ဇူလိုင် ၁၅ ရက်နေ့ ကေအိုင်အေ ဗဟိုကော်မီတီညောချက်မှာ က
ခိုင်လုံသော သက်သေ၊ ခိုင်မာသော ကတိက၀တ်များဖြင့် အပစ်ရပ်ဆိုင်းရန် လိုလားပါသည်။ လို့ဆို ထားတော့ သဘောထားမတူတာကိုတွေ့နိုင်တယ်။ ကတိက၀တ်နဲ့ စာချုပ်စာတမ်းတွေအပေါ် လူတွေယုံကြည်တာကို ဂုဏ်သရေရှိတဲ့ သိက္ခာရှိတဲ့ လူတွေလုပ်ပါက ဘာမှ ပြောစရာမလိုပေမဲ့ ဖွဲ့စည်းပုံ ဥပဒေကို ဖျက် အာဏာသိမ်း၊ လာခဲ့တဲ့ စစ်ဗိုလ်ချုပ်တွေဟာ တရားဥပဒေမဲ့ ထင်ရာစိုင်း၊အခုစာ ကလေးကြော်၊ ခုဆီထမင်း ပြောင်း၊သူ တို့အာဏာနဲ့ ဥစ္စာအတွက်ကိုသာ မျက်စိစုံမှိတ် မိုက်မိုက်ရိုင်းရိုင်း လုပ်နေတဲ့ အချိန်မှာ သူတို့ရဲ့ကတိက ၀တ်ကို အတည်ယူရင်တော့ ထိုင်းက တက်ဆင် သန်း ၄၀၀ အလိမ်ခံရတာထက် ပိုဆိုးစရာရှိတော့တယ်။ ခိုင်မာတဲ့ ကတိကို သူတပါးထံမှာ ရှာတာထက် ကိုယ်တိုင် ထိန်းသိမ်း ကာကွယ်နိုင်တဲ့ အခြေအနေက ပိုမိုစိတ်ချရတာကို သမိုင်းဖြစ်စဉ်တွေကို သတိထားမိရင် သိလာနိုင်ပါတယ်။
အဲဒီကျေညာချက်မှာဘဲ - “တစ်နိုင်ငံလုံး အပစ်ရပ်ဆိုင်းကာ နိုင်ငံရေးဆွေးနွေးမှုများ ပြုလုပ်ရန် လိုလားပါ သည်။” လို့ဆိုထားတာက တစ်ပြည်လုံးအတိုင်းအတာအမြင်ကို ကေအိုင်အိုမှာရှိနေတာကို သိရတော့ ကျွန်တော်တို့ ကချင်မဟုတ်တဲ့ ပြည်သူတွေက ကေအိုင်အိုဗဟိုကို လေးစားဂုဏ်ပြုရမှာဘဲ။ ဒီအမြင်ကို ဘယ်လောက်အထိ အခိုင်အမာ ရပ်တည်ဖေါ်ဆောင်တယ်ဆိုတာကိုတော့ ရုပ်ရှင်ကြော်ငြာ မှာလို ငွေရောင်ပိတ်ကားပေါ် မှာ ဆက်လက်ရှုစားကြရမှာပါ။
ကြေငြာချက်ထဲက နောက်တချက်က “နိုင်ငံသားတိုင်း၏ ရပိုင်ခွင့်များရရှိနိုင်ရန်အတွက် နိုင်ငံသားများ အားလုံး ပါဝင်ရမည်ဖြစ်သောကြောင့် KIO ၏ နှိုးဆော်တိုက်တွန်းမှုတွင် ပါဝင်ဆောင်ရွက်ကြရန်လို အပ်ပါသည်။” ဆိုထားလို့ ကျွန်တော်တို့ အားလုံး ပါဝင်ဆောင်ရွက် ကြဖို့ တိုက်တွန်းထားတာကို အလေးအနက် ထားသင့်ပါတယ်။ ယနေ့ဖြစ်နေတဲ့ တိုက်ပွဲတွေဟာ စစ်အာဏာရှင်ဆန့်ကျင်ရေး၊ ဒီမိုကရေစီ ရေး၊ လူ့အခွင့် အရေးတွေ အတွက်ဖြစ်တာကြောင့် လူမျိုးနဲ့ နယ်နိမိတ်ကို ကျော်လွန်ပြီး စစ်အာဏာရှင် စံနစ်ဆိုးအောက် က တတိုင်းပြည်လုံး လွတ်မြောက်အောင်ရည်ရွယ်တဲ့ မြင့်မားပြီးမွန်မြတ်တဲ့ ရည်မှန်းချက် ဖြစ်တာကြောင့် အဖိနှိပ်ခံကျွန်တော်တို့ အားလုံး ကျရာခွင်က ပါဝင်လှုပ်ရှားသင့်ပါတယ်။
ကေအိုင်အိုရဲ့ သဘောထားနဲ့ ပတ်သက်လို့ “နိုင်ငံရေး ပြဿနာများအားနိုင်ငံရေးနည်း လမ်းဖြစ်သော တွေ့ဆုံဆွေနွေးခြင်းဖြင့် ဖြေရှင်းလိုသော ဆန္ဒရှိပါသည်။” လို့ ဖေါ်ပြထားလို့ တွေ့ဆုံဆွေးနွေး လိုတာ ထင်ရှားပါတယ်။ “ဆွေနွေး” နဲ့ ပတ်သက်လို့ သန်းရွှေအုပ်စုရဲ့ သဘောထားက အနှစ်နှစ်ဆယ်လောက် ဒေါ်စုနဲ့ တွေ့ပုံတွေ၊ နောက်ဆုံး ဒီပယင်းအဖြစ်တွေ။ ၁၆ နှစ်ကြာ အပစ်ရပ်ကာလနဲ့ နောက်ဆုံး နယ်ခြားစောင့်တပ် လုပ်ခိုင်းတာတွေကို ပြန်ကြည့်ရင် သိသာပါတယ်။ ခိုင်မာ တဲ့ ဆွေးနွေးပွဲဟာ ကြံ့ဖွတ် တပ်တွေ ပြန်ဆုတ်ရေးကဘဲ စနိုင်မှာပါ။ ဒါမှမဟုတ်ရင်တော့ နိုင်ငံရေးအရ အဖြေရှာရေးဆိုတဲ့ စကားလုံးနဲ့ ကစားနေကြယုံပါဘဲ။
တကယ်တော့ စစ်အာဏာရှင်တွေက နိုင်ငံရေးနည်း၊ စေ့စပ်နည်းနဲ့ မဖြေရှင်းချင်လို့ ဆွေးနွေးရေး ကို နှစ်ပေါင်းများစွာ ပတ်ရှောင်နေပြီး အကြိမ်ပေါင်းများစွာ သတ်ပြခဲ့ပြီးပါပြီ။ အပစ်ရပ်တဲ့ လုပ်ရပ်ကလည်း သူတို့ နည်းပရိယာယ် ကျင့်သုံးတာပါ။ သူတို့ အမိန့်ကို အာခံသူ အားလုံးကို ချေမှုန်းရေးဟာ သူတို့ရည် မှန်းချက်ပါ၊ ငြိမ်းချမ်းရေး တို့ ၊ဒီမိုကရေစီတို့တို့ဆိုတာ သူတို့ သိတဲ့စကားလုံး မဟုတ်ပါဘူး။ ဒီအကြောင်း တွေပြောနေရင် နွားချိုမှာ နို့ညှစ်သလိုသာရှိတော့မယ်။ စစ်အာဏာရှင်တွေဟာ သူတို့အလုပ် ဖြစ်တဲ့ ဖိနှိပ်သွေးစုတ်တဲ့အလုပ်ကို ဆက်လုပ်နေမှာပါ။ ကျွန်တော်တို့ ကလည်း ကျွန်တော်တို့အလုပ်ဖြစ်တဲ့ စစ်အာ ဏာရှင် စံနစ်အမြစ်ဖြုတ်တိုက်ဖျက် ရေးအလုပ်ကို မမှိတ်မသုန် မြဲမြဲမြန်မြန် ပီပီပြင်ပြင် လုပ်ဖို့လိုပါ တယ်။ ပြည်သူတွေဟာအနန္ဒတန်ခိုးရှင်တွေပါ။ ကြံ့ဖွတ် စစ်အာဏာရှင်တွေဟာ အရူးမီးဝိုင်းဖြစ်နေပါတယ်။
ယနေ့လို ကချင်ပြည်နယ်၊ရှမ်းပြည်နယ်၊ ကရင် ပြည်နယ်၊ ကရင်နီပြည်နယ်တွေမှာ တိုက်ပွဲသံတွေ ညံနေပြီး ဒုက္ခ သုက္ခတွေ၊ သွေးသံရဲရဲတွေကြားထဲက ရန်သူစစ်အာဏာရှင်ကို မစေ့စပ်စတမ်း တိုက်ခိုက်ဖို့ စိတ်ထက် သန်လှတဲ့ ကချင်ပြည်သူတွေရဲ့ အသံဟာ စစ်အာဏာရှင်ဆန့်ကျင်ရေး၊ ဒီမိုကရေစီတော်လှန်ရေး ခရီးကြမ်းမှာ အမြဲတမ်း မြည်ဟီးနေပါလိမ့်မယ်။
ကချင်ပြည်သူများကိုလေးစားလျှက်
ဦးအေးဆောင်
ဇူလိုင် ၂၁၊၂၀၀၁။
0 comments:
Post a Comment