ဦးဌေးဦးကို ပြန်ပြောလိုက်ချင်တယ်။

ဦးဌေးဦးကို ပြန်ပြောလိုက်ချင်တယ်။

Hot News Weekly အတွဲ ၃ ၊အမှတ် ၁၂၉ မှာ ပါတဲ့ ကြံ့ဖွတ် ဒုဥက္ကဌ ဦးဌေးဦး နဲ့တွေဆုံခြင်း အခန်းကအကြောင်းတွေပါ။ “ ကိုယ်ပိုင် စစ်တပ် ” ဆိုတာကနေစ ရပါလိမ့်မယ်။ မြန်မာပြည် သမိုင်းမှာ လက်လှမ်းမှီသလောက်က စရရင် အရင် သီဗေါမင်းရှိစဉ်က သီဗေါမင်းတပ်ရှိမယ်။ သူ့ကိုပြည့်ရှင် ဘုရင်လို့ အသိအမှတ်ပြုထားကြလို့။ဆန်ကျင်ပုန်ကန်တဲ့တပ်မရှိလို့၊ရှိရင်သီဗေါတပ်နဲ့ဘယ်သူတပ်ဆိုပြီး ပြောရဦးမယ်။နောက် အရှေ့အိန္ဒိယကုန်မ္ပဏီတပ်က မြန်မာပြည်လာသိမ်းတယ်။ နောက်ဗြိတိသျှတပ်က မြန်မာပြည်ကိုကိုလိုအဖြစ် သွတ်သွင်းလိုက်တယ်။ ဗြိတိသျှတပ်ဟာ ပါလီမန်စံနစ်နဲ့ အုပ်ချုပ်တဲ့ အစိုးရရဲ့ တပ်ဖြစ်တယ်။ဘုရင်မ ဖြစ်တဲ့ အယ်လစ်ဇဘက် တပ်မဟုတ်ဘူး။ ကိုယ်ပိုင်တပ်မဟုတ်ဘူး။ ဆရာစံတို့ ဂဠုန်သူပုန် ထပုန်ကန်တယ်။ ဆရာစံတို့က အစိုးရမဖြစ်သေးဘူး၊ ပါလီမန်တွေ၊ကဲဘိနက်တွေမရှိဘူး။ဆရာစံတပ်လို့ခေါ်နိုင်တယ်။ နောက် ဒုတိယ ကမ္ဘာစစ်ဖြစ်တော့ ဂျပန်ဝင်၊ ပြန်ထွက် အင်္ဂလိပ်ဝင် လာတယ်။အင်္ဂလိပ်ဆီကလွတ်လပ်ရေးရတယ်။ ဦးနုပါလီမန်အစိုးရ အုပ်ချုပ်တယ်။ တပ်က ပါလီမန်တပ်၊ ဦးနုတပ် မဟုတ်ဘူး။ အစိုးရတပ်လို့ခေါ်နိုင်တယ်။ ဦးနုဆီကဗိုလ်ချုပ်နေ၀င်းကအာဏာသိမ်းတယ်။ပါလီမန်မရှိ တော့ဘူး။ဗိုလ်နေ၀င်းကတပ်ကိုကိုယ်ပိုင်လုပ်လိုက်တယ်။အဲဒီကစပြီး မြန်မာပြည်က စစ်တပ်ဟာ စစ်ဗိုလ်ချုပ်မင်း ဆက်တွေရဲ့ ကိုယ်ပိုင်တပ်ဖြစ်ခဲ့တယ်။ကိုယ်ပိုင်တပ်ဖြစ်သွားတယ်။ နံမည်တွေ ၊ ပုံသဏ္ဍာန်တွေ အမျိုးမျိုး ပြောင်းပေမဲ့  လူထု ရွေးချယ်တာ မဟုတ်တဲ့ စစ်ဗိုလ်တွေက လူထုဘဏ္ဍာနဲ့ တည်ဆောက်ထား တပ်ကိုကိုယ် ပိုင်လုပ်၊ ကိုယ်ကြိုက်တဲ့ ဥပ ဒေပြဌါန်း၊ ကိုယ်အတွက် သေခြာလုံခြုံမည့် လွှတ်တော်ပုံသဏ္ဍာန်ရွေးပြီး လူထုအ စိုးရပုံ ဟန်လုပ်နဲ့ ကြီစိုး နေတာအခုထိပါဘဲ။တပ်ဟာ ဥပဒေအောက် မှာ မရှိရင် တယောက်ယောက်ရဲ့ ကိုယ်ပိုင် တပ်ပါဘဲ။ဒါတွေက ခလေးကအစသိပါတယ်။

စစ်အာဏာကို ဆန့်ကျင်တဲ့ အင်အားစုတွေဘက်ကလည်း စစ်အာဏာရှင်စံနစ်ရဲ့ဖိနှိပ်မှုဒဏ်ကို ဒီအ တိုင်း ငုံခံလို့မရလို့တတ်သိသလောက်လက်နက်ကိုင်တိုက်ပွဲဝင်လာကြရတယ်။ တော်လှန်တိုက်ပွဲဝင်တဲ့ သူတွေအနေနဲ့ မူပေါ်လစီတွေ၊ ညီလာခံတွေ ရွေးပွဲတွေထဲက ခေါင်းဆောင်မှုကို ရှာဖွေကြရတယ်။ စစ်အာဏာရှင်စံနစ်ထက်စာရင် နှိုင်းယှဉ်ချက်အရဒီမိုကရေစီပိုရှိတယ်လို့ဆိုနိုင်ပါတယ်။တပ်ဆိုတာကိုလည်း တက်လာတဲ့ ခေါင်းဆောင်အောက်မှာရှိတယ်။ ပီသတာမပီသတာကတော့သက်ဆိုင်ရာအဖွဲ့အစည်းတွေရဲ့ စံနစ်ကျမှုအပေါ်မူတည်ပါလိမ့်မယ်။ကိုယ်ပိုင်တပ်ရယ်လို့ မဆိုနိုင်ပါဘူး။ ဗိုလ်ချုပ်မြတောင် သူမဆုံးခင်က ဒုဥက္ကဌအဖြစ် လျှော့ချခံသွားခဲ့ရပါသေးတယ်။ဒါပေမဲ့ ထားလိုက်ပါဦး ကိုယ်ပိုင်တပ် ဆိုပါတော့။

ဒီတော့ကြံ့ဖွတ်တပ်ကလည်းကိုယ်ပိုင်တပ်ဖြစ်နေတော့ဘယ်လိုလုပ်သူများကိုကိုယ်ပိုင်မလုပ်နဲ့ ပြောလို့ရတော့မှာတုန်း။ ဒီတာ့ တကယ် နိုင်ငံတော် အဆင့်နဲ့ညီတဲ့တပ် ဖြစ်ဖို့ကအိန္ဒိယမှာလိုတပ်ဟာလွှတ်တော်အောက်မှာရှိရမယ်။ တပ်ကို အခြေပြုတဲ့ နိုင်ငံရေး မလုပ်ရ။ လွှတ်တော်ထဲမှာ အရွေးမခံဘဲမတက်ရ။ဒီလိုလုပ်မှသာကိုယ်ပိုင်တပ် မဟုတ်ကြောင်း လူထုတွေက ယုံလာမယ်။ဒီလိုအလုပ်ဘဲကိုယ်ကျတော့ကိုယ်ပိုင်တပ်ထောင်ပြီးသူများတော့ မထောင်ရဘူး ဆိုလို့ တရားပါ့မလား။ သဘာဝကျပါ့မလား။ ဒီတော့ တပ်တွေအားလုံး လွှတ်တော်အပ်ဖို့ လုပ်ရမှာဘဲ။ ဒါမှ မဟုတ်ဘဲ တဖက်သတ် လုပ်နေ၊ ပြောနေလို့တော့ ပဋိပက္ခကတာရှည်ယုံကလွှဲပြီး ဘာမှ မဖြစ်နိုင်ပါဘူး။

`        စစ်အာဏာရှင်တွေ ရဲ့စံနစ် အောက်မှာ လူထုတွေဘ၀ကမလုံခြုံဘူး၊ စီးပွါးရေးကိုလည်း လက်ဝါးကြီးအုပ်သွေးစုတ်ထားတော့ လူထုတွေက ဆင်းရဲမွဲတေငတ်ပြတ်နေရတယ်။လူအခွင့်အရေးတွေက ဘယ်မှာ ရှိနေမှန်းတောင်မသိရ။ ဒီတော့လည်း သူ့သက်ဆိုင်ရာလူမျိုးတွေ ၊အဖွဲ့အစည်းတွေကသူတို့လူမျိုး၊ သူတို့လူထုကိုသိတဲ့တတ်တဲ့နည်းနဲ့ကာကွယ်စောင့်ရှောက်ဖို့ကိုယ်တိုင်ကိုယ်ကျအုပ်စုဖွဲ့တပ်တွေထောင်လုပ်ဆောင်လာကြရတယ်။ဒါဟာ နိုင်ငံမှာစစ်အာဏာရှင်ကြီးစိုးပြီးဒီမိုကရေစီဆိတ်သုန်းရာက ပေါ်လာတဲ့လူ ထုတွေ ရဲ့ လှုပ်ရှားမှုတွေပါဘဲ။

လတ်တလော  ဦးခင်ရွှေနဲ့ဦးနေမျိုးဝေတို့အကြားပဋိပက္ခမှာဦးခင်ရွှေကဦးနေမျိုးဝေကိုကြိုးနဲ့တုပ်မယ်။ ရိုက်မယ်။ သူ့မှာ လုံခြုံရေး အင်အား ၂၀၀ ရှိတယ်၊ အလုပ်သအား ၃၀၀၀လောက်ရှိတယ်၊ ဆိုတော့ သူလည်း ကိုယ်ပိုင်တပ်လိုဖြစ်နေတာကိုတွေ့နိုင်တယ်။ ဦးဘုန်းဆွေ ဆိုတဲ့ ၀န်ကြီးကလည်း ထားဝယ်ရေနက် ကိစ္စအရေးမှာ လူမှုရေး အဖွဲ့တွေကို ရင်ဆိုင်ဖို့ ပြည်သူ့စစ်တွေ ဖွဲ့ဖို့လိုပြီဆိုတာတွေ၊ ကဘောချိုင်းဝျမ်းမှာ ယုဇန ကုမ္ပဏီက သူလူတွေကို လက်နက်တက်ဆင်ထားတယ် ဆိုတာတွေက ကိုယ်ပိုင်တပ်တွေ ဖြစ်ပေါ် လာမှာကို တွေ့နေရတယ်။

တကယ်က စစ်အာဏာရှင်ဘုရင်စံနစ်ဟာ သူ့နယ်စားပယ်စားတိုင်းမှူး စစ်ဘုရင်လေးတွေမွေးပြီး လူထုကို ဖိနှိပ်သွေးစုတ်နေတာပါ၊ စစ်အာဏာကို ကျားကန်ပေးမည့်၊ စစ်အာဏာကို ထောက်ကူပေးမည့် အင်အားစုတွေကို တိုက်ရိုက်ရောသွယ်ဝှိုက်သောနည်းတွေနဲ့ပါကိုယ်ပိုင်စစ်တပ်ကို မွေးဖို့အားပေးနေတာက ဗဟိုက စစ်ဘုရင်စစ်ဗိုလ်ချုပ်ကြီးတွေပါ။လူထုကြီးရဲ့ တရားမျှတ လွတ်လပ်စွာ မဲပေး မရွေးချယ်ဘဲ အစိုးရနေရာယူ သူတွေ ဟာ တကယ်အားဖြင့် စစ်တပ်ကိုကိုယ်ပိုင်လုပ်၊အမြတ်ထုတ်ပြီးသူတို့အကျိုးစီးပွါးကို ကာကွယ်နေတဲ့  စစ်အာဏာရှင်တွေသာဖြစ်ပါတယ်။

မြန်မာပြည်ရဲ့ စစ်တပ်ဟာ စစ်ဗိုလ်ချုပ်တွေက မောင်ပိုင်စီးထားတာကြာပါပြီ။ အိန္ဒိယမှာ ကိုယ်ပိုင် စစ်တပ်ကိုဖက်ဒရာယ်ခွင့်မပြုဘူးလိုဦးဌေးဦးကဆိုတယ်။သူတို့နိုင်ငံမှာစစ်တပ်ကအာဏာသိမ်းထားတဲ့ နိုင်ငံမဟုတ်တော့ လက်နက်ကိုင်ပုန်ကန်မှုက ရှားပါတယ်။ အစိုးရကိုလည်း ပြည်သူတွေက တိုက်ရိုက်ရွေး ကောက်နိုင်တော့ အစိုးရကို အစိုးရလိုအားကိုးလို့ရမှန်း လူတွေက ယုံကြည်နေကြတယ်။ကာကွယ်ရေးဝန်ကြီး ကလည်း အရပ် သားဖြစ်တယ်၊ မြန်မာပြည်မှာကကာကွယ်ရေးဝန်ကြီးကစစ်ဗိုလ်ချုပ်ဘဲမဟုတ်လား။ မြန်မာ ပြည်မှာက ၀န်ကြီးမပြောနဲ့ သမတက ပြောတာတောင် စစ်ဦးစီးချုပ်က တမျိုးလုပ်တာ။ လူထုတွေကလည်း အန္ဒ ရာယ် ကျရောက်ရင် နာဂစ်လိုဖြစ်ဖြစ် ၊ ရခိုင်အရေးလို ဖြစ်ဖြစ် အားကိုးလို့မရတာ သိနေတော့ ပြည်သူ တွေက သူတို့ကို သူတို့ အားကိုးပြီးလူစု ကြရတာ၊ လိုအပ်ရင် တပ်ထောင်ရတာဟာ သဘာဝအတိုင်းဘဲ လိုအပ်လို့လုပ်သလို ဖြစ်တယ်။ မြန်မာပြည်က အစိုးရဆိုတာ လူထုအစိုးရမဟုတ်ဘူးလေ။ဖိနှိပ်သူအဖြစ်သာ လူထု က သိနေတယ်။

တကယ်ဆိုတော့ဦးဌေးဦးတို့ဘက်ကကိုယ်ပိုင်တပ်ထောင်ပြီးကြီးပွါးနေကြတာကတခြားအင်အားစု တွေ အတွက် စံနမူနာအဖြစ် လိုက်တုနေကြဦးမှာပါ။ အကျိုးစီးပွါးအရ တူညီနေလို စစ်အာဏာရှင်ဘက်က လည်း ဆက်လက် ကာကွယ်နေဦးမှာပါ။တကယ့် တော်လှန်းရေးတပ် အစစ် အမှန်တွေပေါ်လာရတာက ပြည်သူ ကို ကိုယ်စားပြုတဲ့ အစိုးရဟုတ်မဟုတ်၊ လူထုအုပ်ချုပ်ရေးဟုတ်မဟုတ်နဲ့ ဆိုင်တယ် ဆိုတာကို စစ်တပ်မှာ အမှုထမ်းဘူးတဲ့ဦးဌေးဦးကနားလည်နိုင်ဖို့ခက်နေပါလိမ့်မယ်။ကာလအလိုက် တော်လှန်ရေးလှုပ်ရှားမှုတွေဟာ နည်းနာနဲ့သဏ္ဍာန်သာကွဲပြားနေပေမဲ့ လူထုအစိုးရ မပီသသ၍ ရှိနေမယ်။ ပိုဖိနှိပ်လာလေ သူပုန်ထလိုတဲ့ စိတ်တွေက တဖွါးဖွါး ပေါ်လာလေ ဖြစ်နေမှာ ပါ။

မြန်မာပြည်သူတွေကို လှည့်စားတတ်တဲ့ သူတွေထဲမှာ-စစ်အာဏာရှင်လက်ကိုင်ဒုတ်ပညာတတ် တွေက စစ်အာဏာရှင်စံနစ် “ဖျက်သိမ်းရေး” တို့ “ချုပ်ငြိမ်းရေး” တို့ပြောနေကြပေမဲ့ “တိုက်ဖျက်ရေး”ကို မပြောဘူး။ စစ်အာဏာရှင်စံနစ်ရှိနေသမျှဒီမိုကရေစီရေး၊လူ့အခွင့်အရေး၊ငြိမ်းချမ်းရေးဆိုတာမရှိနိုင်ဘူး။ဒါကြောင့် ပြည်သူတွေရဲ့ ဘ၀ အေးချမ်းလုံခြုံရေးနဲ့၊ တိုးတက်မြင့်မားရေးအတွက် အနှောက်အယှက်ကြီးဖြစ် နေတဲ့ စစ်အာဏာရှင် စံနစ်တိုက်ဖျက်ဖြိုချရေးကိုအလေးထားလုပ်ဆောင်ရမယ်။ဒါမှသာစစ်မှန်တဲ့ ပြည်သူ့အစိုးရ ပေါ်ထွန်းရေးကို အကောင်အထည်ဖေါ်လို့ရမယ်။

ဒီနေ့ မြန်မာပြည်ရဲ့ နိုင်ငံရေးဟာ ၈၈ နောက်ပိုင်း စစ်အာဏာရှင်စံနစ် ဦးမော့လာနိုင်တာကစစ်အာ ဏာရှင်ဆန့်ကျင်ရေးအင်အားစုအတွင်း ဖေါက်ဖြန်ရေးအင်အားစုတွေ၊အပေးအယူလုပ်လိုတဲ့သူတွေ ကြောင့်ပါ။ နိုင်ငံတ ကာကလေထုကြောင့်လည်းပါတယ်။ ဒါပေမဲ့ စစ်အာဏာရှင်စံနစ်ရဲ့ဖိနှိပ်ထားမှုကိုဒါတွေကအဖိနှိပ် ခံပြည် သူတွေအပေါ်က လျှော့သွားအောင် မလုပ်နိုင်တဲ့ အပြင်  စစ်အာဏာရှင်နဲ့ သူ့လက်ဝေခံတွေရဲ့ သွေး စုတ် ဖိနှိပ်မှုက ပိုမိုပြင်းထန်လာနေတာကြောင့် ပြည်သူလူထုက  တော်လှန်ရေးတပ်တွေ ထောင်ပြီး ကိုယ့်အ ခွင့်အရေးအတွက် တိုက်ဝင်ရပါတော့မယ်။ ကြံ့ဖွတ်စစ်အာဏာရှင်တွေ မောင်ပိုင်စီးထားတဲ့  ကိုယ်ပိုင် လုပ်ထား တဲ့ အမျိုးသားစစ်တပ်ကို ပြည်သူဘက်ကပြန် ရပ်တည် တိုက်ပွဲဝင်လာအောင် လှုပ်ဆော်ကြရမှာ ဘဲ။ဦးဌေး ဦးပြောသလို “ ကိုယ်ပိုင်တပ်ထောင်မယ်ဆိုတာကိုတော့ လက်ခံဘူး” ဆိုသလိုဘဲ ကျွန်တော်က လည်း “ စစ်တပ်ကို ကိုယ်ပိုင်တပ်လို အသုံးချနေတာကိုလည်း လက်မခံနိုင်ပါကြောင်း” ပြန်ပြောလိုပါတယ်။

စစ်အအာဏာရှင်စံနစ် ကျဆုံးရမယ်။

ပြည်သူ့အစိုးရပေါ်ထွန်းရမယ်။

ဦးအေးဆောင်

ဖေဖ၀ါရီ ၁၅၊ ၂၀၁၃။

လက်ရှိအခြေအနေနှင့် ပတ်သက်၍ သဘောထားထုတ်ပြန်ချက်။

            

      လက်ရှိအခြေအနေနှင့် ပတ်သက်၍ သဘောထားထုတ်ပြန်ချက်။

နိုင်ငံကို တင်းကြပ်သော စစ်အာဏာရှင် စံနစ်ဖြင့် ကြီးစိုးနေရာမှ  စစ်အာဏာရှင်ဆန့်ကျင်ရေး အင်အားစု များ၊လက်နက်ကိုင်အင်အားစုများနှင့် နိုင်ငံတကာဖိအားများကြောင့်သန်းရွှေဦးဆောင်သည့်စစ်အာဏာရှင်တို့ သည် မတရား သည့် ဖွဲ့စည်း အုပ်ချုပ်ပုံ အခြေခံဥပဒေကို ဇွတ်ပြဌါန်းခါ ကလိန်ကျထားသည့် ရွေး ကောက် ပွဲဖြင့် လွှတ်တော်ဆိုသော တံတိုင်းကို တည်ဆောက်ပြီး  ဟန်ပြ ဒီမိုက ရေစီ ကျင့်သုံး၍ သူတို့ ကိုယ် သူတို့ ကာ ကွယ်လျှက် ပြည်သူလူထုကိုလှည့်စားပြီး ဆက်လက် ဖိနှိပ်ရမ်းကား ဗိုလ်ကျမြဲ ဗိုလ်ကျ ကြီးစိုးလျှက် ရှိသည်။

 ဖြစ်ပေါ်ခဲ့သော လျှပ်စစ်မီးရရေးလှုပ်ရှားမှု၊ ရခိုင်ပြည်တွင် ဖြစ်ပွါးနေသောအဓိကရုဏ်းများ၊လက်ပံ တောင်း စီမံကိန်းပြဿနာ၊ လယ်ယာမြေများကို မတရားသိမ်းယူခြင်းကိစ္စများ၊ကချင်ပြည်နယ်စစ်ပွဲများ၊မီဒီယာလွတ် လပ်ခွင့်အရေးလှုပ်ရှားမှု၊ စစ်တပ်ထဲမှလည်း မကျေနပ်မှုများ တပ်ပြေးများလည်း များပြားနေခြင်း စသည် တို့မှာ စစ်အာဏာရှင် လက္ခဏာကို တနည်းတဖုံအားဖြင့် ဖေါ်ပြနေချက်များ သာဖြစ်သည်။

 လွှတ်တော်နှင့်အဆင့်ဆင့်သောရာထူးရာခံတို့ဖြင့်၎င်း၊စီးပွါးရေးအခွင့်အလမ်းးများဖြင့်၎င်း၊ဖိနှိပ်မှုများဖြင့်၎င်း၊  လက်ဝေခံ လက်ပါးစေတို့ကို မွေးခါ ပြည်သူလူထုအပေါ် စစ်အာဏာရှင်စံနစ်ကို ပုံစံပြောင်း၍ ဆက်လက် လှည့် စားတည်ဆောက်နေခြင်းသာဖြစ်ပေသည်။အခွင့်အရေးနှင့်မက်လုံးများကြောင့်လည်း ဖေါက်ပြန်သော အချောင် သမားများကို မြူဆွယ်သိမ်းသွင်းနိုင်ခဲ့ပြီး ဖိနှိပ်ရေး ယန္ဒယားကို ပိုမိုမောင်းနှင်လာနေပါသည်။

ဤအခြေအနေအောက်တွင်“ငြိမ်းချမ်းရေး”အရည်ခြုံလျှက်လက်ဝေခံလက်ပါးစေများ၊ကရိုနီများ ဖြန့်ကျက်ခါ လယ်သမား၏ မြေယာသိမ်းခြင်း၊ အလုပ်သမားများ လုပ်ခလစာအပြည့်အ၀မပေးခြင်း၊ လူ့အခွင့်အရေး ချိုး ဖေါက်ခံရ ခြင်းတို့အတွက်ကြံ့ဖွတ်စစ်အာဏာရှင်တို့ကိုကျွန်ုပ်တို့ကအယုံအကြည်မရှိ၊ဆန့်ကျင်တိုက်ပွဲဝင် သွားမည်။

စစ်အာဏာရှင်ကြံ့ဖွတ်တို့၏လုပ်ရပ်များနှင့်၊သူတို့၏လက်ဝေခံလက်ပါးစေ၊လူထုဆန့်ကျင်ရေး ဖေါက်ပြန်သူ အချောင်သမားများတို့၏လုပ်ရပ်ကိုလည်း ဖေါ်ထုတ်ဖွင့်ချခါ ဆန့်ကျင် ရှုတ်ချသွားမည်။

လူထုတိုက်ပွဲ လက်နက်ကိုင်တိုက်ပွဲ လမ်းစဉ်ကို အဆက်အစပ်ရှိစွာကျင်သုံးပြီး စစ်အာဏာရှင် စံနစ် တိုက်ဖျက် ရေး လှုပ်ရှားမှုကို ဆက်လက်အကောင်အထည်ဖေါ် ကျင့်သုံးသွားမည်။

ကြံ့ဖွတ်စစ်အာဏာရှင် ဖိနှပ်မှုသည် လျှော့မသွားဘဲပုံစံပြောင်းဖိနှိပ်မှုသာဖြစ်နေသဖြင့်ကြံ့ဖွတ်စစ်အာဏာ ရှင်တို့နှင့်စေ့စပ်နားလည်မှုယူခြင်းသည်စစ်အာဏာရှင်စံနစ်ကိုသက်ဆိုးရှည်စေရန်အားပေးရာကျသော ကြောင့် မပြုလုပ်ကြရန် တိုက်တွန်းလိုက်သည်။

ပြည်သူလူထုတို့၏အားသည် စုစည်းမှုအားဖြစ်သောကြောင့် မည်သည့်လှုပ်ရှားမှုကို မဆို ဖြစ်နိုင်သမျှ တပ် ပေါင်းစုအသွင်ဖြင့် လှုပ်ရှားနိုင်ရန် ကြိုးပမ်းကြရမည်၊ သီးခြားအခွင့်အရေးနှင့် တကိုယ်ကေင်းဆန်မှုကို ရန်သူ သည် အကြီးအကျယ် အမြတ်ထုတ်နေကြောင်း အလေးအနက်သိထားသင့်ပေသည်။

ပြည်တွင်းရှိလယ်သမားများအလုပ်သမားများ၊သံဃာများ၊ဆင်းရဲသားများ၊ ပြည်သူ့ဘက်သားတပ်မ တော်သားများသည် သူတို့၏ ဘ၀ရပ်တည်ရေး၊ တရားသော အခွင့်အရေး၊ စစ်မှန်ပြည့်ဝသော ဒီမိုကရေစီနှင့် လူ့အခွင့်အရေး အတွက်လှုပ်ရှားတိုက်ပွဲဝင်နေခြင်းကို၎င်း၊စစ်အာဏာရှင်စံနစ်အားလက်နက်ကိုင်ဆန်ကျင်တိုက်ပွဲဝင် နေကြသော KIO, SSPP, PSLF စသည့် တိုင်းရင်း သားညီအကို များကို ၎င်း၊ ကျွန်ုပ်တို့သည် နည်းမျိုး စုံဖြင့် အပြန်အလှန်အားပေး ထောက်ခံကြရမည်။

စစ်အာဏာရှင်ကြံ့ဖွတ်တို့သည် သူတို့၏ ကြမ်းကြုပ်သော စစ်အာဏာ ရေရှည်တည်တန့်ရေးအတွက် အကွက် ချ လုပ် ဆောင်နေခဲ့သဖြင့် ပြည်သူများအနေဖြင့် ပြည့်ဝသော ဒီမိုကရေစီနှင့် လူခွင့်အရေးကို ပီပီပြင်ပြင် ခံစား နိုင်ရေးအတွက် စစ်အာဏာရှင်တို့၏ အကျင့်နှင့် လုပ်ရပ်တို့ကို လူမှုရေးနယ်ပယ်၊စီးပွါးရေး နယ်ပယ်၊ အနုပညာ နယ်ပယ်မှအစဆန့်ကျင်တိုက်ပွဲဝင်မှသာရရှိခံစားနိုင်မှာဖြစ်ကြောင်းတိုက်တွန်းနိုးဆော် လိုက်ပါသည်။

စစ်အာဏာရှင် စံနစ်ကို ဆန့်ကျင်တိုက်ဖျက်ကြ။

လူထုအစိုးရ မုချပေါ် ထွန်းရမည်။

ပြည်သူ့လွတ်မြောက်ရေးတပ်ဦး

မြိတ်ထားးဝယ်ညီညွတ်ရေးတပ်ဦး

သိရှိလိုသူများ ၊ ဆက်သွယ်လိုသူများအတွက်

သိရှိလိုသူများ ၊ ဆက်သွယ်လိုသူများအတွက်

ပြည်သူ့လွတ်မြောက်ရေးတပ်ဦး (PLF)သည် လူမျိုးအပေါ် အခြေခံသောအဖွဲ့အစည်းမဟုတ်၊ အဖိနှိပ်ခံလူတန်းစားပေါ်တွင် အခြေခံသောအဖွဲ့အစည်းဖြစ်သည်။ အသားအရောင်၊ဘာသာရေး၊ကျား/မ ခွဲခြားမှုမရှိ။

ပြည်သူ့လွတ်မြောက်ရေးတပ်ဦး

အခြေခံမူဝါဒ (၃) ရပ်

၁ - အဖိနှိပ်ခံညီညွတ်ရေး

၂ - ဘုံရန်သူ ( လက်ရှိ ကြံ့ဖွတ်စစ်အာဏာရှင်) ကို ၀ိုင်းတိုက်ရေး

၃ - အချောင်သမားဝါဒ ဆန့်ကျင်ရေး

ရပ်တည်ချက် (၄) ရပ်

၁ - တပြည်လုံးအတိုင်းအတာဆောင်ရေး

၂ - တပ်ပေါင်းစုနှင့် အောင်ပွဲခံရေး

၃ - လက်နက်ကိုင်တိုက်ပွဲကို ဗဟိုပြုရေး

၎ - စစ်မှန်သော ဖက်ဒရာယ်ပြည်ထောင်စု ထူထောင်ရေး

ရည်မှန်းချက်များ -

၁ - စစ်အာဏာရှင်စံနစ်တိုက်ဖျက်ရေး

၂ - ဒီမိုကရေစီနှင့် လူ့အခွင့်အရေး ရရှိရေး

၃ - ပြည်တွင်းငြိမ်းချမ်းရေး

၎ - စစ်မှန်သောဖက်ဒရာယ်ပြည်ထောင်စု ထူထောင်ရေး

၅ - အရပ်သား အစိုးရထူထောင်ရေး

၆ - ပါတီစုံစံနစ်ကျင့်သုံးရေး

၇ - လွတ်လပ်သော စီးပွါးရေးစံနစ်ကျင့်သုံးရေး

၈ - လယ်လုပ်သူလယ်ပိုင်ရေး

၉ - အလုပ်ချိန် - (၈) နာရီနှင့် ဖူလုံသော လုပ်ခလစာ ရရှိရေး

လုပ်ငန်းစဉ် -

၁ - လွတ်မြောက်ရေးကော်မီတီများ ကျေးရွာ၊ရပ်ကွက်၊ ခရိုင်၊ တိုင်းအဆင့်ဆင့် ဖွဲ့စည်းရေး

၂ - လူထုတိုက်ပွဲနှင့် လက်နက်ကိုင်တိုက်ပွဲဆက်စပ်ရေး

၃ - ကျယ်ပြန့်သော တပ်ပေါင်းစု ထူထောင်ရေး

ပြည်သူ့လွတ်မြောက်ရေးတပ်ဦး၏ သစ္စာဓိဌါန် (၅) ချက်

၁ - ငါတို့သည် အဖိနှိပ်ခံပြည်သူတို့၏ အကျိုးကို ဦးထိပ်ထားရွက်ဆောင်ပါမည်။

၂ - ငါတို့သည် လူမျိုးရေးအရ ခွဲခြားမှုကို ဆန့်ကျင်ပါမည်။

၃ - ငါတို့သည် ဝေမျှခံစားရဲသော စိတ်ဓါတ်ကို စိုက်ထူပါမည်။

၎ - ငါတို့သည် အထက်မှ ပေးအပ်သော အမိန့်နှင့် တာဝန်ကို ကျေပြွန်စွာ ထမ်းဆောင်ပါမည်။

၅ - ငါတို့သည် ၊ ငါ့ပြည်သူ၊ ငါ့တပ်ဦး ငါ့ရဲဘော်တို့အတွက် ငါ၏အသက်ကို စွန့်လွှတ်ရန် အဓိဌါန်ပြုပါ၏။

ပြည်သူ့လွတ်မြောက်ရေးတပ်ဦး တပ်မှူးတပ်သားတိုင်း၊ အဖွဲ့ဝင်တိုင်း လိုက်နာရမည့် ၃/၈ လုပ်ဟန်

စည်းကမ်းကြီး(၃)ရပ် -

၁ - ဘာဘဲလုပ်လုပ် အမိန့်လိုက်နာပါ။

၂ - ပြည်သူ့ပစ္စည်းအပ်တချောင်း ချည်တမျှင်မျှ မယူရ။

၃ - သိမ်းပိုက်ရသည့်ပစ္စည်းများ စံနစ်တကျ အထက်သို့အပ်ရမည်။

သတိပြုရန် (၈) ချက်

၁ - အမျိုးသမီးများကို မစော်ကားရ

၂ - ပြည်သူလူထုအပေါ် မရမ်းကားရ

၃ - စကားပြောလျှင်ချိုသာစွာပြောပါ

၎ - ငှါးသည့်ပစ္စည်းပြန်အပ်၊ ပျက်လျှင်လျှော်ပါ

၅ - ၀ယ်လျှင်တန်ဖိုးပေးပါ

၆ - သူတပါးဓလေ့ထုံးစံကိုလေးစားပါ

၇ - သုန့်ပန်းများကို မညှင်းဆဲရ

၈ - သီးနှံပင်များကို မဖျက်စီးရ

ဤသံဓိဌါန်နှင့် ၃/၈ လုပ်ဟန်တို့ကို ပြည်သူ့လွတ်မြောက်ရေးတပ်ဦး အဖွဲ့ဝင်တိုင်း မပျက်မကွက် သိရှိ၊လိုက်နာ၊ကျင့်သုံးရမည်။

ဆက်သွယ်လိုသူများ - plfburma@gmail

                            U Aye Saung ( face book)

                           ဖုန်း - 089 8355341 - ဆက်သွယ်နိုင်ပြီး

ပိုမိုသိရှိလိုပါက -  plfburma.blogspot.com မှာတက်ကြည့်နိုင်ပါတယ်။

ဆက်သွယ်လာသူများ၏ ကိုယ်ရေး အချက်အလက်များကို လျှို့ဝှက်ထားပါမည်။

ရင်နင့်စရာ ခြောက်ထပ်ကြီးမှတ်တိုင်က အဖြစ်အပျက်မှ စ၍

ရင်နင့်စရာ ခြောက်ထပ်ကြီးမှတ်တိုင်က အဖြစ်အပျက်မှ စ၍

ပြီးခဲ့တဲ့နှစ် ဒီဇင် ၂၉ ရက်နေ့ ဗဟန်းမြို့နယ် ခြောက်ထပ်ကြီး ကားမှတ်တိုင်မှာ ငိုနေတော့ ၁၀ နှစ်အရွယ် ခလေးမလေးကို  အမျိုးသမီး တဦးက ခေါ်နေတဲ့ အခါ ဈေးသည်တွေက မသင်္ကာလို့  ၀ိုင်းမေးတော့ ခလေးမအမေရင်းကမှတ် တိုင်မှာ ပစ်ထားခဲ့ကြောင်း သိလာကြတယ်။ ဈေးသည်တွေက ရဲစခန်းကို အကြောင်း ကြားလိုက်တယ်၊ ရဲက စုံစမ်း ပြီး သူ့မိဘတွေထံပြန်ပို့တော့၊ မိဘတွေက တဲပြိုလို့ နေစရာ မရှိတော့ဘူး၊ အကြွေးရှင်တွေက ပူလို့ ရန်ဖြစ်ရ တာလည်းမကြာခဏ၊ ဒီခလေးကို အိမ်ဖေါ်လုပ်ခိုင်းဖို့ ဆိုပြီး မိခင်ကခေါ် လာပြီး ကားမှတ်တိုင်မှာ ပစ်ထားတာ ၊အခုတော့ဒီခလေးမလေးကို သူ့ အဖွါး ဆီမှာရဲကအပ်ထားလိုက်တယ်လို့ သတင်းကဖေါ်ပြတယ်။ ဒီလိုဖြစ်တာက ခဏခဏဘဲ လို့ အင်းစိန် ရပ်ကွက်အုပ်ချုပ်ရေးမှူး ဦးအောင်နိုင်ထွန်း ကဆိုပြန် တယ်။ ခလေးကယ်ဆယ်ရေး ဆရာမကြီးတွေက မိဘတွေဟာ ခလေးကို ဂေဟာ တခုခုမှာ အပ် ထားဖို့ သင့်တယ် လို့ဆိုတယ်။

ဒီအဖြစ်အပျက်မှာ မြင်သာတာက မိဘတွေက သူတို့ရင်သွေးကို ပစ်ထားရလောက်အောင် ဘ၀ ခက်ခဲနေတာကို သိနိုင်ပါတယ်။ ဒီနေရာမှာ မိဘတွေကို အပြစ်တင်မည့်သူတွေရှိနိုင်ပါတယ်။ မိဘတွေက ချို့တဲ့ နေတာကို အရင်းအမြစ်အထိ စစ်သင့်ပါတယ်၊ ပညာအရည်းအချင်းကြောင့်၊ စာရိတ္တကြောင့်၊ အလုပ်အကိုင် ရှားပါးတာ ကြောင့်၊ ကုန် ဈေး နှုန်းကြောင့်၊ အိမ်ဖျက်ခံရတာကြောင့် ဆိုတာတွေတွေ့ နိုင်ပါလိမ့်မယ်။ ပညာနဲ့ အခွင့် အလမ်းကိစ္စ တွေက အုပ်ချုပ်သူနဲ့ လုံးဝ ပတ် သက် နေတယ်။ဒါက ငြင်းမရတဲ့ ကိစ္စ။ မိဘတွေရဲ့ ချို့ငဲ့မှုက သားသမီး တွေအပေါ် ရိုက်ခတ်တာ သဘာဝဘဲ။ ဒီတော့ ပညာရေးစံနစ်နဲ့ အလုပ်အကိုင်အခွင့် အ လမ်းဟာ မြန်မာပြည်မှာ ချို့ငဲ့နေတာ ကြာပြီ၊ ဒီကိစ္စက ရေရှည်လုပ်ရမှာ ဆိုတော့ ခြောက်ထပ်ကြီးမှာ ပစ် ထားခံရတဲ့ ငိုနေတဲ့ ခလေးမ အတွက် ဘာမှ လက်ငင်းလုပ်ပေးနိုင်မှာ မဟုတ် ပါဘူး။

ခလေးတွေ ထိန်းသိမ်းစောင့်ရှောက်တဲ့ ဂေဟာက ဆရာမကြီးတွေက ပြောသလို ခလေးတွေ သူတို့ဆီ သွားအပ်တဲ့ အလုပ်က ဘယ်လို လုပ်ကြရတယ်တော့ မသိပေမဲ့ ဒီခလေးမလေးရဲ့ မိဘတွေက ၀င်ငွေမျှော်လင့် ချက်ထားပုံရတယ်၊ သူတို့ကို ဂေဟာက ခလေးမိဘတွေကို ကူနိုင်မလား ဆိုတာလည်း စဉ်းစားစရာ။ မိဘ တွေအတွက် မပြောနဲ့ ခလေးတွေအတွက်  မြန်မာပြည် မှာ အခမဲ့ ပညာရေးဟာ တကယ်အခ မဲ့တည်ရှိ နေပြီလားလည်း စီစစ်သင့်ပါတယ်။

ဂေဟာက အဆင်ပြေချောမောစွာ စွန့်ပစ်ခလေးတွေအားလုံးကို ကယ်ဆယ်နိုင်တယ် ဆိုလျှင်လည်း ဘယ်လို ကြောင့် လေလွင့်ခလေးတွေရှိနေရတာလဲ ဆိုတာကို လေ့လာရဦးမယ်။ အခုတော့ စစ်ရှောင် ခလေးတွေ၊ ဒုက္ခသည်ခလေးတွေကိစ္စ ကိုကော ဘယ်လို စီစဉ်ကြမလဲ ထည့်တွက်ရတော့ မယ်၊ စာရေးသူရဲ့ ရည်ရွယ် ချက်က ဂေဟာတွေရှိတာကောင်းပေမဲ့ ဆင်းရဲခြင်း ဒုက္ခကိုပါ တင်ပြချင်တာပါ၊ လူတယောက်ဟာ ဆင်းရဲပြီ ဆိုရင် ဒုက္ခတွေ အားလုံး ၀င်လာတော့တာဘဲ။ သမတက ဆင်းရဲမှု တိုက်ဖျက်ရေး လုပ်နေတယ်လို့ ဆိုတယ်၊ ခရိုနီတွေလည်း ကြီးပွါးနေကြတယ်၊ အခုလို ရင်သွေးသား သမီးတွေကို စွန့်ပစ်ရလောက်အောင် အခြေ အနေက ရန်ကုန်မြို့ကြီးမှာဖြစ်နေတယ်။ ချမ်းသားကြီးပွါးနေ တဲ့ လူတွေ ရှိရာ မျက်စိအောက်မှာဘဲ ဖြစ်နေတော့၊ မိဘတွေက သား သမီးကို စွန့်ပစ်သလို၊ မိဘနဲ့ တူတဲ့ အစိုးရတို့၊စေတနာကောင်းသလိုလိုရှိတဲ့ လူချမ်းသာတို့ ၊ လူဂုဏ်တန်တို့က ဆင်းရဲသားတွေကို  ပစ်ထား တာဟာ တော်တော်ကြည့်ရ၊ ကြားသိရ ဆိုးတဲ့ကိစ္စဘဲ၊ ရင်နင့် စရာပါဘဲ။

အရွယ်မရောက်သေးတဲ့ ခလေးငယ်တွေ မိဘကစားဝတ်နေရေးမပြေလည်လို့ ဈေးဗန်းခေါင်း ရွက် ဈေး ရောင်း ထွက်ရ၊စားပွဲထိုးလုပ်ရ၊အိမ်ဖေါ်လုပ်ရ၊ ပြည့်တတန်ဆာဖြစ်ရ၊တောင်းရမ်းစားသောက်နေ  ရတာတွေတပုံတပင်ဖြစ်နေသလို၊ ကျောက်ဖြူပညာရေး ကောလိပ်လိုနေရာမှာတောင်ထမင်းမ၀တဲ့ ကျောင်းသား တွေရဲ့ အဖြစ် ဟာ ဒီနေ့ ဖွံ့ဖြိုးရေး၊ ဆင်းရဲမှု တိုက်ဖျက်ရေး လို့ ကြွေးကြော်နေတဲ့  ကြံ့ဖွတ်အစိုးရနဲ့၊ သူရဲ့အပေါင်း ပါ လူချမ်း သာတွေ၊ သူတို့ကိုထောက် ခံအား ပေးနေတဲ့သူတွေကို  သရော်နေသလိုသာရှိတော့တယ်။

ဆင်စွယ်နန်းကလူတွေ ပြောင်လက်ရွှင်းပ ပွဲလမ်းကြီးငယ် ကျင်းပကြပေမဲ့ ဆင်းရဲသားအများစုက လုပ်ခအပြည့် ၀ရရေးအတွက် ဆန္ဒပြရ၊ မြေယာပျောက်ရ၊ ထောင်တန်းကျရ၊ တရားတဘောင်ရင်ဆိုင်နေရ၊ ညစာ အတွက် ပူပင် နေရတဲ့ ဒီလို အခြေအနေကို မနှိုင်းယှဉ်ဘဲ ဘယ်သူကနေနိုင်မှာပါလဲ။

လက်ရှိဖြစ်ပေါ်နေတဲ့အချက်အလက်တွေက မြန်မာ့လူ့အဖွဲ့အစည်းဟာအပျက်ဘက်ကိုယိမ်းနေ ကြောင်း ညွှန်ပြ နေတယ်။ အုပ်ချုပ်ရေးအာဏာကိုလည်း မတရားတဲ့နည်း၊ ကောက်ကျစ်တဲ့ နည်းတွေနဲ့ စစ် အာဏာရှင် လက် ပါးစေဟောင်းတွေက သူတို့အာဏာကို ပြန်ထူထောင်ဖို့ ကျားကုတ်ကျားခဲလုပ်ဆောင်နေ တာတွေ ကိုတော့ အောက်ခြေအုပ်ချုပ်ရေးမှူးရွေးချယ်ပွဲတွေမှာ ပေါ်ပေါ်လွင်လွင် မြင်သာနေပြန်ပါတယ်။ ဆင်း ရဲ သား ပြည်သူလူထု အတွက် အကာအကွယ်ပေးမည့် အာဏာ ဆိုတာကို အထက်စီးက အုပ်စိုးနေတဲ့ စစ် အာဏာ ရှင်တွေဆီက မျှော်လင့် နေရတာ ငုံးအမြီးမျှော် သလိုပါ။

ဆင်းရဲသားပြည်သူလူထုတွေအတွက်  ရည်မှန်းချက်တွေနဲ့ လုပ်ဆောင်နေကြတယ် ဆိုတဲ့ပါတီအဖွဲ့ အစည်း တွေကလည်းကြံ့ဖွတ်အစိုးရရဲ့ မြင်ရတဲ့ဥပဒေတွေရော၊မမြင်ရတဲ့ဖိအားတွေရော၊ခြိမ်း ချောက်မှု တွေရော၊ မြူဆွယ်မှုတွေရောရဲ့ အောက်မှာ ရည်ရွယ်ချက်ပျောက်၊လမ်းပျောက်ဖြစ်နေကြလို့ ပြည်သူတွေ က ကိုယ်တိုင် တိုက်ပွဲဝင်ရင်း နော်အုန်းလှလို၊ မအေးနက်လို၊ သွဲ့သွဲ့ဝင်းလို၊ ကိုဝေဠုလို၊ ကိုထင်ကျော်လို၊ ကိုအောင်သန်း ချိုလို၊ကိုဟန်ဝင်းအောင်လို၊ ဗိုလ်ကြီးဟောင်းနေမျိုးဇင်လို လူတွေ သူရဲကောင်းတွေအများ အ ပြား သီးသန့် ပေါ်လာကြရ တာက လည်း နိုင်ငံ ရေးပါတီတွေဟာ  လူထုရှေ့မှာအားကိုးနိုင်လောက်အောင် မရှိ တာကို တွေ့နိုင် ပါတယ်။

စစ်အာဏာရှင်စံနစ်ရဲ့ အရင့်အရင် သွေးစုတ်ဖိနှိပ်အနိုင်ကျင့်ခဲ့တာတွေ၊လက်ရှိအကျင့်ပျက်ချို့ယွင်း ချက်နဲ့ ဘက်လိုက်မှုတွေကို ပြုပြင်ပြောင်းလဲဖါထေးယုံနဲ့ မရဘဲ အမြစ်ကနေ လှန်ပစ်မှသာရနိုင် မယ် ဆိုတာက ဒီနေ့ ဖြစ်ပေါ်နေတဲ့ အခြေအနေနဲ့ အကြောင်းအမျိုးမျိုးမှာ ပေါ်လွင်နေ ပါတယ်။ စစ်ဘက်အသိုင်း အ၀ိုင်းနဲ့ နီးစပ် တဲ့ လူလက်တဆုတ်စာသာ ကြီးပွါး ချမ်းသာပြီး ဧရာမ ပြည်သူလူထုကြီးမှာ ဆင်းရဲ တွင်းနက်သ ထက်နက်နေတာထင်ရှားနေတယ်။

ဒီတော့ကျွန်တော်တို့ပြည်သူတွေကဘာလုပ်ရမှာလဲလို့ မေးစရာရှိလာတော့ကျွန်တော့်အနေနဲ့ ပြည်သူအတွက် အလေးထားပြီး ဆောင်ရွက်တဲ့ အဖွဲ့ကိုသာ ပြောင်းဝင်ကြ ၊ ထောက်ခံကြရတော့မှာ ဖြစ်တယ်။ လူထု အများအတွက် တိုက်ပွဲဝင်တဲ့သူတွေကို အားပေးထောက်ခံရမှာပါ၊ ပြင်းပြင်းထန်ထန်တိုက်ပွဲဝင်သူကို ပိုမို အားပေးဝန်းရံကြရမှာပါ။စစ်အာဏာရှင်တွေရဲ့အကျိုးစီးပွါးကိုသိသိသာရော၊မသိမသာပါအားပေးနေတဲ့ ဖေါက်ပြန်သူတွေ၊ အဖွဲ့တွေကိုဖွင့်ချဆန့်ကျင်ပြီး၊၀ိုင်းပယ်ရှုတ်ချသင့်ပါတယ်။ဒါဟာ ပြည်သူတွေရဲ့ဆန္ဒသ ဘောထားပြဆိုချက်တခုလည်းဖြစ်လာပါလိမ့်မယ်။ ပြည်သူတွေအတွက် ၊ပြည်သူ့အကျိုးအတွက် မလုပ်ဆောင် ဘဲ၊ ခေါင်း ဆောင် မဟုတ်ဘဲ ခေါင်းရှောင် နေတဲ့ ပါတီတွေမှာ ၀င်မိနေရင်လည်း မြန်မြန် ထက်ထက်နုတ် ထွက်ပြီး ရင်နင့်စရော အကြောင်းများကို ပြည်သူနဲ့အတူ ခံစား တိုက်ပွဲဝင်သည့် ပါတီအဖွဲ့အစည်းထဲကိုပြောင် ၀င်ကြ ရမယ်။ ဆင်းရဲသားပြည်သူလူထုအတွက် ခိုင်ခိုင်မာ မာ ရိုးရိုးသားသားလုပ်ဆောင်သူကို သာ ခေါင်း ဆောင် တင်ပြီး လူထု အကျိုးကို အမှန်တကယ်ဦး တည်ဆောင်ရွက်အောင် လူထုဘက်က ပေးနိုင်တဲ့ ဖိအားက ဒါသာဖြစ် တယ်။ လက်တွေ့ကျကျ ကျင့် သုံးနိုင်အောင် ကျိုးပမ်းသင့်ပါတယ်။

ဒီလိုပြည်သူတွေရဲ့ ဖွင့်ချဆန့်ကျင်မှုမရှိဘဲ ရိုးရာအစဉ်အလာအတိုင်းလုပ်နေပါက သမာရိုးကျကြီးစိုး မင်းမူ သူတွေက ဆက်လက်ကြီးစိုးရင်း ပြည်သူတွေရဲ့ ဘ၀က တိုးတက်လာစရာ မရှိဖြစ်နေတော့မှာဘဲ။ ဆင်းရဲ ဒုက္ခ သံသရာမှာ ထွက်ပေါက်မဲ့ ဖြစ်နေပါလိမ့်မယ်။ လူထုကကိုယ့်လမ်း ကိုယ်ထွင်ကြရမှာပါဘဲ။

အနီးဆုံး ဖေါက်ပြန်သူတို့ကို ဆန့်ကျင်ဝိုင်းပယ်ကြ။

လူထုလှုပ်ရှားမှုကို မြှင့်တင်ကြ။

လူထုအစိုးရ ပေါ်ထွန်းရမည်။

ဦးအေးဆောင်

ဇန်န၀ါရီ ၉ ၊ ၂၀၁၃။