လတ်တလော နိုင်ငံရေး အခြေအနေနှင့် ပတ်သက်၍ သဘောထားထုတ်ပြန်ချက်။

သြဂုတ်လ ၂၀၊ ၂၀၁၅။

ဗိုလ်ရွှေမန်းကို ကြံ့ဖွတ်ပါတီ ဥက္ကဌ အဖြစ်က ဖြုတ်လိုက်ခြင်းမှာ စစ်တပ်က အာဏာ ပိုထိန်း ချုပ်လိုက်ခြင်း ပင်ဖြစ်သည်။ထိုလုပ်ရပ်၏ အဓိပ္ပါယ်မှာ ဟန်ပြ ဒီမိုကရေစီမှ လှံပြ ဒီမိုကရေစီသို့ ဦးတည် သွားပေတော့မည်။

ရွေးကောက်ပွဲမိုင်းလုံးကို သုံးခါ ရှစ်လေးလုံးအင်အားစုကို ဖြိုခွဲလိုက်ပြီးနောက် လက်ထဲ၌ အာဏာ မြဲပုံ ပေါက်သော အခါ ၉၀ ခုရွေးကောက်ပွဲရလာဒ်ကို စစ်အာဏာရှင်တို့က ဆပ်ပြာဗူ ပေါင်း အဖြစ်သို့ ရောက်စေခဲ့သည်။ ထင်ရာလုပ်တတ်သော စစ်အာဏာရှင်တို့၏ လက်ထဲတွင် နောက်လုပ်မည့်ရွေးကောက်ပွဲရလာဒ်မှာလည်း ဘယ်သူမှ အာမမခံနိုင်ပေ။

အခုမူ သူတို့ စိတ်ကြိုက် ရေးဆွဲထားသော ၂၀၀၈ ခြေဥ ကို အကာအကွယ်ယူပြီး စစ် အာဏာဖြင့် မြေယာသိမ်းခြင်း၊ သဘာဝသယံဇာတများကို လက်ဝါးကြီးအုပ်အမြတ်ထုတ်ခြင်း၊ အလုပ်သမား၊ လယ် သမား၊ ကျောင်းသား ၊ သံဃာ၊ မီဒီယာတို့ကို ဖိနှိပ်ခြင်းနှင့် ဘာသာရေး ပဋိ ပက္ခများကို ဖန်တီးခြင်းတို့ကြောင့် ပြည်သူလူထု အပေါင်းတို့မှာ ဆင်းရဲမွဲတေသည့် အပြင် ဘ၀ မလုံခြုံ မှု တို့ ကိုပါ ထပ်ဆင့်ခံရနေရတော့သည်။

ကြံ့ဖွတ် စစ်ပဒေသရာဇ် အာဏာရှင် တို့သည် သူတို့အကျိုးကိုအကာအကွယ်ပေးသည့် စစ်ဘုရင် လေး များကို လက်ကြားယို အခွင့်အရေးလေးများပေး၍မွေးမြူခါ ဒီမိုကရေစီဆန့်ကျင်ရေး ၊ လူထုဆန့်ကျင်ရေးလုပ်ရပ်တို့ကို လူမိုက်မွေးလျှက် တိုးချဲ့ လုပ် ဆောင်လျှက်ရှိပေသည်။

တကယ့်လက်တွေ့ တွင် လက်နက်ကိုင်တိုက်ပွဲ၊ နိုင်ငံရေးတိုက်ပွဲ၊ စီးးပွါးရေးတိုက်ပွဲ၊လူမှုရေး တိုက်ပွဲများ တိုင်းပြည်၏နေရာတကာတွင် ပေါ်ပေါက်နေလျှက်ရှိသည်။ ထိုတိုက်ပွဲတို့ အပေါ် ကြံ့ဖွတ်စစ်အာဏာရှင်တို့ အနေဖြင့် ကောင်းမွန်သော စိတ်ထားများပြသခဲ့ခြင်း မရှိသည့် အပြင် အာဏာရှင် ပီပီ ပစ်ခတ်တိုက်ခိုက်မှုများ၊ဖိနှိပ်ရက်စက်မှုတို့ ဖြင့်သာ ဖြေရှင်းခဲ့သည့်ကို လူထု အားလုံးသိရှိကြပြီးဖြစ်ပါသည်။

ဤမျှ ဖိနှိပ်မှု ပြင်းထန်နေချိန်တွင် အပစ်ရပ်ရေး စာချုပ် ဆိုသည်မှာ ဖိနှိပ်မှုဖြင့် ကောင်း စားနေသည့် လူတစုမှလွှဲ၍ မည်သူမျှ ယုံကြည်နိုင်ဖွယ်မရှိပါ။ ဖိနှိပ်မှုများရှိနေသ၍ တော် လှန် တိုက်ပွဲဝင်သူများ ရှိနေဦးမည်သာဖြစ်ပေသည်။ထိုကြောင့် ကြံ့ဖွတ်စစ်အာဏာရှင်တို့၏ စာချုပ် တို့မှာ နိုင်ငံတကာကို၊ ပြည်တွင်းရှိလူထုကို လှည့်စားယုံမျှသာ ဖြစ်ပါလိမ့်မည်။ တပြည်လုံး အပစ်ရပ်ရေး စာချုပ် ဆိုသည်မှာ ကမ္ဘာ့ အလည်တွင် သိန်းစိန် အစိုးရ မျက်နှာကောင်း ရ ရန် အတွက် လုပ်ဆောင်ချက် မျှသာဖြစ်သည်။ လက်နက်ကိုင်အင်အားစုကို ကျုံးသွင်းခြင်းသာဖြစ် သည်။တခြား အနှစ်သာရမရှိနိုင်။

ပြည်သူလူထုမှာ ရှေ့ရေးကို မျှော်ကြည့်ပါက အန္တရာယ်များပြီး မှောင်အတိပိတ်ဖုံးနေသည့် မျှော် လင့်ချက်မဲ့ ဘ၀ကိုသာ ဖြစ်လာစရာရှိနေတော့သည်။ ထိုအဖြစ်ကို ပြောင်းလဲရန်မှာ တော်လှန် တိုက်ပွဲ ၀င်ရန်သာ ရှိတော့သည်။

ကျွန်ုပ်တို့ ပြည်သူ့လွတ်မြောက်ရေးတပ်ဦး အနေနှင့် ပြည်သူထု၏ အခြေခံလိုအပ်ချက်ဖြစ်သည့် စားရေး၊၀တ်ရေး၊ နေရေး အတွက် လိုအပ်ချက်တို့ကို ရရှိနိုင်ရန် ဦးတည်၍ ဦးလည်အသုန် ဆောက်ရွက်သွားမည်။

ထိုသို့ ရရှိရေးအတွက် စစ်အာဏာရှင်၊ နှင့်သူ့ လက်ပါးစေလက်ဝေခံတိုကို ဆန့်ကျင်တိုက် ဖျက်သွားမည်။ အမျိုးသား ဓနရှင်များ၏ စီးပွါးရေး ဖွံ့ဖြိုးမှုကိုအားပေးမည်။ ပုဂ္ဂလိက ပိုင်ဆိုင်မှု၊ မြေယာပိုင်ဆိုင်မှုအတွက် ဖေါ်ထုတ်တိုက်ပွဲဝင်သွားမည်။ လွတ်လပ်သည့်ဒီမိုကရေစီပညာရေးစံနစ် ကို ကျင့်သုံးမည်။ လွတ်လပ်စွာ စုဝေးခွင့်၊ ဖွဲ့စည်းခွင့် ၊ ဆန္ဒထုတ်ဖေါ်ခွင့်နှင့် ပီပြင်သော ပါတီစုံစံနစ်ကို ကျင့်သုံးသွားမည်။လူ့ အခွင့်အရေး အပြည့်အ၀ ရရှိစေရမည်။ သတင်းမီဒီယာ လွတ်လပ်ခွင့်ကို နိုင်ငံတကာကဲ့သို့ ခံစားနိုင်စေရမည်။

ဤသို့သောရည်မှန်းချက်ကို အောင်မြင်စေရန် လူထုတိုက်ပွဲ ၊ လက်နက်ကိုင်တိုက်ပွဲ နည်းနာကို ကျင့်သုံးလျှက် ပါတီစုံပါဝင်သော ပါတီပေါင်းစုံကွန်ဖရင့်ဖြင့် တိုင်းပြည်၏ ကံကြမ္မာကို လူထုကိုယ် တိုင် ပါဝင် ဆောင်ရွက် နိုင်ရန် ကြိုးပမ်းလုပ်ဆောင်သွားမည်။

စစ်အာဏာရှင်ကို ၀ိုင်းတိုက်ကြ။

ဒီမိုကရေစီ မုချရရမည်။

ဦးစီးကော်မီတီ

ပြည်သူ့လွတ်မြောက်ရေးတပ်ဦး။