဲ့ အချောင်သမား အတွေးအခေါ် တွေအရ၊ ဖိနှိပ်ခံလူတန်းစားချင်းတူတာကို မမြင်ဘဲ ကိုယ့်တွင်းဝလောက်သာမြင်တဲ့ အမြင်းကျဉ်း လူမျိုးရေးကိုယ်ကျိုးရှာသမားအတွေးအခေါ်တွေကြောင့် ၈၈ အရေး တော်ပုံ အပါအ၀င်၊ မာနပလောအပါအ၀င် တပ်ပေါင်းစုတွေ အပါအ၀င် ဘယ်လို ကျဆုံးခဲ့ရတယ် ဆိုတာကို ကောင်းကောင်းသတိ ရကြဖို့ လိုပါတယ်။

ရန်သူစစ်မြေရှင် ပဒေသရာဇ်က လက်နက်ကိုင်အင်အားစုတွေကို နယ်စားပယ်စား လက်အောက်ခံလေးတွေ အဖြစ် မွေးနေ ပါတယ်။ တချို့တွေကို လက်ကြားယို အခွင့်အရေးလောက်နဲ့ တော်လှန်ရေးကနေပင်စင်ယူဖို့ အားပေးနေကြ တယ်။ ရန်သူ့သြဗာခံတွေဟာ နံမည်တွေ၊ စကားလုံးတွေ၊ ဟန်ပန်တွေနဲ့ နိုင်ငံရေးလိုလို၊ တော် လှန်ရေးလိုလို လုပ် နေကြပေမဲ့ ရန်သူ့အားပေး ကိုယ်ကျိုးရှာ၊ လူထုဆန့်ကျင်ရေးသမားတွေချည့် ဖြစ်ကြတယ်။

လူထုတိုက်ပွဲ လက်နက်ကိုင်တိုက်ပွဲ ဆက်စပ်နိုင်ရေး၊အဖိနှိပ်ခံညီညွတ်ရေး၊ ဘုံရန်သူဝိုင်းတိုက်ရေး အမြင် တွေကို ထိပါးနှောက်ယှက်တဲ့ မည်သည့် အတွေးအခေါ်၊ အပြုအမူကိုမဆို ပြတ်ပြတ်သတ်သတ် ဒီအချိန် က ထည်းက ဆန့်ကျင်မှသာ ပေါ်လာဦးမည့် လူထုလှုပ်ရှားကြီးဟာ ၈၈ ကလိုမဟုတ်ဘဲ ပြည့်စုံတဲ့ အောင်ပွဲကို ရနိုင်ပါလိမ့်မယ်။ သစ္စာဖေါက်တွေ၊ဖေါက်ပြန်သူတွေ၊ ဖိနှိပ်သူတွေနဲ့ တွဲက၊ တွဲအိပ်နေသူတွေကို အဖိနှိပ်ခံ ပြည်သူလူထုကြီး တရပ်လုံးက ဒဏ်ခတ်အရေးယူနိုင်ပါလိမ့်မယ်။

အနီးဆုံး ဖေါက်ပြန်သူကိုဖေါ်ထုတ် ဆန့်ကျင်ကြ။

စစ်အာဏာကျဆုံးရမယ်။

တော်လှန်ရေး မုချအောင်ရမယ်။

ဦးအေးဆောင်။

ဇန်န၀ါရီ ၉၊ ၂၀၁၅။