နံပါတ် ၂ ရန်သူ - သွေးစုတ် တရုတ် အစိုးရ
နိုင်ငံပေါင်း ၃၅ နိုင်ငံမှ ထိပ်ပိုင်းခေါင်းဆောင်များ တက်ရောက်သော စင်ကာပူနိုင်ငံတွင် ကျင်းပသည့် လန်ဒန်အခြေစိုက် နိုင်ငံတကာ မဟာဗျူဟာ လေ့လာရေးအဖွဲ့ အစည်း အဝေးကို ဇွန် ၃ မှ ၇ ရက်နေ့ တွင်ပြုလုပ်ရာ တရုတ်ကာကွယ်ရေးဝန်ကြီး လျန်းကွမ်းလီ တက်ရောက် ခဲ့သည်။ သူ၏ပြောဆိုရှင်းလင်းချက်များသည် ဒေသအတွင်း တည်ငြိမ်မှုကို ထိပါးစေကြောင်း သိရှိလာရသည်။ဗီယက်နမ်ကဲ့သို့သော နိုင်ငံသည်ပင် တရုတ်အန္တရာယ် ကြောင့် အမေရိကန်ဘက် ယိမ်းနေရတော့သည်။
တရုတ်တို့၏ ခြေလှမ်းတို့မှာ ဒေသတွင်း သြဇာချဲ့ထွင်ရာတွင် စီးပွါးရေးကို နောက်ခံ ပြုပြီး စစ်ရေးနဲ့ ထိန်းချုပ်ရန် ရေနက်ဆိပ်ကမ်းများကို မြန်မာပြည်၊ သီရိလင်္ကာ၊ ပါကစ္စတန် တို့တွင် တည်ဆောက်လာမှုကပေါ်လွင် လာသည်။
တရုတ်၏ဗျူဟာအောက်တွင် မြန်မာပြည်သည် အသုံးချခံအဖြစ် လုံးလုံးကျရောက်သွား တော့မည်။မြန်မာပြည်စစ်အာဏာရှင်ဗိုလ်ချုပ်တို့သည် ပြည်တွင်းရှိ ပြည်သူများ၏ထောက်ခံမှုကို မရရှိသဖြင့် နိုင်ငံခြားကရသည့် ငွေနှင့် လက်နက်တို့ကို အားကိုကာ ဖိနှိပ်အုပ်စိုး နေကြရရာ သွေးစုတ် အမြတ်ထုတ်လိုသော တရုတ်တို့ အကြိုက် ဖြစ်စေခဲ့ရသည်။ နအဖ စစ်အာဏာ ရှင်နဲ့ တရုတ်အစိုးရ တို့ ပူပေါင်းလျှက် မြန်မာပြည်သူများကို ထင်သလို သွေးစုတ် ချယ်လှယ်နေကြတော့သည်။တရုတ်အစိုးရသည် မြန်မာ စစ်အာဏာရှင် စစ်ဗိုလ် တို့ကို မွေးစားလာခဲ့ကြသည်။
မြန်မာပြည်၏အခြေအနေသည် တရုတ်၏သြဇာမည်မျှ သက်ရောက်သေသည်ကို “ မန္တလေးဟာ တရုတ်မြို့ ဖြစ်ပြီ” “ တရုတ်တွေ မှတ်ပုံတင်ရလွယ်တယ်” “စစ်လက်နက်တွေ တရုတ်နယ်စပ်က ၀င်လာတယ်” “ တရုတ်ရေတပ်သင်္ဘော သီလ၀ ဆိပ်မှာ လာဆိုက် တယ်” “သိန်းစိန်နဲ့တရုတ်တို့ သဘောတူဘီချက်တွေ လက်မှတ်ထိုးတယ်။ ငွေတွေရ တယ်” စတာတွေသည် သိသာသော အချက်များ ဖြစ်ပါတည်။
၁၉၈၉ ဗကပ ပြိုကွဲပြီးနောက် တရုတ်ရဲ့ မူဝါဒဟာ မြန်မာပြည်ပေါ်မှာ လုံးဝသွေးစုတ်ရေး သက်သက်သာဖြစ်ခဲ့တော့သည်။ ဤသည်မှာ တင်ရှောက်ပင်၏ “အမျိုးသားအကျိုးစီးပွါး” ခေါ် ကိုယ်ကျိုးကြည့်ဝါဒရဲ့ အကျိုးဆက်တွေသာဖြစ်ပါသည်။ ကွန်မြူနစ်တို့၏ နိုင်ငံတ ကာစိတ်ဓါတ်၊ နိုင်ငံတကာ အလုပ်သမားများ ညီညွတ်ရေ စိတ်ဓါတ်၊အဖိနှိပ်ခံညီညွတ်ရေး စိတ်ဓါတ် မထားတော့ဘဲ သွေးစုတ်အမြတ်ထုတ်ရေး သက်သက် ဖြစ်သောအရင်းရှင် အယူဝါဒ လုပ်နည်းလုပ်ဟန်များသာဖြစ်ပါသည်။ အလံနီ ကို ဝှေ့ယမ်းနေတိုင်းလည်း ကွန် မြူနစ် မဖြစ်နိုင်ပါ။
ဖိနှိပ်ရက်စက်မှုကြောင့် နိုင်ငံတကာ၌ နံမည်ဆိုးနှင့်အပုတ် နံ့ တထောင်းထောင်း ထွက် နေသော သန်းရွှေ သိန်းစိန် စစ်အာဏာရှင်တို့ကို ယနေ့တရုတ်ပြည်အစိုးရသည် ဖိနှိပ်ခံ ပြည်သူများမျက်နှာကိုမကြည့် ကိုယ်ကျိုးစီပွါး တခုတည်းဖြင့် ပူးပေါင်း သွေးစုတ်ခြင်းသည် ကွန်မြူ နစ် ကျင့်ဝတ်သိက္ခါနှင့် လုံးဝ လွဲချော်နေပါသည်။
စစ်အာဏာရှင် နအဖကို စီးပွါးရေးပိတ်ဆို့ထားရန် ပြည်သူများကကြိုးပမ်းနေခဲ့သော်လည်း တရုတ် အစိုးရသည် “ဆွေမျိုးဖေါက်ဖေါ်” ဆိုပြီး စစ်အာဏာရှင်တို့ကို မျက်စေ့စုံမှိတ် အားပေး နေခဲ့သည်သာ ဖြစ်ပါသည်။
လူထုအစိုးရလည်းမဟုတ်။ ဒီမိုကရေစီ အရရွေးကောက်သော အစိုးရလည်း မဟုတ် ၊ တိုင်းရင်း သား စည်းလုံးရေးလည်း မလုပ်နိုင်သော မြန်မာစစ်အာဏာရှင်ဗိုလ် ချုပ်တို့ ကြောင့် မြန်မာ ပြည် သည် တရုတ်ကိုလိုနီဘ၀သို့ ကျရောက်တော့မည်ကို တားဆီးကြရ တော့မည်။ ထိုသို့ တား ဆီးရာတွင် စစ်အာဧာရှင်စံနစ် တိုက်ဖျက်ရေး။ ဒီမိုကရေစီ လူထု အစိုးရ ထူထောင်ရေးကို မဖြစ်မနေ အမြန်ဆုံးဖေါ်ဆောင်ရန်လိုအပ်လှသည်။
မတရား သေးစုတ်ဖိနှိပ်မှုကို တွန်းလှန်သည်မှာ လူသားတို့၏ သမိုင်းပင်ဖြစ်ပေရာ မြန်မာ ပြည်ရှိ ပြည်သူများသည်လည်း ငုံ့ခံတတ်သူများမဟုတ်ကြသောကြောင့် ဖိနှိပ်မှုချုပ်ချယ်မှု တို့ကို တတ်နိုင်သမျှ နည်းပေါင်းစုံဖြင့် တိုက်ဖျက်ကြရမည်မှာ ယုံမှားသံသယဖြစ်စရာ မရှိပေ။
သင်္ကန်းအရည်ခြုံထားသော သောနုတ္ထိုရ် တရုတ်အစိုးရကို၎င်း၊ အမျိုးသားရေးလည်းမရှိ၊ လူထုအကျိူး လည်း မကြည့်သည့်နိုင့်ငံ့ ဦးရှောင်အမည်ခံ စစ်အာဏာရှင် တို့ကို ၎င်း၊ တရုတ် ဖိနှိပ်ခံ ပြည် သူများအပါအ၀င် နိုင်ငံတကာ ပြည်သူများနှင့် လက်တွဲ၍ ဆန့်ကျင် တိုက်ပွဲ ၀င်သင့် ပါ ကြောင်း တိုက်တွန်းနိုးဆော်အပ်ပါသည်။
အဖိနှိပ်ခံတို့ ညီညွတ်ကြ။
စစ်အာဏာရှင်နဲ့ အပေါင်းပါတို့ကို ဆန့်ကျင်ကြ။
ဒီမိုကရေစီနဲ့ လွတ်လပ်မှုကို မုချရရမည်။
ဦးအေးဆောင်
ဇွန် ၉ ။ ၂၀၁၀။
0 comments:
Post a Comment