မတရားမှုကို ဆန့်ကျင်လိုပါက တော်လှန်ရေးလုပ်ပါ၊
နအဖစစ်အာဏာရှင်တွေက နိုင်ငံအတွက် လုပ်ကိုင်လိုကြသူတွေကို သူ့ရဲ့လက်ပါး စေ လက်ကိုင်ဒုတ်တွေကဆင့် မသမာတဲ့နည်းတွေနဲ့ ရိုက်ပုတ်ထုနှက်နေတယ်၊ နှိပ်စက် အနိုင်ကျင့်နေတယ်၊ အရိုက်ခံရသူတွေကို ထပ်ထောင်ချ ဖိနှိပ်ပြန်တယ်၊ တချို့လူတွေကို မတရားတဲ့ ပုဒ်မတွေတပပြီး ဖမ်းဆီးထောင်ချနေတယ်၊ ထောင်ထဲမှာသေဆုံး ကြရတယ်၊ တချို့ပေါ်တာဘ၀နဲ့အသက်ဆုံးရတယ်၊
ဒါတင်မကနိုင်ငံရေးနဲ့ပတ်သက်တဲ့လူတွေရဲ့ဆွေရိပ်မျိုးရိပ်မကင်းသူတွေကိုပါလိုက်လံဖိနှိပ်အကြပ်ကိုင်နေတယ်၊ဘ၀တွေပျက်ပြီးရင်းပျက်နေရ တော့ တယ်၊ဒါတွေ ဟာအာဏာရှင်စံနစ်ရဲ့နေ့စဉ်လုပ်နေကျဖိနှိပ်ရေးယန္ဒယားရဲ့ ရလာဒ် တွေချည့်ပါဘဲ၊
ပြည်သူတွေဘက်မှာ ဥပဒေမရှိ။တရားရုံးမရှိ။ရဲမရှိ။ စစ်တပ်မရှိဖြစ်နေပြီ၊
နအဖလက်ထဲမှာ အာဏာရှိနေသရွေ့ ဒီဒုက္ခကို ပြည်သူတွေလှိမ့်ခံနေရပါလိမ့်မယ်၊
နအဖပြုတ်မှသာကျွန်တော်တို့ပြည်သူတွေဘ၀ဟာသက်သာစရာရှိမယ်၊နအဖရှိနေသရွေ့  ပြည်သူတွေဘ၀တွေဟာ သမင်မွေးရင်းကျားစားရင်းသာဖြစ်နေလိမ့်မယ်၊စစ်အာဏာရှင်စံ နစ် ရှိနေ သမျှ ပြည်သူတွေ ဘ၀ဟာ သာယာအေး ချမ်းစရာ အကြောင်းမရှိဘူး၊
နအဖစစ်အာဏာရှင်တို့ကြီးစိုးနေသရွေ့ စစ်ဗိုလ်ချုပ်ကြီးတွေနဲ့သူတို့လက်ပါးစေ လက်ဝေခံလက်တဆုတ်စာသာ အခွင့်ထူးခံပြီးကောင်းစားနေလိမ့်မယ်၊ပြည်သူတွေအများ စုမှာထမင်းရည်သောက် ပြီး အိပ်ယာဝင်ရတဲ့ နေ့တွေပို ပိုများလာမှာပါဘဲ၊
စစ်အာဏာရှင်စံနစ်တော်လှန်တိုက်ဖျက်ရေး အလုပ်ဟာဒီနေ့အလိုအပ်ဆုံးအလုပ် ဖြစ်တယ်၊
တခြားအလုပ်တွေဟာ ဆင်ကောင်ကြီးမြင်နေမှ ဆင်ခြေရာ ရှာတဲ့ အလုပ်တွေ ဖြစ်ပြီး ပြည်သူတွေကို လှည့်စားရာ
ကျတယ်။ စစ်အာဏာရှင် နအဖကို သွယ်ဝိုက်အကျိုးပြု နေတာသာဖြစ် နေလိမ့်မယ်၊
တော်လှန်ရေး မလုပ်ဘဲ စစ်အာဏာရှင်ဟာအလိုလိုပျောက်သွားမှာ မဟုတ်သလို ဘ၀ရှင်သန်ရေးနဲ့ အေးချမ်း သာယာရေးဟာ မျှော်လင့်စရာ မရှိ ဖြစ်နေမှာပါဘဲ၊တော်လှန် တိုက်ပွဲဝင်ရင်းသာ မျှော်လင့်ချက် နဲ့နောင်လာ နောက်သားတွေအတွက်ကောင်းမွန်တဲ့ဘ၀ ကို ဖေါ်ဆောင်နိုင်ပါလိမ့်မယ်၊ ငတ်ပြီးသေတာထက် တော်လှန်ရင်း သေတာကမြတ် ပါတယ်၊
ကျွန်တော်တို့ ပြည်သူတွေဟာ ဖိနှိပ်တဲ့ ကိုလိုနီသမားအင်္ဂလိပ်နဲ့ ဖက်ဆစ် ဂျပန်တွေကို တော်လှန်ခဲ့ တဲ့ အစဉ် အလာကြီးတဲ့သူတွေဖြစ်ခဲ့ပြီးဖြစ်ရာ ယနေ့ အဖိနှိပ် ဆုံး။ အရက်စက်ဆုံး။ အကောက်ကျစ်ဆုံး။အယုတ်မာဆုံး နအဖစစ်အာ့ာရှင်တို့ကိုလည်း မတိုက်ဖျက်နိုင်စရာ အကြောင်း မရှိ၊ပြည်သူတွေဟာ ပြတ်သားတဲ့ အမြင်။ ရဲရင့်တဲ့ စိတ် ဓါတ်နဲ့ တိကျတဲ့ နည်းနာတွေနဲ့တော်လှန်တိုက်ပွဲဝင်ပါက နအဖမသာက ဘယ်ဖိနှိပ်သူ ကိုမဆို အနိုင်ယူနိုင် ကြောင်း ရေးသား အပ်ပါ တယ်၊
အယ်ဒီတာ
ဇွန် ၂၀။ ၂၀၀၇၊
0 comments:
Post a Comment