ဒီနေ့နိုင်ငံရေးသည် အင်အားနိုင်ငံရေးဖြစ်သည်

မြန်မာပြည် နိုင်ငံရေးသည် အင်အားနိုင်ငံရေးသာ ဖြစ်သည်။ သို့ဆိုရခြင်းမှာ “မဲ” နိုင်ငံရေး။ “ပါလီမန်” နိုင်ငံရေး “ဥပဒေ” နိုင်ငံ ရေး “အမျိုးသား” နိုင်ငံရေးမဟုတ်ဘဲ၊ “အင်အား” နိုင်ငံရေး အဖြစ်လက်တွေ့ ဘ၀အဖြစ် အပျက်များက ပြဌါန်း လိုက်သောကြောင့်သာ ဖြစ်ပါသည်။ ထိုသို့ ပြဌါန်းသူမှာ တခြားသူများ မဟုတ် စစ်တပ်အင်အားဖြင့် ၆၂ ခုမှစ၍ အရပ်သား အစိုးရ လက်ထဲမှ အာဏာသိမ်းယူခဲ့သော စစ်အာဏာရှင် များသာဖြစ်သည်၊ သူတို့ အင်အားသုံးအနိုင်ကျင့် မှုများက ဤသို့သော အဓ္ဓိပါယ်ကို ထင်ထင်ရှားပြနေသောကြောင့် ဖြစ်သည်။
ဤသို့ ပြသနေသည့်တိုင် တချို့သော သူတို့သည် သူတို့ သန်ရာသန်ရာ ဆွဲ၍ တခြားအကြောင်းအရာ တို့ အပေါ် အာရုံစိုက် စဉ်းစားနေကြပေ သေးသည်။ သူတို့သည် သူတို့ကိုယ်သူတို့ ထူးခြားပြောင်မြောက် သောသူများအဖြစ် ထင်နေကြသလား မပြောတတ်ပေ၊
“အင်အား” နိုင်ငံရေးကို ယခုကြီးစိုးနေသော စစ်အာဏာရှင် သန်းရွှေ အောင်သောင်းဂိုဏ်း ကဖေါ်လှစ်ပြသလိုက် ခြင်း အတွက် ကျွန်ုပ်တို့ဘက်က နိုင်ငံရေးအရမြတ်သည်ကို သူတို့မမြင်ကြပေ။ သူတို့သည် စစ်တပ်သည်သာလောက ၌ အင်အားအကြီးဆုံး ဖြစ်သည်ဟု ထင်နေကြသူများဖြစ်သည်။ ကြွက်တို့သည်ကြောင်ကိုအထင်ကြီး သကဲ့သို့ဖြစ်နေကြသည်။ ပြည်သူသည်နိုင်ငံ၏ ခွန်အားဟု ပြောနေကြသော်လည်း တကယ်ယုံကြည်သူများမဟုတ်ကြပေ။ ထိုကြောင့်ပင် စစ်အာဏာရှင်ကို ရင်ဆိုင်တိုက်ခိုက်ရန် မည်သို့မျှ မတွေးတတ် သူများဖြစ်နေ ကြပေသည်။ အပေးအယူ လုပ်ရန်သာ စိတ်ထက်သန် နေကြပေသည်။ “စေ့စပ်” ပါလို့ ဘုန်းကြီးတွေက ပြောမည်၊ “ဆွေးနွေးရေးလမ်း မှတပါး တခြားမရှိ” ဟု ဓမ္မဆရာက ပြောသည်။ သူတို့သည် တော်လှန်ရေး၏ ပြင်းထန်ရက်စက်မှုကို ခံနေရသည့်တိုင် သူတို့၏ တရားသေ ကျသော သူတော်စဉ် အကျင့်မှ ရုန်းထွက်ရန်ခက်ခဲနေကြသူများဖြစ်ပါသည်။ သူတို့သည် လောကနှင့် နိဗ္ဗာန်ကိုရောထွေး စဉ်းစားနေပုံပေါက်ပေသည်၊ တော်လှန်ရေးသည်ဘုန်းကြီးကျောင်းနှင့်ဘုရာရှိခိုးကျောင်းတို့မှထွက်ပေါ်လာရန် ဖြစ်နိုင် ချေ မရှိပါ၊ ရဟန်းသံဃာများ၊ ဆန္နပြခြင်းကို လမ်းညွှန်ချက်အဖြစ်သာ သဘောပြီးပြည်သူများကအောင်ပွဲရသည် အထိ အဆုံးတိုင် တိုက်ပွဲဝင် သွားရမည် သာဖြစ်ပါသည်။
“အင်အား” နိုင်ငံရေးဖြစ်လာခြင်းကြောင့် အင်အားအကြီးဆုံးသော သူကသာနိုင်ရမည် ဖြစ်ပါတော့သည်၊သန်းရွှေ အောင်သောင်းဂိုဏ်းသည် မြန်မာပြည်သူတို့အထွတ် အမြတ်ထားသော သံဃာ၊ မည်သို့သော ယုတ်ကြမ်းမှုကိုမျှ မလုပ်တတ်သော သံဃာတို့ကို ခုတ်ထစ်သတ်ဖြတ်ပြလိုက်ခြင်းကြောင့် တိုင်းပြည်၏ အရေးပါသော သာသနာမဏ္ဏိုင်ကြီးသည် သူတို့ဘက်၌ ဆုံးရှုံသွားခဲ့ပေပြီ၊ ဥပဒေမဲ့အင်အားသုံးခြင်းကြောင့် ပြည်သူများမှလည်း အင်အားသုံးရန်အမြင် ပြင်းပြင်းထန်ထန် ပေါ်လာနေတော့သည်။ ဤသည်မှာ အိပ်နေသော ခြင်္သေ့ကို နိုးထစေသကဲ့သို့ ဖြစ်ခဲ့ပေသည်။

ပြည်သူတို့ကသာ အင်အားကို အပြည့်အ၀ အသုံးချရန် လိုနေပါတော့သည်။ မည်သို့သော ချွေးသိပ်မှု၊ အာဏာလွှဲပြောင်းမှု၊ အကောက်ကြံမှု တို့ကို နအဖက လုပ်လာသည့်တိုင် ပြည်သူများက အရေး မစိုက်ဘဲ“အင်အားသုံး တိုက်ခိုက်ရေး” ဟူသောလမ်းကိုသာ ခိုင်ခိုင်မာမာဖြောင့် ဖြောင့်တမ်းတမ်း လျှောက်ပါက စစ်အာဏာရှင် နအဖသည် ပြိုကျပျက်သုန်းသွားခါ ပြည်သူတွေလိုလားသော အရပ်သားအစိုးရနှင့် ဒီမိုကရေစီစနစ်သည် မုချပေါ်လာပါလိမ့်မည်။

ပြည်သူတို့သည် စစ်တပ်ထက်အားကြီးကြောင်း အမှန်တရားကိုလည်း ကမ္ဘာတခုလုံးအား ပြသရာရောက် ပေလိမ့်မည်၊သို့ဖြစ်ရန်မှာ အင်္ဂလိပ်ကိုလိုနီဆန့်ကျင်ရေးလှုပ်ရှားမှုနှင့် ဖက်ဆစ်ဂျပန် တိုက်ဖျက်ရေးကာလ လှုပ်ရှားမှု များမှ နည်းနာများကိုသုံးရန် အပြင် ယနေ့ရင်ဆိုင်နေရသော အမျိုးသားချင်းဖိနှိပ်သူ စစ်အာဏာရှင်တို့ကို ဖိနှိပ်ခံလူတန်း စားစိတ်ဓါတ်ဖြင့် တိုက်ပွဲဝင်ရန် လိုအပ်ပါသည်။ ကိုလိုနီခေတ်လွတ်လပ်ရေးလှုပ်ရှားမှုနှင့် ဖက်ဆစ်ဂျပန်တိုက်ဖျက်ရေး ကာလအတိုင်း မျိုးချစ်စိတ်လောက်ဖြင့် မရတော့သည်ကို အသေအချာသိစေရပါမည်။ ဖိနှိပ်ခံလူမျိုးစုံသွေး စည်းရေးနှင့် လူတန်းစားတိုက်ပွဲတို့ ပြင်းထန်သဲသန်မှုအကြောင်းများကို အလေး အနက်လေ့လာ ကျင့်သုံးရပါလိမ့်မည်၊ ဤနေရာတွင် အနီကြောက်ရောဂါ ။ အနက်ကြောက်ရောဂါတို့ ၀င်လာနိုင်သည်ကိုလည်း သိထားရမည်။ လယ်သမား စကားနှင့် ပြောရလျှင် ချိုထောင်၊ ချိုကုတ်အရေးမကြီးလှည်းဆွဲနိုင်ဖို့သာ အရေးကြီးသည်ဆိုသည်ကို ရှင်းလင်းစွာသဘော ပေါက်သင့် ပါသည်။
“အင်အား” နိုင်ငံရေးကွင်းသည် ပြည်သူတွေ နိုင်မည့်ကွင်း ဖြစ်သည်။ နအဖစစ်အာဏာရှင် ဗိုလ်ချုပ်တို့ သည်လက်တ ဆုတ်စာသာ ရှိသည်။ သူ့နောက်တွင် နည်းလမ်းမမြင်၍ ရောယောင်လိုက်သူ လက်ပါးစေတချို့သာရှိသည်။ ဖိနှိပ်ခံပြည် သူများ ဘက်တွင် သာမန်စစ်သားတွေကအစ။ ဓနရှင်များ၊ ပညာတတ်များ၊ လက်လုပ်လက်စားများ ၀န်ထမ်း များ၊ ဆင်းရဲသားများ၊ ရဟန်းသံဃာများ၊ ကျောင်းသားများ၊ မြောက်များစွာသော တိုင်းရင်းသားများ ပါဝင်ပါသည်။
ဤမျှ အင်အားများပြားသော အင်အားတို့သည် အင်အားကို အသုံးချလိုက်ပါက စစ်အာဏာရှင် နအဖ အင်အားကို လုံးဝ ဖြိုချဖျက် သိမ်းနိုင်မည်သာဖြစ်ကြောင်း ရေးသားတင်ပြလိုက်ပါသည်၊
လူတင့် ၂၃ ။ ၁၁ ။ ၀၇ ။