ဘာကြောင့် လူထုတွေက အင်အားသုံးဖို့လိုအပ်သလဲ ။

လူထုတွေရဲ့အင်အားပြပွဲဟာ မြစ်ဆုံအရေး၊ လျှပ်စစ်မီးအရေး။ အိုအိုင်စီရုံး ကိစ္စတွေမှာ လိုက်လျှော မှု တွေ ရခဲ့ တာကို ကြည့်ပြီး လူထုအင်အားပြမှုဟာ အတော်အတန်ထိရောက်တာကို တွေ့နေရပါတယ်။ ဒါပေမဲ့ တဖက်မှာ စစ်အာဏာရှင်တွေရဲ့ လက်ပါးစေ အုပ်စုတွေက လက်ပံတောင်း၊ပြည်နဲ့ တခြားနေရာတွေက လူထု ဆန္ဒပြဖေါ်ထုတ်မှုကို ရိုက်နှက်တာတွေ၊ ခြိမ်းခြောက်တာတွေ၊ တရားတဘောင်စွဲပြီးဖိနှိပ် ချုပ်ချယ်တာ တွေကို တွေ့နေရတုန်းပါဘဲ။ဆက်လည်းလုပ်လာပါလိမ့်ဦးမယ်။

ဒီဖြစ်ရပ်တွေကို အကြမ်းပြင်း သုံးသပ်ရင် စစ်အာဏာရှင် တွေရဲ့ အရင်းအမြစ်ကို ထိခိုက်နိုင်တာတွေ၊ တပြည်လုံးအတိုင်းအတာဆောင်နိုင်မည့် လှုပ်ရှားမှုတွေကို ဖိနှိပ် ချုပ်ချယ်ထားပြီး အပေါ်ယံမျက်နှာစာ ပြုပြင် ပြောင်း လဲမှုများကို သာ လူထုကျေနပ်စေရန် ဖြေသိမ့်နေတဲ့ သဘောကိုတွေ့နိုင်ပါတယ်။

စစ်အာဏာရှင်ရဲ့ ဖိနှိပ်ရေး ယန္ဒယားတွေအပြင် စီးပွါးရေးကုမ္ပဏီတွေရဲ့ မြေသိမ်းမှု၊ စီးပွါးရေးလက် ၀ါးကြီးအုပ်မှု၊ မတရားအမြတ်ထုတ် သွေးစုတ်အနိုင်ကျင့်တာတွေကလည်း ဒီနေ့မြန်မာပြည် နိုင်ငံရေး မြင်ကွင်း မှာ ပေါ်ပေါ်လွင်လွင် ဖြစ်နေဆဲပါဘဲ။ ဒါတွေကို ကင်းပျောက်အောင်လုပ်ဖို့က လူထုမှာ စွမ်းအားကြီးမားတဲ့ အင်အားတရပ်ကို မဖြစ်ဖြစ်အောင် ထူထောင်ထားဖို့လိုပါလိမ့်မယ်။

အခုအခါမှာတော့ လူထုအပေါ် လက်ဝါးကြီးအုပ်စစ်အာဏာရှင်တွေရဲ့ ရာစုနှစ်ဝက်မျှ ကျူးလွန်ခဲ့တဲ့ သွေးစုတ် မှု တွေက ပေါ်ထွန်းလာတဲ့ သတင်းမီဒီယာတွေကြောင့် တစတစပေါ်ပေါ်လာနေပါတယ်။ အရင်းစစ် တော့ အမြစ်မြေက ဆိုတဲ့ အတိုင်း စစ်အာဏာရှင် စံနစ်ကိုဘဲ မြင်မြင်လာကြပြန်ပါတယ်။ ဒါပေမဲ့ အခုမြင်တဲ့ အမြင် က အရင် ၈၈ တုန်းကအမြင်မျိုး ဟုတ်သေးသလားဆိုတာကို စီစစ်ကြည့်ရင် ပြောင်းလဲနေတဲ့ အခြေအ နေကို တွေ့ ရပြန်တယ်။

အကြမ်းမဖက်တဲ့ ၈၈ လူထုအုံကြွမှုကြီးကို စစ်တပ်က ရက်ရက်စက်စက် ဖြိုခွင်းလိုက်ပြီးနောက် လူထု တွေက လက်နက်ကိုင်တော်လှန်ရေးလုပ်ဖို့ လိုအပ်နေတာကို ပြတ်ပြတ်သားသားမြင်လာခဲ့ကြတယ်။ ဒါကြောင့် လဲ ကျောင်းသားတပ်မတော်အပါအ၀င် လက်နက်ကိုင်အင်အားစုတွေ အလျှိုအလျှိုပေါ်လာကြတယ်။ ကျွန် တော် တို့ ပြည်သူ့လွတ်မြောက်ရေးတပ်ဦးလည်း စင်ပေါ်ရောက်လာနိုင်ခဲ့တယ်။ ဒါပေမဲ့ လက်နက်ကိုင် တော် လှန် ရေးရဲ့ ဦးဆောင်ခန်းက လူမျိုးစုခေါင်းဆောင်တွေ လက်ထဲမှာ ရှိခဲ့တယ်။ တော်လှန်ရေးဟာ တပြည်လုံး အတိုင်း အတာ နံမည်အရဆောင်ပေမဲ့ အတွေးအခေါ်အရ တပြည်လုံးအတိုင်းအတာမ ဆောင်နိုင် ခဲ့ဘူး။ဒါဟာ ကျွန်တော် တို့ ဒီမိုကရေစီအင်အားစုတွေရဲ့ အားနည်းချက် တွေလည်းပါနေမှာပါ။

ဒီအခြေအနေအောက်မှာဘဲ ၉၀ ခုနှစ်ရွေးကောက်ပွဲရလာဒ် ကြောင့် ပေါ်လာတဲ့ မျှော်လင့်ချက်တွေ၊ ဒေါ်စုရဲ့ အကြမ်းမဖက်လမ်းစဉ်တွေ၊ ရန်သူရဲ့ စေ့စပ်ရေးထိုးစစ်နဲ့၊ စစ်ရေးထိုးစစ်တွေ၊ တိုင်းရင်းသား အဖွဲ့ အစည်းတွေရဲ့ ကိုယ်ကျိုးကြည့်မှုတွေ၊ ဒီမိုကရေစီအင်အားစုတွေရဲ့ တော်လှန်ရေး သဘောတရား ချို့ငဲ့မှုတွေ ကြောင့် အထက်က ၈၈ လူထုအုံကြွမှုက ပေါ်လာခဲ့တဲ့ လက်နက်ကိုင်တော်လှန်ရေး အမြင်ဟာ ထိခိုက် ခဲ့ရ တယ်။

ဒါပေမဲ့ ဒီနေ့ပြည်သူတွေက စစ်အာဏာရှင်ကို ရင်ဆိုင်တဲ့ နေရာမှာ ဆန္ဒပြပွဲနဲ့ ပုံစံခွက် လွှတ် တော် သက်သက်တို့နဲ့ သာမလုံ လောက်သေး ကြောင်း ပြည်သူတွေ ပြန်သိလာနေကြတာကို သမဂ္ဂတွေ၊ အဖွဲ့အစည်း တွေ ဖွဲ့စည်း နေကြခြင်းက ဖေါ်ပြနေပါတယ်။ဒါပေမဲ့ စစ်အာဏာရှင်စံနစ် ဆန့်ကျင် တိုက်ဖျက်တဲ့ အဆင့်မရောက်ဘဲ ကိုပြည်သူတွေ ကို ကူညီတဲ့ အဆင့်နဲ့ ဘဲ စခန်းသွားနေကြရတယ်။ ဘာနဲ့ တူလဲ ဆိုတော့ အရိုက်ခံရတဲ့ လူကို ဆေးထည့်ပတ်တီးစည်းပေးတဲ့ အလုပ်ကိုသာလုပ်နေကြရပြီး ရိုက်တဲ့ လက်ကို မချိုး ပြစ်နိုင်တဲ့ အခြေအနေပါဘဲ။သူတို့ကလည်း သူတို့ အခြေအနေနဲ့ သူတို့လို့ပြောမှာ ဖြစ်တော့ ကျွန်တော် တို့ကလည်း ကျွန်တော်တို့မှာ ပြောနိုင်တာကို အပြည့်ပြောရမှာပါဘဲ။

ဒါကို မြင်သာတဲ့ ဥပမာက ရန်သူကြံ့ဖွတ်နဲ့ စေ့စပ်ထားတဲ့ ဗိုလ်ထင်မောင်အဖွဲ့က ဒုဗိုလ်မှူးကြီး စော ဂျိုးဗက် ဆိုသူက ကရင် ပြည်သူတွေ မြေသိမ်းခံရတာကို တား ဖို့ ရန်သူတပ်ကို မကြာသေးမှီက သွားပြောတော့ သူကို မြေယာကိစ္စမှာ ၀င်မပါနဲ့ လို့ ဟန့်လိုက်တယ်တဲ့။ ဒီတော့ ဘာမှ လုပ်မရဘူးလို့ သူခင်မျာ ညည်းတယ်။ ဒါက အာဏာပြဿနာဆိုတာကို သူသိမသိတော့ မသိဘူး၊ အာဏာပြဿနာဆိုတာ ထင် ရှားပါတယ်။ ဒီလို အမှုတွေက စေ့စပ်ထားတဲ့ အဖွဲ့တိုင်းလိုလို ရင်ဆိုင်နေရတာပါ။ဒီအာဏာ ပြဿနာကို နိုင်ငံရေး ပြဿနာလို့ ပြောနေတာက စစ်အာဏာရှင်ရဲ့ စရိုက်ကို နားမလည်သလိုဖြစ်နေပြီး စေ့စပ်ရေးကို အားကိုးလွန်ရာကျပါတယ်။

“မြို့မှာ သပိတ် ၊ တောမှာ တိုက်ပွဲ” လို့ ကျွန်တော်လှုပ်ဆော်ခဲ့ပါတယ်။ အခုဖြစ်တဲ့ မြို့ပေါ်က ဆန္ဒပြပွဲ တွေက ကျွန်တော်လှုပ်ဆော်လို့လို့ ပြောချင်တာမဟုတ်ပါဘူး၊ဖြစ်စဉ်ကိုသာပြောချင်တာပါ။ တောမှာက တော့ တိုက်ပွဲတွေ ရပ်နေတယ်။ ကချင် ပြည်နယ်ကလွဲရင် ပေါ့။ သေနတ်တွေ ချေးပိတ်နေတယ်။ ဒါတွေက မဖြစ် သင့်တာကို ထောက်ပြတာပါ။ တပ်ပေါင်းစုဆိုတာတွေကလည်း ကျားဆွဲခံရတဲ့ ကိုယ့်လူကို ၀ိုင်းကြည့် နေသ လိုဘဲ လုပ်နေကြတာ ဟာ အဖွဲ့အစည်း သိက္ခါတော်တော်ကျတယ်။ တွေးမိတိုင်း အရိုးအထိနာတယ် ဆိုရမလိုဖြစ်နေတယ်။ တောမှာတိုက်ပွဲတွေ လိုနေတာကို သိစေ ချင်ပါ တယ်။ ရန်သူစစ်အာဏာရှင်တွေနဲ့ စေ့စပ်နားလည်မှုယူတာဟာ ဖေါက်ပြန်တာဖြစ်ပြီး၊ ရန်သူနဲ့အတူ ပြည်သူကို ဖိနှိပ်တာဖြစ်ပါတယ်။

ငြိမ်းချမ်းရေး ဆန္ဒပြပွဲကို ကြံ့ဖွတ်အစိုးရက ဘယ်လိုတုန့်ပြန်သလဲ ဆိုတာ ကို ကြည့်ရင် ငြိမ်းချမ်းရေး ကို ကြံ့ဖွတ်စစ်အာဏာရှင်တွေ မလိုလားတာသိသာပါတယ်။ ဒီတော့ ငြိမ်းချမ်းရေး လုပ်ငန်းဟာ စစ်အာ ဏာ ရှင် လို အစိုးရမျိုးမှာ ဘာမှ အလုပ်မဖြစ်တာကို သိလာကြတော့ အင်အားပြတာ၊ တိုက်ပွဲဝင် တာတွေကို သာ အားထားနိုင်မှာဖြစ်တာ ထင်ရှားပါတယ်။ ဒီလိုဘဲလုပ်ဖို့ တိုက်တွန်းတယ်။

တိုက်ပွဲမပါဘဲ ဘာမှ မရဘူးဆိုတာယုံပါ။ မြင့်မားတဲ့ ရည်မှန်းချက်အတွက် ကြီးမားတဲ့ တိုက်ပွဲတွေ ၀င်ရပါလိမ့်မယ်။

ဒီနေ့ တိုင်းပြည် ပြဿနာကို ဖြေရှင်းဖို့ “ ပါတီပေါင်းစုံ ကွန်ဖရင့်” နည်းကို ၂၀၁၀ရွေးကောက်ပွဲ မတိုင်မှီကကျွန်တော် တင်ပြပါတယ်။အာဏာခွဲဝေရေးရည်မှန်းချက်နဲ့ပါ။ အာဏာကို ခိုးချောင်ခိုးဝှက်လက်ကြား ယို လက် သိပ် ထိုး နည်းနဲ့ မဟုတ်ဘဲ ခွဲဝေစေချင်လို့ပါ။တိုင်းပြည်ရဲ့ ပြဿနာကို ရိုးရိုးသားသား ပွင့်ပွင့်လင်း လင်း မြန်မြန်ဆန်ဆန်ရှင်းလင်းစေချင်လို့ပါ။ အခုတော့ ကြံ့ဖွတ်စစ်အအာဏာရှင်တွေက သူတို့အစိုးရကို လူရာ ၀င် အောင် လုပ်သွားနိုင်ခဲ့ပါပြီ၊ ဘာကြောင့်ဒီလိုဖြစ်ရသလဲဆိုတာကို ဒီနေရာမှ မသုံးသပ်ပြတော့ပါဘူး၊ အခုတော့ ပင်လုံလိုလို ဘာလိုလို တွေ လေသံပစ်နေတာဟာ တိုင်းရင်းသားတွေကို ချော့မြူဖို့ဘဲ ဖြစ် လာဦးမယ်။ တိုင်းရင်းသားတွေ ရွာလည်နေဖို့ပါဘဲ။ သူတို့ကလက်နက်ရှိတော့ ရန်သူက ဦးစားပေးတာပါ၊ ကျွန်တော်တို့တွေလည်း ဘာကြောင့်လက်နက်နဲ့အင်အားမရှိနိုင်ရမှာလည်းတော်လှန်တဲ့သဘောတရားနဲ့ ထူ ထောင် ရဲရင် ထူထောင်နိုင်ရင် ရှိလာမှာဘဲ။ ရန်သူကလေးစားလာမှာဘဲ။ ဒီတော့အခုအခါ ကျွန်တော်တို့က လှုပ်ရှားမှုနဲ့ သာရင် ဆိုင်ရတော့မှာ ဖြစ်တော့ တိုက်ပွဲသစ်အတွက်ပြင်ဆင်ရ ပါလိမ့် မယ်။

တိုက်ပွဲရဲ့မူက

အဖိနှိပ်ခံတွေအားလုံး ညီညွတ်ဖို့

တပြည်လုံးအတိုင်းအတာဆောင်ဖို့

လက်နက်ကိုင်တိုက်ပွဲကို ဗဟိုပြုပြီး တခြားတိုက်ပွဲသဏ္ဍာန်နဲ့ ပေါင်းစပ်ဖို့ ဖြစ်တယ်။

ဒီနေ့ဟာ ငြိမ်းချမ်းရေးကာလမဟုတ် စစ်အာဏာရှင်နဲ့ သူ့လက်ပါးစေလက်ဝေခံတွေကို တိုက်ဖျက်ရေး အတွက် တိုက်ပွဲဝင်ကာလဖြစ်တယ် ဆိုတာသိဖို့ လိုတယ်။

လက်နက်ကိုင်တိုက်ပွဲလမ်းစဉ် ဆိုတာကို ရှင်းပြရရင် အင်အားသုံး အာဏာသိမ်းတာကိုပြောတာ။ လူထုအားနဲ့ ဖြစ်ဖြစ်၊ ရန်သူတပ်က ဘက်ပြောင်းလို့ဘဲ ဖြစ်ဖြစ် လုပ်ရမှာကို ပြောတာ။ တောမှ၊ မြို့မှ ရယ်လို့ မဟုတ်ဘူး၊ လက်နက်ကိုင်လမ်းစဉ်မရှိရင်၊ အာဏာသိမ်းဖို့ရည်ရွယ်ချက် မရှိရင် ။ ရှိတဲ့အင်အားဟာ ခေါင်းမရှိတဲ့ ရထားတွဲလို ဖြစ် မယ်။ တော်လှန်ရေးကို တော်လှန်ရေးနဲ့ တူအောင်လုပ်တတ်ဖို့ အမြဲ ဆည်းပူးလေ့လာနေရ မယ်။ဗြောင် ဖြစ်ဖြစ်၊ လျှိုဝှက်ဖြစ်ဖြစ် စုစည်း လှုပ်ရှား နေရမယ်။ အောင်ပွဲဟာ တိုက်ရဲသူအတွက် သာဖြစ်တာ ကို လက် တွေ့က ပြသလာမှာပါ။

ပြည်သူအားလုံး အတွက် တိုက်ပွဲဝင်ကြ။

စစ်အာဏာရှင် ကျဆုံးရမယ်။

လူထုအစိုးရ ပေါ်ထွန်းရမယ်။

ဦးအေးဆောင်

အောက်တိုဘာ ၁၉၊ ၂၀၁၂။