ဒေါ်စု၏ အိပ်ဖွင့်ပေးစာနှင့် ပတ်သက်၍ ကျွန်တော့် အမြင်

ဇူလိုင်လ ၂၈ ရက် နေ့စွဲဖြင့် ဒေါ်စုက ဦးသိန်းစိန်အပါအ၀င် KIO, KNU, NMSP, SSA သို့ ပေးသည့် အိတ်ဖွင့်ပေးစာ သည် “တိုင်းရင်းသား အားလုံး အကျိုးစီးပွါးကို ရှးရှု၍ ” ဟုဆိုထားသော်လည်း တိုင်းရင်းသားများ စုဖွဲ့ထားသည့် NDF,UNFC တို့ကို မျက်ကွယ် ပြုလိုက်သလို၊ လက်နက်ကိုင် အဖွဲ့နှင့် လက်နက်မကိုင်သည့် အဖွဲ့များဖြင့် ဖွဲ့စည်းထားသည့် တပ်ပေါင်းစုကြီးများဖြစ်သော NCUB, DAB နှင့် လက်တွေ့တိုက်ပွဲဝင်နေသော KNPP,DKBA အဖွဲ့တို့ကိုပါ အသိအမှတ်မပြုရာ ကျနေသည်။ တပ်ပေါင်းစုကို ခွဲဖျက်ခြင်း သည် စစ်အာဏာရှင်တို့ တလျှောက်လုံး ကျင်းသုံးခဲ့သည့် ပရိယာယ်ပင်ဖြစ်ရာ ဒေါ်စုအနေဖြင့် ထိုထောင်ချောက်ကို သတိမူမိစေချင်ပါသည်။

ယနေ့ ဖြစ်ပေါ်နေသော ပဋိပက္ခသည် စစ်အာဏာရှင်ဗိုလ်ချုပ်တစုနှင့် သူ့လက်ပါး စေ လက်ဝေခံများက တဖက်၊ စစ်သားများ၊ တိုင်ရင်သားများ လယ်သမားအလုပ်သမားများ၊ အမှုထမ်းအရာထမ်း၊ လက်လုပ်လက်စားများအပါအ၀င် ဧရာမ ပြည်သူလူထုကြီး တဖက် ဖြစ်နေသော ပဋိပက္ခ ဖြစ်သည်။ စစ်အာဏာရှင်တို့က ဖိနှိပ်သူဖြစ်ပြီး ဧရာမ လူထုကြီးက အဖိနှိပ်ခံဖြစ်နေရသည်။ စစ်အာဏာရှင်တို့ ရှိနေသမျှ ငြိမ်းချမ်းရေးသည်၎င်း၊ ဒီမိုကရေစီသော်၎င်း ရှင်သန်နိုင်မည် မဟုတ်သလို ပြည်သူတွေဘ၀ မည်သို့မျှ လုံခြုံမှုနှင့် သာယာ ၀ပျောမှု မရှိနိုင်ပါ။ပြည်သူလူထုနှင့် စစ်အာဏာရှင်တို့သည် အကျိုးစီးပွါးချင်း ဆန့်ကျင် ဘက်ဖြစ်ပါသည်။ ဤသည်မှာ စိတ်စေတနာအရမဟုတ် အကျိုးစီးပွါး ကြောင့်ဖြစ်နေရပါသည်။ ခြင်သည်လူကို ကိုက်မှသာ အသက်ရှင်နိုင်သည့် ပုံမျိုးဖြစ်သည်။ ခြင်ကို ရိုက်သတ်မလား အကိုက်ခံမလားသာရှိသည်။ သွေးတ၀က်ဘဲ စုတ်ပါလို့ ခြင်ကိုပြော မရပါ၊ သူတို့က လူ့သွေးနဲ့ အသက်ရှင်တဲ့ သတ္တ၀ါ ဖြစ်နေလို့ပါ။ ဒီတော့ ကျွန်တော်တို့က ဘက်ရွေးရမှာသာဖြစ်ပါတယ်။ မတရားဖိနှိပ်သူနှင့် တရာသဖြင့်တော်လှန်သူ အဖိနှိပ်ခံ တို့ကို တန်းတူထားသတ်မှတ်ခြင်းသည် တရားမျှတသည်ဟု မဆိုနိုင်ပါ။

တိုင်းပြည်အေးချမ်းသာယာရေးအတွက် တကယ်ဖြေရှင်းလိုသော စေတနာအမှန် ရှိပါက တပြည် လုံး အတိုင်းအတာဆောင်သော အပစ်ရပ်ခြင်း၊ နိုင်ငံရေးအကျဉ်းးသား အား လုံး လွှတ် ပေးခြင်း ပါတီပေါင်းစုံပါဝင်သောကွန်ဖရင့်ခေါ်ယူနိုင်ရေးအတွက် လွတ်ငြိမ်းချမ်းသာခွင့် ပေးခြင်း၊ သတင်းနှင့် စာနယ်ဇင်းလွတ်လပ်ခွင့်ပေးခြင်း၊လွတ်လပ်စွာဆွေးနွေး ညှိနှိုင်းခြင်း၊ ပါတီပေါင်းစုံ ပါဝင်သာ လွတ်လပ်ပွင့်လင်းသည့် ကွန်ဖရင့်မှ တိုင်းပြည်၏အနာ ဂါတ်ကို အများ သဘောနှင့် ပုံဖေါ်ခြင်း တို့ကိုလုပ်ရ ပါလိမ့် မည်။ သို့မှသာတကယ့်ဆွေနွေး အဖြေရှာခြင်းဖြစ်ပါလိမ့်မည်။

ဤသို့သော အချက်အလက်များမရှိဘဲ အာမခံချက်မရှိသည့်အခြေအနေအောက် တွင် စစ်မှန်သော အေးချမ်းသာယာသည့် ဒီမိုကရေစီနိုင်ငံဖြစ်ရန်မှာစိတ်ကူးယဉ်ရာကျပြီး စစ် အာ ဏာရှင်တို့ ၏ လှည့်စားမှုသံသရာတွင် မျိုးဆက်တဆက်ပြီးတဆက် ခံကြရပါလိမ့် မည်။ ပြည်တွင်း စစ်မီးတောက်သည် အကြီးနှင့် အငယ်သာကွာမည် စစ်အာဏာရှင်တို့ ကြီးစိုးနေသ၍ တော်လှန်စစ်ကား ရှိမြဲရှိနေမည်သာ ဖြစ်တော့သည်။

မတရားမှုကိုတွန်းလှန်ခြင်းသည် လူသားတွေရဲ့ သဘာဝဖြစ်ပါသည်။

တော်လှန်စစ်ကို ဆင်နွဲခြင်းဖြင့် မတရားမှုကို တွန်းလှန်ကြ။

လယ်ယာနဲ့ သင့်မြတ်သည့်လုပ်ခလစာသည် ပြည်သူအတွက်ဖြစ်ရမည်။

ဦးအေးဆောင်

၅၊ ၈၊ ၂၀၁၁။

( မှတ်ချက် ဒီစာကို အချိန်မှီ ရေးခဲ့ပေမဲ့ အောကာင်းအမျိုးမျိုးကြောင့် အခုမှ ထုတ်လိုက်ရပါတယ်။)